Kæri Georg.

 

Mikið má hún Bjarnfreður vera stolt af þér, bara á leið í borgarstjórastólinn hvorki meira né minna. Það má nú segja það, ekki datt mér í hug eitt augnablik að þú ættir eftir að verða svona frægur. Eymingja Hanna Birna að þurfa að lúta í gras fyrir meiraprófsbílstjóra, þetta hefur varla nokkrum manni dottið í hug, ég segi no more.

Veit Wasington af þessu ? Þú verður að senda honum skeyti, eða bara að bjóða honum þegar þú tekur við keðjunni. Ég var að heyra í Sigmundi glópalán, mér heyrðist hann lýsa yfir stórsigri Framsóknar hérumbil um allt land. Sama var með Bjarna gæsalappa Ben, það var helst að skilja á honum að Sjálfstæðisflokkurinn væri hinn eiginlegi sigurvegari kosninganna, hann hefði fengið miklu fleiri atkvæði heldur en síðast. Ég bara skil ekkert í því hvaðan atkvæðin sem þú og þinn flokkur fengu komu, I do not understand.  Steingrímur bað menn bara að skoða úrslitin í samhengi, þá sæju menn að raunverulega hafi Vinstri Grænir unnið stórsigur svona á heildina litið, totally.

Goggi minn þú verður frábær borgarstjóri og svo verður svo gaman á fundum með þér, ekki þetta alvarlega röfl með og á móti, heldur brandarar hægri og vinstri eins og þú sagðir. Svo maður tali nú ekki um allar meðmælagöngurnar sem sá besti á eftir að standa fyrir. Ekki fleiri mótmælagöngur í henni Reykjavík, bara gaman, you say so.

Ég er að velta fyrir mér hvort þú gætir ekki reddað einhverju embætti fyrir Bubba frænda, hann er svo leiður yfir því hvernig Hanna Birna fór með hann, alveg í rusli. Þetta þarf ekki að vera neitt merkilegt. Hann er með meirapróf eins og þú, svo þú skilur þetta alveg. Hann Bubbi minn á það til að fá naglakul, svo það væri ágætt ef hann fengi einhverja innivinnu. Hann gæti til dæmis séð um að opna hurðir fyrir þig og loka þeim aftur þegar þú hefur gengið um þær.  Eða bara skrifað eitthvað fyrir þig, kannske á gula miða þú veist, svona minnismiða.

Ég verð bara að spyrja, hver er þessi Jón Gnarri ?  Eruð þið kannski tvíburar þú Goggi minn og þessi Jón Gnarri eruð svo líkir, bara eins og eineggja tvíburar.

Hvað um það Georg minn ég skrifa þér örugglega fljótlega aftur, þangað til bestu kveðjur til þín og þíns flokks.

Þín einlæga Magnea

Kæra Ingibjörg S.

 

Nú er fyrrverandi ritsjóri búinn að skrifa höfuðlausn fyrir Davíð fyrrverandi. Auðvitað var Davíð alla tíð að reyna að koma í veg fyrir að þjótarnir í Baugi settu bankana á hausinn, það sjá allir. Það þarf ekki að spyrja að því,  að hvorki Davíð né Halldór frammari áttu nokkurn skapaðan hlut þátt í sölu Búnaðarbankans og Landsbankans. Það er með engu móti hægt að kenna þeim um hvernig þær sölur fóru fram. Og sama má segja um þjófinn Hannes, hugmyndafræði er ekki sama og hugmyndir.

Auðvitað var þetta allt saman helv.. honum Jóni Ásgeiri að kenna, nothing else.

Þið kjósendur skuluð muna það í næstu kosningum að það var Sjálfstæðisflokkurinn undir og með undirliggjandi stjórn Davíðs sem barðist alla tíð fyrir opnu söluferli bankanna, hvað annað.

Það var líka undirliggjandi að bankarnir ættu að vera í almenningseign. Var það ekki Davíð sem sagði það einu sinni ? Jú en svo kom helv... hann Jón Ásgeir og skemmdi þetta allt saman, hver annar ég bara spyr ?. Ég er viss um að þessi Jón Ásgeir er laumukommi sem hefur verið plantað í bankana til að koma þeim á hausinn og þjóðinni með. Auðvitað vissir þú mín kæra Ingibjörg ekkert um það, það sagði enginn þér hvað var í gangi, enda fylgdu engar skýringar með mútunum frá Baugi til ykkar í Samfylkingunni. Hvernig gast þú áttað þig á þessu ? Ég bara spyr ?

Nei Solla mín það verður ekki hægt að skrökva upp á ykkur Dabba, Styrmir hefur í höfuðlausninni í eitt skipti fyrir öll dregið fram sannleikann um Jón Ásgeir og hvernig hann smaug inn að beini þjóðarinnar og saug allan meginn úr þeim og át svo allt holdið af þeim, og hana nú, I say no more.

Munum XD í næstu kosningum XD XD XD what else?

Þín

Magnea

Kæra Ólína

 

Mikið ertu nú skynsöm, en það sjá barasta ekki allir. Auðvitað er ekkert vit í því að kjósa „alvöru flokka „ þegar maður á kost á því að kljósa eitthvað skemmtilegt.

Það ætti öllum að vera ljóst að það er ekkert grín að stjórna fíflunum í landinu,en sennilegast er að grínistar geti það, því þið „alvöru" stjórnmálamenn hafið sýnt getu ykkar til þess með heldur döprum árangri.

Ég bara segi það að kjósendum má vera slétt sama hverju grínistarnir lofa, því loforð „alvöru þú veist flokkanna" er eins og hvert annað grín. Þið mútuþegar allra flokka ættuð að sjá sóma ykkar og taka ykkur frí frá „alvöru" stjórnmálum. Nema ekki þú Ólína mín, þú ert lang best engin spurning, no question eins og Reykhás sagði. Ég verð að játa það elsku dúllan mín, að ég fæ gæsahúð af hrifningu í hvert sinn sem ég heyri þig tala á þinginu, þú talar svo fallega að maður bara gleymir stað og stund, en verst er að maður bara gleymir öllu sem þú segir.

Þú ert sko alvöru stjórnmálakona sem veist uppá hár hvað gera má og hvað ekki. Taktu bara ekkert mark á þessu pakki sem ekki veit neitt í sinn haus og atar þig í pólitíksri drullu. Þú ert lang best og hana nú. Við konurnar eigum að standa saman á raungunni og réttunni, bæði slétt og brugðið.

 

Þín ástkæra

Magnea

Skattarnir hans Hannesar.

 

Þjófurinn í Súpergaggó á Melonum segir án þess að taka steikina af grillinu, Steingrímur hækkar og hækkar skattana án þess að vita af hverju. Hann heldur að það sé ný hagfræði að hækka skatta þegar ríkissjóður er blankur, og lækka þá þegar ríkissjóður er yfirfullur af peningum. Nei vinir mínir þetta er nú hagfræði Fredmans og Hólmssteins. Auðvitað verður að lækka skatta þegar vel gengur, það sjá nú allir. Hvernig eiga menn að hafa efni á að grilla á daginn og græða á nóttunni ef skattmann er á hælunum á manni ? Ég segi ekki meir, I say no more, eins og Reyhás sagði. Auðvitað á að lækka skattana ennþá meira þegar vinir Hannesar eru búnir að hreinsa allt fé úr baunkum og fyrirtækjum, það verður að vera hægt að grilla þótt allir peningar séu horfnir, annað gengur ekki, þessi helvítis ríkissjóður er hvort sem er til mestu óþurftar, alltaf blankur með væl og skæl út í drengina hans Hannesar sem léku lausum hala í boði Sjálfstæðis- og Framsóknar flokka, með afskiptaleysi Sollu Samfylkingar til viðbótar.

Steingrímur skammastu þín bara þú hefur ekkert vit á peningum. Þú ættir að fá þjófinn úr Súpergaggó og svarta Pétur, sem er á lausu eftir að fé án hirðis varð að hirði án fés, til að hjálpa þér við auratalið.

Auðvitað er þetta stórkostleg bók sem Hólmasteinn skrifaði um skatta og fleiri trix í ríkisútgjöldum. Það sjá allir að eftir því sem skattar eru lækkaðir koma meiri tekjur af sköttum. Þess vegna ætti að afnema alla skatta,  þá fyrst færi ríkissjóður að græða og Steingrímur gæti bara grillað allan sólarhringinn. Það er enginn spurning, no question a bout it sagði Reykhás á Súpergaggotorginu um daginn.

Það sjá allir að báknið er alltof stórt. Báknið burt báknið burt það er skýlaus krafa Hólmsteins og þeirra sem þöndu út báknið meðan þeir hrærðu í kjötkötlunum, eins og Hólmsteinn sagði frá 1991 til 2007.

Kæri Guðlaugur.

 

Mikið komstu vel fyrir í sjónvarpinu í gærkvöldi. Ég bara skil ekki í þessum fréttasnápi hvað hann var að fara eiginlega. Þú marg sagðir honum og áhorfendum að þú hefðir farið eftir stöngustu reglum, og ekki vikið frá þeim ekki einu sinni þegar þú fórst í laxveiðina með öllum Baugurunum og bankamönnunum. Ég bara trúi ekki öðru en þú hafir borgað fyrir þig og jafnvel spæst á hina, nóg var af millonum hjá þér í sjóðnum. Auðvitað ertu strang heiðarlegur eins og allir Sjálfstæðismenn, það er ekki málið. Ríkisendurskoðandi stimplaði þig í lagi og Geir og Davíð gerðu engar athugasemdir, þarna sérðu, alger reglumaður sem mátt ekki vamm þitt vita.

Það er annað en með hana Steinunni sú svindlherfa ekki nema gott á hana að fólkið mæti fyrir framan hjá henni og híi á hana. Ekki getur hún sagt að hafa farið eftir ströngustu reglum. Þar á bæ eru örugglega engar reglur til að fara eftir.  Það er annað með þig elsku Gulli minn. Þetta pakk sem var að púa á börnin þín er ekkert annað en uppreisnarhyski og landráðapakk. Ég er hjartanlega sammála þér, það á sko að stinga þessu pakki öllu saman í steininn, yes me dear.

 

Ég skil vel að þú þurfir að fá auglýsingastofur til að orða fyrir þig hugmyndir sem þú færð fyrir kosningar, það kostar nú sitt að hafa þessa sérfræðinga í vinnu og svo þarf að prenta þetta allt saman, það kostar líka sitt. Tuttugu og eitthvað millur, þær eru nú flótar að hverfa í þessum bransa.

Gulli minn ekki gefa eftir ekki einu sinni eina tommu hvað þá meir. Við vitum vel að þú vinnur eins og sannur Sjálfstæðismaður vinnur, sjáðu til dæmis hana Þorgerði leikaradóttur og Illhuga níunda, þetta eru líka fyrirmyndar Sjálfstæðis fólk. Yes. Ekkert hafa þau gert af sér, því skil ég bara ekki af hverju þau fóru í frí. No way.

Gulli minn ég kveð í bili

Þín

Magnea