Kæri Kristján minn Júl

Það er ekki að spyrja að hugmyndafluginu hjá flokksbræðrum þínum í Mosó. Bara ekki annað en reisa spítala fyrir útlendinga með 1000 manna áhöfn og allt sem þarf með.

Svona á að hugsa Stjáni minn ekkert helvítis kræklinga háskóla-sjúkrahús, nei og aftur nei segi ég bara, hafa þetta almennilegt fyrst verið er að þessu á annað borð. Okkur kemur sko ekkert við hvaðan monnýið kemur. Hvað kemur okkur við hvort félögin eru á tortúlum sem ætla að splæsa í þetta hús, ég bara spyr?

Svo er spennandi að heyra hverjir eiga að vera prímusar um borð í þessum risa spítala. Til dæmis doctor Mengeli er sérhæfður í þoli mannsins gagnvart kulda. Ekki ónýtt þegar útigangsútlendingum er komið í hús úr frosti og bil. Doctor No margfrægur fyrir rannsóknir sínar á hákarlabitum og smáeyjum. Doctor Jan Flemming margfrægur sagnahöfundur sérhæfður í að lesa fyrir meðvitundarlausa. Doctor Strangelow algjör snillingur varðandi geislun og meðferð á fólki sem hefur fengið kjarnorkusprengju í hausinn.

Þetta eru bara helstu sérfræðingarnir, margir fleiri verða þarna Stjáni minn ekki að spyrja að því. Ég segi bara ekki annað en, svona eiga menn að hugsa, stærra en stórt.

Ég bið svo að heilsa Bjarna gæsalappa og Sigmundi glópaláni.

Þín Magnea


Innskráning

Ath. Vinsamlegast kveikið á Javascript til að hefja innskráningu.

Hafðu samband