Kæra Vigdís ekki Gríms

Ég botna bara ekkert í þessu rafmagnskapla idjótum að ætla að leggja rafstreng til annarra landa frá okkar hreina og heilnæma landi. Veit þetta fólk ekki að rafmagn getur farið í báðar áttir ?

ég bara segi ekki meir “tell no more”

Hvað ef kjarnorku mengað rafmagn frá kjarnorkuverum Þýskalands kæmi til Íslands? Það er allsendis óvíst að spanhellurnar hennar Vigdísar þyldu það. Hvernig færi fyrir þvottavélinni hennar Vigdísar ef rafmagn frá kolaraforkuverum flæddi inn á íslansk heimili ?

Það er nú aldeilis óvíst að kolamengað rafmag sé gott fyrir þvottavélina þína Vigga mín. Ég ráðlegg þér að þvo upp í höndunum ef rafstrengurinn verður lagður, því það er næsta víst að leirtauið verði óhreint, ef uppþvottavélin fær kolamengað rafmagn inn á sig, svo maður tali nú ekki um mynstrið á Mávastellinu sem hreinlega gæti þurrkast út.

Ég stend með þér og segi nei við rafstreng til mengaðra útlanda.

Þín Magnea.  

Kæra Harðabirna

Hvað á þetta að þýða hjá sjóræningjanum að skamma þig fyrir að gera eitthvað sem þú villt ekki ? Auðvitað eins og við vitum bæði er ekkert vit í því að hætta uppboðum á íbúðum óráðsíufólks, sem setti þetta þjóðfélag á hausinn með kaupum á flatskjám og utanlandsferðum svo ég vitni í Davíð okkar og fleiri snillinga . Nei Harðabirna mín láttu sem þú heyrir ekki þetta sjóræningja bull og gefðu frekai í, og láttu þetta fók finna fyrir afleiðingum óráðsíunnar, það á ekkert gott skilið og getur bara búið á götunni. "Yes"

Sigmundur glópalán er þér örugglega sammála, bara að klára dæmið með uppboðum þá þarf ekkert að leiðrétta nema smá afskriftir til útgerðarinnar  vegna stökkbreytts hagnaðar.

Auðvitað verða þessir óráðssíu-aular laungu búnir að gleyma  þessu öllu saman þegar kemur að kosningum.

Ég bara segi það Harðabirna mín ásram og ekkert hik.

Bestu kveðjur

Þín Magnea    

Kæri Sigmundur glópalán

Hvað eru þessir gaurar og gaurur að rífa kjaft þarna í alþingiskofanum við  Austurvöll yfir því að þú gafst skýrslu um stöðu skuldaleiðréttinga sumra heimila..

Heldur þetta lið sem kosið var til þingsetu eigi að vera með einhvern kjaft við ykkur Bjarna gæsalappa, ég mara spyr ? "yes I simply ask"

Skilur þetta lið ekki að því fleiri heimili sem boðin eru upp þeim mun minna þarf að leiðrétta.

10 nefndir og starfshópar eiga að sjá til þess að búið verði að bjóða sem flest upp svo ekki þurfi að hafa áhyggjur af  leiðréttingu til þeirra. Tær snilld segi ég bara. Enda sömu hugmyndafræðingar á ferð.

Sigmundur minn ekki láta það fara í taugarnar á þér þótt Bjarni gæsalappi og íhaldshjörðin hans hafi skroppið í kaffi meðan þú gafst skýrsluna góðu sem sagði akkúrat ekkert um skuldaleiðréttingu annað en það að verið væri að skoða möguleika á því hvernig væri hægt að leiðrétta forsendubrest  á kostnað svokallaðra kröfuhafa.

En svona bara fyrir þig, þú lætur það ekki fara lengra. Bakkabræður fengu afskrifaða 170 milljarða hjá Kaupþingi og Arion banka 2008. Bara þessi eina afskrift nægir til kaupa á 425 geislalækningatækjum. Það vantar bara eitt eða tvö svoleiðis tæki fyrir spítala landssins.

Simmi minn farðu varlega í umferðinni, ég er viss um að einhverjir öfundarpúkar sitja um að keyra yfir þig.

Sjáumst í næsta kokteilboði

Þín Magnea. 

Kæri Georg

  Mikið varð ég feginn þegar ég heyrði að þú ætlaðir ekki að vera borgarstjóri lengur. Nú þarftu ekki lengur að þykjast vera einhver Jón Gnarr. Þú getur aftur farið að gangast við nafninu Georg Bjarnfreðarson, enginn feluleikur lengur með nafnið, þú ert flottur segi ég bara, áfram Goggi.

Ekki láta  helvítis íhaldið hafa taumana, þeir gera bara hverja vitleysuna eftir aðra. Betra að fá sjóræningja til að stjóra heldur en samfylkingar-vinstri-grænt-framsóknar-íhald.

Er ekki Björt Framtíð einhverskonar kokteill úr þessum fjórflokki ? ég bara spyr.

Georg minn elskulegur er það ekki áræðanlegt að þú verðir næsti forsætisráðherra? ég bara ætla að vona það „yes hope so“

Sæta stelpan sem var í fyrirsvari fyrir Besta Flokkinn, man ekkert hvað hún heitir, er flott, verst ef hún er hefur drukkið of mikið af þessum bjarta framtíðar kokteili. En það má láta renna af henni fyrir næstu kosningar.

Ég segi bara áfram Goggi, áfram Goggi, láttu úrtölupakkið ekki komast upp með neina vitleysu, vertu okkar maður við stóra stýrið, þegar Bjarni gæsalappi og Sigmundur glópalán hrökklast frá því.

Ég ef auga með þér vinurinn.

Þín Magnea