Kæri Guðlaugur.

 

Mikið komstu vel fyrir í sjónvarpinu í gærkvöldi. Ég bara skil ekki í þessum fréttasnápi hvað hann var að fara eiginlega. Þú marg sagðir honum og áhorfendum að þú hefðir farið eftir stöngustu reglum, og ekki vikið frá þeim ekki einu sinni þegar þú fórst í laxveiðina með öllum Baugurunum og bankamönnunum. Ég bara trúi ekki öðru en þú hafir borgað fyrir þig og jafnvel spæst á hina, nóg var af millonum hjá þér í sjóðnum. Auðvitað ertu strang heiðarlegur eins og allir Sjálfstæðismenn, það er ekki málið. Ríkisendurskoðandi stimplaði þig í lagi og Geir og Davíð gerðu engar athugasemdir, þarna sérðu, alger reglumaður sem mátt ekki vamm þitt vita.

Það er annað en með hana Steinunni sú svindlherfa ekki nema gott á hana að fólkið mæti fyrir framan hjá henni og híi á hana. Ekki getur hún sagt að hafa farið eftir ströngustu reglum. Þar á bæ eru örugglega engar reglur til að fara eftir.  Það er annað með þig elsku Gulli minn. Þetta pakk sem var að púa á börnin þín er ekkert annað en uppreisnarhyski og landráðapakk. Ég er hjartanlega sammála þér, það á sko að stinga þessu pakki öllu saman í steininn, yes me dear.

 

Ég skil vel að þú þurfir að fá auglýsingastofur til að orða fyrir þig hugmyndir sem þú færð fyrir kosningar, það kostar nú sitt að hafa þessa sérfræðinga í vinnu og svo þarf að prenta þetta allt saman, það kostar líka sitt. Tuttugu og eitthvað millur, þær eru nú flótar að hverfa í þessum bransa.

Gulli minn ekki gefa eftir ekki einu sinni eina tommu hvað þá meir. Við vitum vel að þú vinnur eins og sannur Sjálfstæðismaður vinnur, sjáðu til dæmis hana Þorgerði leikaradóttur og Illhuga níunda, þetta eru líka fyrirmyndar Sjálfstæðis fólk. Yes. Ekkert hafa þau gert af sér, því skil ég bara ekki af hverju þau fóru í frí. No way.

Gulli minn ég kveð í bili

Þín

Magnea

Kæra Steinunn Valdís

 

Mikið er þetta skítapakk sem vogar sér að fara heim til þín með kröfu um að þú hættir að gera gott á Alþingi ómerkilegt. Hvað ´með það þótt þú hafir fengið einhverja smáaura frá Baugi og Landsbankanum ? þetta voru skitnar fimm og hálf milljón „so watt „ segi ég bara.

Mér finnst það ekki ná nokkurri átt að fólk sé að bögga ykkur Þorgerði út af smámunum eins og þessu. Hverjar koma á eftir mér er spurn ? Verða það kannski Ingibjörg og Jóhanna eða ef til vill Ragnheiður Ríkkadóttir eða Katrín Júlladóttir ? ég bara spyr.

Þið eigið öll börn eða gamalmenni sem svo þetta pakk ætti að sjá sóma sinn í að vera ekkert að þessu. Eins og við vitum öll er friður á hverju heimili samkvæmt Ólínu Þorvarðar, varinn í stjórnarskrá og Evrópu lögum og ábyggilega einhverjum fleiri lögum. Svo þið skuluð bara haga ykkur.

Það gegnir allt öðru máli þegar fógetinn kemur heim til ykkar til að bera úr sófaborðið elhússtólana og rúmin. Þá þýðir ekkert fyrir ykkur að bera börnin fyrir ykkur. Þeim er einfaldlega mokað frá og sagt að vera ekki fyrir. Löggan veit sko alveg að það er fyrir óráðsýu ykkar sjálfra að kenna hvernig komið er fyrir ykkur, þótt krakkarnir séu með hor niður á bringu og tár niður á höku kemur fógetanum það bara ekkert við. Út skal hyskið og hana nú. Friðhelgi hvað ? Fokk þessu helvítis friðhelgi þegar þarf að rukka.

En mútuþægu elskurnar sem þessi gjaldþrota fífl kaus til að sitja í hlýunni  við Austurvöll þau eiga að njóta friðhelgi bæði einkalífsins og atvinnulífsins og fyrir alla muni á ekki að ráðast á þau fyrir augum barna og gamalmenna.

Í ykkar sporum myndi ég segja við þetta pakk sem er að bögga ykkur „skrú jú" og hundskist heim í hreysin ykkar fram að næstu kostningum. Þetta var hvort sem ykkur að kenna allt saman, ég gerði mitt besta. I say no more.

Þín ástkæra

Magnea

Kæra Þorgerður K

 

Mikið varstu nú réttsýn og yfirveguð í partíinu í Stapa. Þú bara fékkst margar stjörnur fyrir það að biðja slokkinn afsökunar. Ég er sko sammála þér að þjóðin þurfi engar afsakanir frá þér, enda hefur þú ekkeret gert á hlut þessarar þjóðar út af fyrir sig. Það er auðvitað fólkið í partíinu sem er fullt vorkunar og hefur nú meðtekið afsökunina og klappað fyrir þér.

Mér finnst svo sem eins og Bjarni gæsalappa-vafningur ætti sisvona að íhuga hvort hann þurfi líka að biðjast afsökunar á einhhverju.

Hveð er fólkið  líka að  gera með nefið ofaní ykkar koppi ? Stjáni skuldaði ekkert og hvað þá heldur þú Gerða mín. Mér finnst þetta bara alveg óþarfi að vera með eitthvað væl út í gerða hluti, afsakaðu er meira en nóg fyrir þetta pakk.

Vonandi kemur þú aftur til starfa fyrir þjóðina sem allara fyrst. Þessi svokallaða nefnd sem á að lesa áróðursskýrsluna sem kom upp um ykkur hjónin á áræðanlega eftir að komast að því að þú hafir ekkert gert ólöglegt né ósiðlegt.

Elsku dúllan mín, ég segi bara. Áfram Gerða, áfram Gerða, áfram Gerða yes.

Þín elskaða

Magnea

Dómstóll götunnar.

 

Hvað gerir kerfið við landráðamenn og fylgisveina þeirra, til varnar fyrir komandi tíma og til að fyrirbyggja að ekki verði endurtekning á sukkinu og fleiri efnahags kollsteypur ? Samkvæmt því sem landráðamennirnir segja þá er ekkert hægt að gera vegna þess að þeir brutu ekki lög þegar þeir rústuðu samfélaginu. Það er hvorki hægt að dæma menn fyrir græðgi, aumingjaskap né  heimsku.  Það hefur ekki verið fyrr en nú að stjórnvöld eru að íhuga hvort ef til vill kannski ætti að kyrrsetja eignir landráðamanna, þeir hafa haft rúmt ár til að forða illa fengnu fé í skjól.

Hvað getur almennur borgari gert til að hegna þeim sem komu okkur á kaldann klakann, níddi af okkur mannorð og æru og skildi okkur eftir á brókinni ?

Jú þeir sem standa að alþingi götunnar gætu sett upp alþýðudómstól (dómstól götunnar ) sem ákvæði réttláta hegningu .

Það þarf ekki að vera flókið, og svínvirkar. Til dæmis alþingismenn sama í hvaða flokki þeir eru sem þegið hafi mútur fyrir síðustu þrennar þingkostningar,  er vikið af þingi hvort sem þeim líkar það betur eður ekki. Helstu gerendur og stjórnendur banka og fyrirtækja sem uppvísir hafa verið að vafasömum viðskiptum, skal gefinn kostur á að afsala sér eignum sínum og fyrirtækjum. Að öðrum kosti eru þeir dæmdir til að vera að háði og spotti hvar sem þeir sjást og hvar sem þeir eiga leið um.

Fyrir framan heimili þessa fólks mega þeir sem um sárt eiga að binda af þeirra völdum,  setja upp viðvörunarskilti og skilti sem minnir viðkomandi á framferði hans.

 

Kæri Jón Valur

 

Mikið er ég sammála ykkur Hannesi Hólmsteini, Þið bendið rækilega á hvernig Samfylkingin fór með allt  til helvítis og hvernig Davíð varaði við, ekki einu sinni, ekki tvisvar, heldur mörgum sinnum. Hvorki Hannes né þú Jón minn Valur nefnduð einu orði Framsókn, sem von er.  Framsóknarmenn eru hreinir englar og ekki dettur mér í hug að halda öðru fram. Halldóri  Ágrímssyni gekk bara gott eitt til þegar hann lét Valgerði selja vinum sínum Búnaðarbankann. Engum dettur annað í hug en Davíð Oddssyni hafi gengið eitthvað annað en gott eitt til, þegar hann lét selja vinum sínum Landsbankann. Auðvitað er það hárrétt hjá ykkur að Ingibjörg Sólrún ásamt Jóni Ásgeiri settu alla bankana þrjá á hausinn, hverjir svo sem aðrir ?

Ekki voru það Björgólfs-feðgarnir ó nei. Ekki voru það Bakkabræður, ó nei. Ekki voru það ‚Ólafur og Finnur ó nei, það var helvítis drósin hún Solla, hver svo sem önnur ég bara spyr. Það var heldur ekkert að hjá Geira Haarde, ó nei. Hann stjórnaði af sanngirðni og festu, eins og þið Hannes ætluðuð að segja.

Þið þarna úti sem stjórnið illpennunum og öfundarpennunum ættuð að skammast ykkar og biðja Geir greiið og Davíð afsökunar á skrifum ykkar undanfarið ár, rúmlega.

Það kemur glöggt fram í þessari svokölluðu skýrslu um hrun bankanna að þið, Þú Jón vinur minn og Hannes Hólmsteinn félagi þinn hafið haft rétt fyrir ykkur allan tímann.

Þar fyrir utan held ég að skýrslan segi raunverulega það sem þið eruð að segja, svona ef rýnt er djúpt i hana, þetta var allt Jóni Ásgeiri og Ingibjörgu að kenna og hana nú.

Kær kveðja

Magnea

Kæru systur.

 

Auðvitað var það Bjarni gæsalappa-vafningur sem hafði forgöngu um að skipa þessa rannsóknarnefd sem allir eru að eigna eigna sér. Hvaða kjaftæði er þetta að einhver annar hafi fundið uppá þessu, no way segi ég þvílíkt bull. Allir vita segi ég að þið Sjálfstæðismenn hafið eldrei gert neitt sem gæti hugsanlega komið sér illa fyrir kjósendur ykkar. Allt þetta bull um að Dabbi og félagar eigi einhverja sök er bara illgirni og ósannindi. Sagan mun sýna,  hvað svo sem þessi skýrsla segir,  að þetta var allt hevítinu honum Steingrími að kenna,  fock him. Gerða mín og dýralæknirinn í Hafnarfirði þurfa sko engu að kvíða, no way. Hvað þá heldur drengurinn sem var vélaður til að stjórna bankamálum ó nei.

Nú er að setja ríkistjórnina af og láta Bjarns gæsalappa-vafning og Sigmund glópalán taka við, I mean it yes.

Nú er að bretta upp ermarnar og moka inn fyrrverandi bankastjórum og fylgis-já mönnum þeirra og biðja þá afsökunar á að það hafi verið hastað á þá. Jafnvel greiða þeim skaðabætur úr ríkissjóði til að milda skap þeirra.

Ég segi það vinir mínir hlustið ekki á helvítis kommann, spyrjið heldur Halldór verkfræðing hvort nokkuð sé hæft í því að spillin hafi verið hjá hans fólki. Nei auðvitað var engin spilling á ferðinni hjá Gæsalappa-flokknum, óg þá ekki heldur hjá Glópalánsflokknum.

Nú eiga menn bara að detta í það og vera á viku fylleríi í boði Gerðu leikaradóttur.

Magnea

Kæru bræður.

 

Bjarni gæsalappa-vafningur og Sigmundur glópalán. Nú er þessi blessaða skýrsla að koma fyrir sjónir Íslenku þjóðarinnar, time is on. Ég ætla að ráða ykkur heilt eins og ég geri ævinlega. Þið félagarnir ættuð nú í nafni og fyrir hönd ykkar bestu manna Davíðs og Halldórs að bjóða þjóðinni á fyllerí, I mean it yes.  Þetta kostar bara brot af þeim styrkjum sem flokkurinn hefur þegið af útrásinni.

Látið opna allar vínbúðir landssins og bjóðið öllum sem vilja að drekka eins mikið og þeir geti í sig látið. Þetta kostar ekkert miðað við það sem við erum búin að borga og eigum eftir að borga fyrir bullið í ykkur íhanlds og framsónar-búbbunum  undanfarna áratugi. Bara smáaurar, hugsið ykkur ánæjuna sem þessu fylgir, yes. Heil þjóð á skallanum meðan kyrjuð er einhver hryllingsskýrsla í þinginu, me good I say no more.

Börn og templarar sem ekki mega né vilja drekka guðaveigar , eiga að fá eftir mínu viti eins mikið kók og prinspóló og þeir torga, og auðvitað í boði Bónus, genius ekki satt. Þið ættuð at taka til skoðunar hvort ekki ætti að lækka aldurstakmörk til bróstbirtu-inntöku niður í 10 ár í einn dag,ég meina í dag.

Kæru bræður ég vænti þess að þið látið verða af þessu í nafni Dabba og Dóra.

Ykkar ástkæra

Magnea

Alsaklausir 24 til 36

 

   Björgólfur Thor Björgólfsson, Þáði ásamt föður sínum Landsbankann að gjöf úr hendi einkavinavæðingarnefndar þeirra Davíðs og Halldórs, með fulltingi Búnaðarbankans. Alsaklaus, Skuldar með föður sínum nokkur hundruð milljarða.

   Hannes Smárason, af öllu þekktastur fyrir snúninginn á Sterling flugfélaginu. Alsaklaus, allt farið á hausinn sem hann hefur komið nálægt

   Jón Ásgeir Jóhannesson, fjárfestir, tæmdi sjóði Glitnis ásamt Pálma Haraldssýni og fleirum. Alsaklaus, fékk nokkra milljarða frá Glitni ýmist sem lán til að borga með lán eða bara til að stinga í vasann.

   Jónas Fr. Jónsson, fyrrverandi forstjóri fjármálaeftirlitsins, treysti bullinu frá Landsbankanum um stöðu bankans allt fram á síðasta dag. Alsaklaus, skoðaði engin gögn, bara trúði því sem sagt var rétt eins og Seðlabankastjórinn.

  Karl Wernersson, Mileston og skyld félög skulda tugi milljarða. Alsaklaus, notaði sjóði Sjóvár til að halda Milestone á floti.

   Ólafur Ólafsson, eigandi Kjalars sem skuldar gamla Kaupþingi 115 milljarða, sem hafa verið afskrifaðar að mestu. Alsaklaus, er nú aðaleigandi Samskipa gegnum hollenska félagið SMT.

   Magnús Kristinsson, útgerðamaður fékk 50 milljarða skud afskrifaða. Enda Alsaklaus.

   Einar Örn Ólafsson, fostjóri Skeljungs, fékk 800 milljóna kúlulán til hlutafárkaupa í Glitni, þá starfsmaður Glitnis. Alsaklaus félag hans Einimelur 18 ehf. skuldar rúmlega 12 milljarða.

   Kristján Arason, 245 landsleikir, 1123 mörk. Eiginmaður Þorgerðar Katrínar Gunnarsdóttr fyrrverandi ráðherra sem vissi ekkert um félagið 7hægri, sem fékk kúlulán til að kaupa hluti í Kaupþingsbanka. Alsaklaus, félag hans sem Þorgerður veit ekkert um skuldar 2 milljarða.

  Ingibjörg Pálmadóttir eiginkona Jóns Ásgeirs Jóhannessonar eignaðist 90 % í félaginu 356 miðlum eftir milljarðs hlutafjáraukningu. Alsaklaus, ekki gefið upp hvaðan millarðurinn kom og heldur ekki hverjir eru eigendur af þeim 10 % sem hún á ekki.

   Jóhannes Jónsson, kendur við Bónus, tengdarfaðir Ingibjargar Pálmadóttur. Alsaklaus, færði sumathús sitt á Florida í bandaríkst félag til að forða því frá hugsanlegum kröfum hér á landi.

  Magnús Pálmi Örnólfsson, fyrrverandi forstöðumaður gjaldeyrismiðlunar Glitnis. Fékk í gegnum félagið Langadal 520 milljónir til kaupa á hlutafé í Glitni. Eigið fé Langadals er neikvætt um 787 milljónir. Alsaklaus, gerir sanngjarnar kröfur í þrotabú Glitnis, ekki nema 32 milljónir.

  Vilhelm Már Þorsteinsson, framkvæmdastjóri fyrirtækjasviðs Íslandsbanka, fékk 800 milljóna lán gegnum félagið AB 154 ehf. til kaupa hlutafé í Glitni.  Alsaklaus, gerir 33 milljóna kröfu í þrotabú Glitnis. Vilhelm er sonur Þorsteins Vilhelmssonar.

Alsaklausir 15 til 23

 

 Baldur Guðlaugsson, fyrrverandi ráðuneytisstjóri  fjármálaráðuneytis. Alsaklaus, grunaður um mistök og vanrækslu í skilningi laga, auk þess grunaður um innherjasvik.

  Sigurður Valtýsson, forstjóri flutti aignahlut sinn í Exista til Yenvis inc á Tortula skömmu fyrir hrun. Alsaklaus, færði hús sitt við Iðulind 2 í kópavogi og félögin Svalt Loft pg Sigurlind yfir á eiginkonu sína.

  Jónína S Lárusdóttir, ráðuneytisstjóri efnahags og viðskiptaráðuneyti. Áður skrifstofustjóri í viðskiptaráðuneytinu. Alsaklaus, grunuð um hugsanleg mistök eða embættisafglöp í skolningi laga.

  Svafa Grönfeld, var í bankaráði Landsbankans, fékk þá snilldar hugmynd að selja 80 milljóna hlut sinn í peningamarkaðssjóði Landsbankans.  Alsaklaus, forðaði sjóðum Háskólans í Reykjavík úr Landsbankanum rétt fyrir hrun, þá enn í bankaráði Landsbankans.

   Þorgils Óttar Mathiesen, 247 landsleikir, 575 mörk. Meðal félaga hans eru C22 ehf. tapaði  1,7 milljarði 2008. Verslun Einars Þorgilssonar  ehf. tapaði  920 milljónum 2008. Skuldir í árslok 2008 1,5 milljarðar. Alsaklaus, biður um afskrift á kúluláni frá Kaupþingi.

   Lýður Guðmundsson, stjórnarformaður Exista, sagði félagið fjármagnað út árið 2009. Exista er gjaldþrota. Alsaklaus, stal Símanum ásamt bróður sínum.

  Ágúst Guðmundsson, forstjóri Bakkavarar, aðeins 100 milljónir í árslaun 2008. Tap Bakkavarar nam 32 milljörðum. Alsaklaus Lýsing á hausinn Exista á hausinn, óvíst um félögin á Tortúla.

 Erlendur Hjaltason, forstjóri fékk 611 milljóna lán til að kaupa hluti í Exista. Alsaklaus, færði 25 september hús sitt að Auðarstræti 3, Reykjavík yfir á eiginkonu sína.

  Björgólfur Guðmundsson,  þáði Landsbankann að gjöf frá einkavinavæðingarnefnd. Meina borgaði fyrir hann með lánsfé úr Búnaðarbankanm. Alsaklaus, fimm af félögum í hans eigu skulda 267 milljarða.

Alsaklausir 8 til 14

 

  Finnur Ingólfsson, fyrrverandi ráðherra og seðlabankastjóri, meðal kaupenda  banka af einkavinavæðingarnefnd Davíðs og Halldórs. Alsaklaus, skuldar 3,7 milljarða gegnum félagið FS7, Fikt sem hann á einnig og skilaði honum hálfum milljarði í hagnað FS7 er hundrað prósent í eigu Fikts.

  Ingibjörg Sólrún Gísladóttir, fyrrverandi utanríkisráðherra hækja Geirs Haarde síðustu 18 mánuði stjórnar hans. Alsaklaus, Tók þátt í herför ásamt Sigurði Einarssyni til Danmerkur til að skamma bankastjóra Dansabanka fyrir að segja ljótt um íslenska bankakerfið.

  Björgvin G. Sigurðsson, fyrrverandi viðskiptaráðherra, þáði 300.000 kr styrk frá Baugi 2006. Alsaklaus, grunaður um mistök eða vnrækslu í skilningi laga um ráðherraábyrgð og fleira.

Þorgerður Katrín Gunnarsdóttir, fyrrverandi menntamálaráðherra, þáði 1,500.000 kr frá Landsbankanum 2007. Alsaklaus, vissi ekkert um 7hægri sem skuldar 2 milljarða.

Lárus Welding, fyrrverandi bankastjóri Glitnis, fékk 300 milljónir fyrir að taka að sér djobbið. Alsaklaus, fékk 122 milljónir afskrifaðar af 211 milljónum sem Glitnir lánaði honum.

  Bolli Þór Bollason, fyrrverandi ráðuneytisstjóri í forsætisráðuneytinu. Alsaklaus, grunaður um mistök, vanrækslu eða embættisglöp í skilningi laga.

Tryggvi Þór Herbertsson, fyrrverandi forstjóri Askar Capital, rekin þaðan, síðar sérstakur ráðgjafi Geirs Haarde í efnahagsmálum, rekin þaðan. Alsaklaus, kosinn á þing fyrir Sjálfstæðisflokkinn, situr á þingi og dæmir þá sem settu allt á hausinn krefst gegnsæis.

  Ingimundur Friðriksson, fyrrverandi Seðlabankastjóri. Alsaklaus, grunaður um hugsanlega vanrækslu i skilningi laga um Seðlabanka Íslands.

 Finnur Sveinbjörnsson, lánaði félaginu Lindberg fyrir lóðum í Örfirisey þegar hann var bankastjóri Icebank. Alsaklaus, núverandi bankastjóri Arion Banka.