kæri Bjarni

Örey 24.des 2020 

Kæri Bjarni minn gæsalappi.

Enn og aftur eru hælbítarnir komir í hælana á þér, er ekki nóg á þig lagt að draga vinstri eitthvað um ..............

Ég er að heyra ýmsar útgáfur af óhappinu sem þú lentir í niður í miðbæ, en ég trúi ekki hverju sem er sagt um þig Bjarni minn, „ó-nei ó nei.“

En að þú hafir króast út í horni lengst frá dyrunum út, því trúi ég. Það hafa áræðinlega verið helvítis kommar sem vörnuðu þér útgöngu elsku drengurinn. Þetta er mér sagt að þetta væri grímulaus listasýning svo ég er ekki hissa þótt fólk væri ekki með grímur. „Of corse yes“

Þetta fólk sem ruddist inn og hrakti þig út í horn og hélt þér þar til lögreglan kom til hjálpar, eru helvítis kommar og ekkert annað, bölvaðir séu þeir og það á Þorláksmessunni sjálfri.

Ekki nóg með það, þetta pakk var búið að drekka úr öllum nema tveimur eða þremur sprittbrúsum sem voru þarna til að spritta hendur og olnboga.

Hvað gera menn svo sem annað en kyssast og svoleiðis þegar partýið er búið og tími til að fara heim að lúlla, ég bara spyr? Svo er löggan kölluð allskonar eins og til dæmis nasistar. Þvílíkur dónaskapur segi ég bara. Ég er ekki hissa þótt þeir þurfi hærri laun blassaðir.

Elsku Bjarni minn þessir hælbítar, sóðakjaftar og kommar, þeir eru áræðanlega að spá í hver eigi að taka við keflinu af þér. Þeir halda virkilega að þú eigir að fá þér aðra vinnu. Þeir trúa því sjálfir þótt enginn annar geri það að þú þurfir þess. Elsku vinur þetta var ekki þér að kenna.

Ég óska þér gleðilegs grímulauss árs elsku drengurinn.

Þín einlæga Magnea.

Kæru hermenn

Skarfasker 18.des.2020

 

Kæru hermenn gráa hersins og aðrir gamlingjar.

Hvers konar frekjugangur er í ykkur, ég bara spyr. Þið heimtið fullt af peningum frá honum Bjarna mínum alsaklausum. Eins og hann hafi ekki nóg með að hækka fullt af launum allskonar embættismann, þingmanna, og vina sinna.

Ég segi aftur, þið hermenn gráa hersins sem hafið ekki unnið eina einustu orustu skiptið um herforingja.

Komið með einhverjar lausnir. Hvernig væri til dæmis að skipa þessum 45000 hermönnum að ganga í takt og kjósa eitthvað annað en vanalega ?

XD er ávísun á ekki neitt. Bjarni sagði fyrir síðustu kosningar að leiðréttig lífeyris til eldri borgara og öryrkja væru forgangsmál XD.

XV er ávísun á ekki neitt. Fyrir kosningar sagði Katrín, það má ekki dragast neitt að leiðrétta kjör eldri borgara og öryrkja. XV..

XS er ávísun á ekki neitt. Fyrir kosningar sagði Logi, eitt af fyrstu verkum eftir kosningar verður að leiðrétta kjör eldri borgara og öryrkja.XS..

XB, er ávísun á ekki neitt. Fyrir kosningar sagði Siggi formaður, æskilegt að við leiréttum kjör eldri borgara og öryrka sem allara fyrst eftir kosningar. XB..

Hinn sjálfstæðis- og hinn framsóknar flokkarnir voru sammála síðasta ræðumanni, en komust ekki að til að hafa áhrif.

Ég segi bara það, meðan þið þarna í gráa hernum gangið ekki í takt út úr þessari pabba-pólitík

Verður ekkert af þessari leiðréttingu sem þið eruð að jarma um.

En samt vona ég að þið eigið fyrir hrísgrjónum í jólagrautinn.

Ykkar einlæga Magnea

Kæra Anda......

Það er nú meiri frekjan í þessum Brusselum. Vita þeir ekki að á Íslandi eru sérlög sem þeim í Brussel kemur bara ekkert við hvernig við meðhödlum.

            Átta þessir skrifstofu kratar sig ekki á því að skipun í embætti á íslandi fara eftir ströngum hæfniskröfum viðkomandi embætta. Það eru skipaðar nefndir sem meta hæfni umsækjenda út frá menntun þeirra, fyrri störfum og pólitískum skoðunum.

            Þetta er kallað að finna þá hæfustu. Frá þessari hæfnisnefnd kemur svo listi yfir þá hæfustu, og svo þá sem taldir eru hæfir. Svona er nú þetta. Hvað er svo sem óeðlilegt við það. Þó við íslendingar skrifum undir einhverja pappíra frá Bussel það er ekki þar með að við þurfum að apa allt upp sem þar stendur, ónei við erum stollt og fullvalda ríki.

            Þetta sem var skrifað undir á sínum tíma í Brussel innhélt fullt af allkonar sem við stór græddum á. Allskyns styrkir, svo maður nefni ekki alla tollana af fiskinum sem við fengum niðurfellda, og margt margt annað.

            Þennan lista sem minnst er á fékkst þú eins og eðlilegt er þar sem þetta er bara listi sem þarf að fara vel yfir. Elsku Anda... þú rakst strax augun á götin á listanum. Þér fannst að eitthvað væri bogið við listann, svo þú gerðir smá leiðréttingu á honum.

            Auðvita urðu þeir fúlir sem þú settir út, og sögðu að þú hafir sett í staðin flokkfélaga þína. En það er nú merki um sjálfstæða þjóð að fara að eigin geðþótta og lýsa frati á einhverja pappíra frá útlöndum. Og hana nú.

En þessir lúserar fóru í mál og félagar þeirra og fyrrverandi skólabræður dæmdu Brussel í vil. Þessum dómi var áfríað til allra hæsta dóms, en allt á sömu leið þar voru skólabræður og vinir sem dæmdu skipun dómsmálafrúar ólögmædda.                    

            Nú Anda... ekkert annað en klaga til Brussel þar er nefnilega dómstóll sem tekur á svona málum, að vísu er dómstóllinn í Strassborg sem hefur verið ýmist í Þýskalandi eða Frakklandi undanfarnar aldir.

            Hvaða jólasveinar voru að vara þig við?  Voru það ekki fyrrverandi skólabræður þínir úr súpergaggó á melonum ? Kannske áttir þú að taka mark á þeim.

            Nú þeir þarna í Strass dæmdu, og auðvitað var það rangur dómur ekki spurning enda ekkert athugavert að gera bara eins og þú vilt. Þó það núværi að þessum dómi yrði áfríað til æðsta dóms mannréttinda í Strass. Þar eru 17 lögfróðir sem kíkja á þessa pappíra og koma sér saman um að láta fyrri dóm félaga sinna standa, enda að koma matartími.

Kæra Andas..... haltu áfram að fara að vilja flokksins og vertu ekkert að lesa þessa Brussels pappíra. Auðvitað vannst þú sigur í þessu máli hvað sem svo þessum dómum líður.

 

Ég hef þetta ekki lengra núna elsku Anda.... mín.

Þín Magnea.