Tréið Ill-dragsíll Vinjetta-15 af 20

Fyrir þá sem ekki vita:

Tréið Ill-dragsíll.  Er ekkert skylt  tréinuYggdragsil

Ill er vondur í merkingunni illur dragsill er samsetning úr enska orðinu drag sem getur þýtt að drattast, og sill er dregið úr franska orðinu sillage sem getur merkt fótspor. Samanber “ Marcher dans le sillage”   Sem sagt, vont er að drattast úr sporunum.

 Hólmsteinn íkorni þeytist milli greina og nemur slúður til að flytja Dabba sem nú situr á eftirlitsgreininni hátt uppí tréinu. Hólmsteinn segir fuglarnir í tréinu eru orðnir órólegir, sérstaklega þessir hag-fuglar og sumir viðskipta-fuglarnir líka. Þeir eru eitthvað að segja að við séum komnir með of miklar birgðir  í önnur tré. Þeir segja að útrásarfuglarnir séu farnir að slá út á birgðirnar sem þeir hafa safnað í austurtrjánum. Dabbi snýr uppá sig þú segir það Hólmsteinn minn, það er bara ekkert að marka þessa hag-fugla það veit ég sko, þetta eru bjánafuglar sem þykjast vita eitthvað af því þeir lærðu prósentureikning í Súpergaggó eða í vestur trjánum eða eitthvað. En sumir eru bláir segir íkorninn. Eru þeir bláir í gegn eins og Haarde stofninn spyr Dabbi ? Það eru nú ekki margir svoleiðis segir Hólmsteinn þeir eru flestir í að græða ýmist hér í tréinu eða í austurtrjám þetta eru aðallega útrásarfuglar, en það eru nokkrir grænir innanum bætir svo íkorninn við. Hvað segja þeir bleiku og rauðu ? Þeir eru flestir snarvitlausir sérstaklega þeir rauðu, þeir bleiku virðast ýmist vera með eða á móti, snúast bara og vinglast fram og aftur. Akkúrat tautar Dabbi þá er víst óþarfi að hafa áhyggjur. Má bjóða þér í glas Hólmsteinn minn ? Já takk vatn,  þú veist þetta með bragðinu. Skál mikið er þetta hressandi eftir öll hlaupin um tréið. Nú þurfum við bara að matbúa einhverskonar frétt til að láta Árvak setja á pappír fyrir fugla trésins. Hólmsteinn minn þú finnur út úr því er það ekki ? Jú ætli það ekki segir íkorninn Hólmsteinn. En Hólmsteinn fréttin á að vera um efnahagsundur og vel heppnaða korn-og fræstjórnum mína, og að það sé engin hætta á ferðum. Bullið í hagfuglunum sé bara öfund út í stefnu mína í korn-og fræmálum, allt sem ég spáði hefur ræst fullkomlega. Við erum engum öðrum fuglum lík fyrir snilli í korn-og fræstjórnun, og þetta er allt mér að þakka, gleymdu ekki að láta Árvak geta þess í fréttinni.

 

Tréið Ill-dragsíll Vinjetta-14 af 20

Það þorir enginn að mótmæla Dabba hann er svo ákveðinn og klár. En teikn eru um válega tíma framundan. Þær skessurnar við Heimskubrunn eru farnar að hafa verulegar áhyggjur. Foræði segist óttast mest að missa forræði yfir atburðum þessarra útrásafugla og þeir séu komnir langt út fyrir þau mörk sem við höfum lifað innan og haga sér alveg eins og þeir séu einir í tránum, þeir eyða og spenna kaupa meira að segja heilu fuglafélögin í öðrum trjám hvað þá meira. Þeir eru líka sífellt að bjóða í veislur og lúxus einhverjum auðfuglum sem þeir halda að séu vinir þeirra. Meira að segja fá þeir söngfugla úr öðrum trjám til að hafa ofanaf fyrir gestum sínum, allt flítur í vatni lífsins og öðrum eðaldrykkjum. Nújá getur ekki orða bundist og tekur undir orð Foræðis, ég hef miklar áhyggjur út af þessu öllu, ég verð að segja það. Þessi ósköp verða skráð á minn reikning þar sem þau eru að gerast núna. Ég veit bara ekki hvað ég get gert í málinu. Fuglarnir fara bara í önnur té ef ég hasta á þá, ekki er það nú gæfulegt. Þeir hóta meira að segja að fara með allt kornið og fræin með sér ef ég hætti ekki þessu nöldri. Ekki verður þetta skárra hjá mér segir Skuldaskil. Ég sé minn tíma koma með mestu hörmungum sem yfir þetta tré hefur gengið alveg frá því sáð var til þess. Þá verða skuldaskil sem aldrei fyrr og ég veit bara ekki hvernig ég get afgreitt þetta allt saman. Verð sennilega að fá aðstoð frá einhverjum vönum svona ástandi.

Tréið Ill-dragsíll Vinjetta-13 af 20

Velsæld ríkir og bláum og grænum fuglum fjölgar, en rauðum og bleikum fer heldur fækkandi. Þeir marglitu setjast helst á greinar þeirra bláu og grænu frekar en þeirra rauðu og bleiku. Furðufuglunum kemur ekki saman um hvar þeir eigi að vera í tréinu svo þeir bara væflast um upp og niður. Svona gengur þetta í langann tíma mörg ár meira að segja. En greinin sem Dabbi yfir-bláfugl situr á heldur áfram að visna, sama er að segja um margar aðrar greinar bæði bláar og grænar. Svo skeði það einn daginn að greinin sem Dabbi sat á datt af tréinu. Yfir-fálkinn Dabbi varð því að forða sér frá falli með því að taka flugið. En hann hafði ekki þurft að beita vængjunum í langan langan tíma svo það reyndist honum erfitt að fljúga. Hann vissi heldur ekkert hvert hann ætti að fara því hann var ekki í neinum tengslum við aðra fugla trésins, nema örfáa bláfugla sem voru eins og hann bláir í gegn. Svo fer að hann sest á gilda grein ofarlega í tréinu, því hann vill jú sitja þar sem hann hefur góða yfisýn, aðeins er ein grein ofar sem er óvisnuð, en þar situr Norskt afbrigði bláfugls sem kallað er Haarde afbrigðið. Þetta afbrigði er harðgert eins og nafnið bendir til og því varð Dabbi að setjast á grein neðar hvort sem honum líkaði betur en verr. Þar sem hefur verið lengi mikill og náinn vinskapur með þessum bláfuglum kom þeim saman um að Haarde fuglinn sæi um daglega stjórn á fuglum trésins en Dabbi væri einskonar yfirstjórnandi og liti til með korn-og fræ bönkunum. Í orði kveðnu undir stjórn Haarde fuglsins en í raun ekki. Eina hlutverk Dabba var því að ákveða hverjir vextir ættu að vera á kílóaumunni og hvaða gengi ætti að vera á ervunni og dallinum. Þar sem hann Dabbi vissi ekkert um ervur, dalla og aumur fékk hann sér spjald eins og er notað í pílukasti. Þetta spjald hefur margar tölur og reiti. Til að ákveða vexti kíló-aumunnar  og ervunnar kastaði hann pílum á spjaldið einu sinni í mánuði. Hann skrifaði svo hjá sér töluna á reitnum sem pílan lenti í og það var talan sem hann ákvað að væru vextir, eða gengi ervunnar og dallsins. Stundum lenti pílan í hurðinni fyrir ofan eða neðan spjaldið, þá bara sleppti hann úr og sagðist ekki breyta neinum vöxtum og engu gengi. Þegar bláfuglar sem héldu að þeir væru vinir hans, nöldruðu út í þetta fyrirkomulag , sagði Dabbi bara að þeir hefðu ekkert vit á þessu og ættu bara að halda kjafti.  Ég er lögfróður en þið ekki. Þótt þið hafið lært prósentureikning í Súpergaggó er ekki þar með sagt að þið hafið eitthvart vit á þessum málum, og ef þið ætlið að vera með einhvern kjafthátt eða leiðindi við mig þá bara “súa” ég ykkur eins fuglarnir fyrir vestan gera þegar einhver móðgar þá. Svo læt ég vini mína í Hæstugreinum dæma ykkur burt úr tréinu.

Tréið Ill-dragsíll Vinjetta-12 af 20

Nú er komið svo málum að forða verður korni og fræum til annarra trjáa, því það liggur undir skemmdum. Þeir útvöldu fundu það ráð að bjóða korn og fræ til láns í öðrum trjám, aðallega fyrir austan. Þetta kölluðu þeir að fara í austurveg, en aðrir að fara í útrás. Nú komu fuglarnir upp korn-og frægeymslum víðsvegar í tráum fyrir austan. En þar er greitt fyrir þessa vöru í öðrum gjaldmiðli sem heitir ervur en í tréinu Ill-dragsíl í gjaldmiðli sem heitir aumur. Aumur er minnsta eining þessa gjaldmiðils, en aldrei notuð fyrir það hversu aum hún er, heldur er lægsta nothæfa eining kíló-aumur. Þegar hér er komið sögu þá kostar ein erva 60 kílóaumur. Í trjánum fyrir vestan er notast við dalla sem gjaldmiðil. Á þessum tíma kostaði einn dallur um 40 kíló-aumur. Allt leikur í lyndi um sinn korn-og frægeymslurnar fyllast hver af annari. Einhverjum snillingnum í korn-og fræ bönkunum hafði dottið það snjallræði í hug að hafa svo háa vexti á aumunum að þeir sem í austrtrjánum sáu sér hag í að kaupa aumur fyrir ervur og græða á vaxtamun. Þeir þarna fyrir austan voru með nánast enga vexti á ervunum svo þetta var rífandi bissness. Í korn-og frægeymslunum hlóðust upp ervur og voru fuglarnir hvattir til að slá út á greinar og lauf og kaupa sér fyrir ervurnar allskyns lúxus. Þá rann æði á marga og um tíma var annar hver bláfugl  og margir grænir búnir að kaupa sér hjálpartæki til að spara flugfjaðrirnar. Mest áberandi var hjálpartæki sem heitir Hummer og kemst nánast allt það sem fuglinn fljúgandi kemst eða hér um bil. Eftir þessu hjálpartæki heitir slóðin frá Heimskubrunni til Viskubrunns Hummerslóðin. Þar sem hún endar er eins og fyrr er sagt mikið plan sem heitir Bömmer. Lengra verður ekki komist í þá áttina.

Tréið Ill-dragsíll Vinjetta-11 af 20

Árvakur semur nú fréttina um einkavinavæðingu Korns-og fræ sem eftir söluna heitir Korn-og fræ-bank hf., Korn-og fræ-grúpp hf. og Korn-og frælands hf. Fréttin fjallar um þá snilldarhugmynd bláa fálkans að losa allt sem er sameiginlegt í téinu undan oki íbúanna. Það sé svo miklu einfaldara að láta fáa blá-og græn fugla stjórna korn- og fræ úthlutunum. Enda segir í fræðunum að þetta sé gert í útlöndum og Hannes segi það, svo það er örugglega rétt. Nú gengur allt í haginn hjá íbúum trésins. Allir fá það korn og þau fræ sem þeir óska sér. Jafnvel þeir rauðu og bleiku fá það sem þeir vilja af korni og fræi, svo maður tali nú ekki um þá bláu og grænu. Jafnvel furðu fuglarnir fá það sem þeir biðja um af korni og fræum.Það verður að umbuna stjórnendum þessara fyrirtækja fyrir alla stjórnunar snilldina við að  útluta korni og fræum. Á einhvern undraverðan hátt hefur þeim tekist að safna saman svo miklu korni og svo miklum fræum að til vandræða  horfir. Þrátt fyrir tíföld laun miðað við aðra fugla trésins, héldu byrgðirnar áfram að hlaðast upp. Fljótlega fór að bera á umframbyrgðum af korni og fræi. Við verðum að koma þessu fyrir í eihverjum öðrum trjám, það eru allar geymslur orðnar fullar hjá okkur. Það eru allir saddir og sælir í tréinu, nema auðvitað fuglarnir sem alltaf að leita að einhverju öðru til að borða, það er sama hvað þeim er boðið, þeir eru alltaf á móti öllu.  

Tréið Ill-dragsíll Vinjetta-10 af 20

Hólmsteinn íkorni er nú hjá Dabba almáttuga að segja nonum frá þessu ráðabruggi D- og B-fuglanna. Dabbi hlustar á allt slúðrið af þolinmæði, segir svo. Farðu fyrir mig niður til Árvakurs og flyttu honum eftirfarandi boðskap, og biddu hann að setja á þrykk og láta útvarpa og sjónvarpa þessum boðskap. Við ráðum yfir þessu öllu,  Fréttamogganum, ríkiskringlukastinu, 3650 og INN við ráðum yfir þessu öllu saman segir Dabbi almáttugi, sama hvað hver segir. Hver er svo boðskapurinn spyr Hólmsteinn íkorni? Já boðskapurinn er að ég æðsti-D ásamt Dóra æðsta-B höfum ákveðið að einkavinavæða  alla korn-og fræsölur trésins. Þetta er gert til framdráttar nýrri hagfræðikenningu sem barst hingað með vestanvindinum hér um daginn. Þetta á að stuðla að velgengni okkar manna í korn-og fræ sem verður að korn-og fræ ehf. Eftir breytinguna á eignarhaldi þessara fyrtækja. Heldurðu að Árvakur sé til í að setja þetta á hámælisstandinn ? Sko, segir Dabbi ef hann er með eitthvað múður þá skalt þú segja við hann og þú mátt bera mig fyrir því. Þú þarna Árvakur ef þú hlýðir ekki ertu rekinn og ég skal sjá til þess að þú fáir ekki svo mikið sem dómaraembætti í framtíðinni. Vaó !  þú ert svei mér harður. Með það þýtur Hólmsteinn íkorni áleiðis til Árvaks. Þegar Hólmsteinn hefur flutt Árvakri boðskapinn frá Dabba almáttugum segir Árvakur, hvar á ég nú að fá blek til að skrifa allt þetta ? Ég er alveg lens með blek og prentsvertu. Íkorninn hallar undir flatt, segir svo skellirðu þessu bara ekki á netið ? svona til að byrja með. Hvaða net spyr Árvakur ? Nú netið sem kerlingarnar eru búnar að spinna út um allar trissur. Þú segir nokkuð segir Árvakur, en þolir þetta net svona nokkuð ? Þetta eru engar smá fréttir og ég er viss um að þær eiga eftir að skapa miklu fleiri fréttir þegar furðufuglarnir og þeir rauðu og bleiku fatta hvað er verið að gera. Iss þeir fatta ekkert segir Hólmsteinn þeir eru niðri í fjöru að tína söl

Tréið Ill-dragsíll Vinjetta-9 af 20

Íkorninn Hólmsteinn læðist nú um Mannheima og sperrir eyrun. Hann heyrir sögur og slúður um allt mögulegt. Hver sé með hverjum, hver hafi gert hitt og með hverjum og hvar, og hver sagði hvað um nágranna sinn. Allt ómerkilegt rugl, ekkert bitastætt. Um það bil sem hann ætlar að yfirgefa Mannheima og flytja Dabba engar fréttir heyrir hann á tal tveggja fugla annar var blár úr flokki D-fugla og hinn grænn úr flokki B-fugla. Sá blái segir hvernig líst þér á að græða ? Sá græni segir tja, því ekki það, kostar það ekki helling ? Neinei segir sá blái bara smá sveiflu. Sko, segir hann svo, við bara setjum í gang það sem heitir ferill. Nújá segir sá græni, hvað er það ? Við bara einkavæðum korn-og fræsöluna . Er það hægt spyr sá græni ? Ekkert mál segir sá blái, við skiptum þessu bara jafnt milli okkar bláu og grænu vina. Hvað með hina segir sá græni ? Iss þeir eru bjánar og við bara skiljum þá eftir í Umhverfislandi, þar geta þeir týnt fjallagrös og lopadræsur úr gaddavírnum, og prónað úr þeim vandræði, sem verða verðlaus þegar við höfum selt okkar mönnum hlut þeirra í korn-og fræ. Déskoti líst mér vel á þetta segir sá græni, en ég bara skil ekkert í þessu, kannski af því ég er svo grænn. Þá er bara að finna einhverja leppa til að gera tilboð í þessar korn-og fræsölur, við getum haft þær þrjár. Tvær verða hreinar, önnur blá og hin græn, svo höfum við eina svona blandaði bláa og græna með smá bleiku og gulu í. Þá er bara að drífa í þessu. Við tilkynnum þetta við hentugleika. Er ekki betra að ræða þetta heima hjá okkur spyr sá græni ?. Ekkert svona kjaftæði við bara ákveðum þetta og drífum svo í því, við sýnum sko hverjir ráða. Hólmsteinn íkorni hefur heyrt nóg hann treystir sér ekki til að muna fleiri sögur og þýtur því af stað upp til Dabba almáttuga til að færa honum fréttirnar.

Tréið Ill-dragsíll Vinjetta-8 af 20

Hólmsteinn vaknar nú af heldur óværum svefni, drullutimbraður. Hann horfir í kringum sig og segir hvar í ósköpunum er ég eiginlega ? Af hverju er mér svona illt í hausnum ? Þursinn Árvakur lítur til hans og segir þú ert bara timbraður og ekki nema von. Þú komst hér í gær blindfullur slagandi eins og mæðuveik rolla eftir Hummerslóðinni. Æi, ekki tala svona hátt vælir Hólmsteinn. Árvakur segir, þú ættir að drífa þig upp til Dabba hann hefur verið að garga í allan morgunn, það er áræðanlega eitthvað mikið á seyði hjá fuglunum. Hólmsteinn drattast af stað upp tréið til fundar við forustfuglinn Davíð. Hvar hefurðu verið spyr Dabbi ? Ég sótti vatn fyrir Níðbít í Heimskubrunninn, hann var svo fjári þyrstur og Viskubrunnurinn galtómur. Svo heimsótti ég Árvak og hallaði mér hjá honum, var eitthvað svo fjandi þreyttur. Hvernig stendur á því að brunnurinn er tómur spyr Dabbi ? Æi rætur vandans eru búnar með alla visku úr brunninum segir Hólmsteinn. Hverskonar vatn var þetta sem þú fékkst handa Níðbít? Drakkstu eitthvað af því sjálfur ? . Bara smá segir Hólmsteinn, mér fannst ansi sterkt bragð af því. Sögðu gömlu skessurnar eitthvað um hvaða vatn þetta var ? Já já Skuldaskil sagði að þetta væri vatn lífsins, svo sagði Nújá eitthvað á útlensku, ég held aquavite eða eitthvað svoleiðis. Á var það já segir Dabbi, þú ert nú meiri hálfvitinn Hólmi minn veistu ekki að þetta vatn er ekkert annað en brennivín. Hvað er brennivín spyr Hólmsteinn? Sleppum þessu bara segir Dabbi, farðu heldur niður í Mannheima og hleraðu hvað sé um að vera þar. Hómsteinn hefur nú jafnað sig at timburmönnunum og þýtur af stað til að njósna um lífið í Mannheimum fyrir Davíð almáttuga.

Tréið Ill-dragsíll Vinjetta-7 af 20

Eins og sagt hefur verið áður situr efst í tréinu fuglinn Davíð. Hann er Fálkaafbrygði, blár í gegn. Þar fyrir neðan eru svo fuglar af sama stofni nema að í bland við þá eru fuglar sem eru með litaafbrygði á vængjum. Sumir eru með græna slikju, aðrir fölgræna og svo eru þarna afbrygði með bleikar stélfjaðrir.  Mestur fugla af þessum bláfuglum á eftir Davíð er afkomandi fuglsins Haarde sem flæktist hingað að austan fyrir áratugum síðan. Þetta afbrygði er blátt í gegn eins og fuglinn Davíð. Því er hann valinn til forystu. Aðrir bláfuglar lúta honum og hlíða í blindni sama hvað á gengur. Bláfuglum fer heldur fækkandi, en Davíð segir að stofninn eigi eftir að ná sér aftur, þegar skuldaregninu slotar. Gunnfáni Bláfugla er hvítir stafir á bláum grunni, þar er stafurinn D mest áberandi. Þar fyrir neðan í tréinu er annar flokkur fugla sem er grænn á litinn, ekki er vitað um hvort einhver af þeim fuglum séu grænir í gegn, þó telja fræðingar að það hafi verið til eintök af þessum fuglum sem hafi verið græn í gegn. Þessi fuglategund er í útrýmingrahættu og hefur verið rætt um að fanga nokkur eintök til að hafa til sýnis ef hann hvefur alveg úr greinum trésins. Gunnfáni þessarra fugla er hvítir stafir á grænum feldi, áberandi er stafurinn B, en fræðimönnum ber ekki saman um hvers vegna þessi stafur hefur verið valinn.Þar fyrir neðan í tréinu er svo fuglar sem eru marglitir, rauðlitir ýmist með bláum, gulum, rauðum eða grænum fjöðrum, ýmist í stéli eða vængjum, sumir þó bæði á stéli og vængjum. Þessari tegund hefur fjölgað all nokkuð á móti fækkun í þeim bláu og grænu. Það er álit fuglafræðinga að fjölgun þessarra fugla megi rekja til þess að þeir nærist einkum á vandræðum og óánægju en ofvöxstur er í því um þessar mundir. Gunnfáni þessarra fugla er rauðirr stafir á hvítum feldi.Svo koma þar fyrir neðan í tréinu rauðir fuglar. Þeim hefur farið fjölgandi í því árferði sem er nú um stundir, enda nærast þeir eins og marglitu fuglarnir einkum á vandræðum og óánægu. Þessi tegund er frekar einslit, það er að segja ekki mörg litaafbrygði þó má finna meðal þeirra einstaklinga með bleikar, grænar og jafnvel með bláa slikju á stélfjöðrunum. Gunnfáni þessarra fugla er grænir stafir og rauð tákn á hvítum grunni.Þar fyrir neðan kemur svo tegud sem er allavega á litinn. Þó ber mest á bláalitnum hjá þessarri tegund. Hún kom í tréið eftir óveður sem geysaði fyrir nokkrum árum og kom róti á tegundirnar. Það er mat fræðinga að um einhverskonar óánægju hafi verið að ræða í öllum hinum fuglaflokkunum sem varð til þess að þessi tegund klauf sig frá hinum. Gunnfáni þeirra er hvítt F á bláum feldi. Það er álit fræðimanna að F-ið standi fyrir furðufuglar.

Tréið Ill-dragsíll Vinjetta-6 af 20

Nú er frá því að segja að við rót trésins í Hugarheimi er brunnur sem heitir Viskubrunnur. Þegar hér er komið sögu er hann þurrausinn allri visku. Ástæðan er sú að rætur vandans  hafa sogið alla visku úr honum. Skammt frá Viskubrunninum á heima þurs sem heitir Árvakur. Árvakur þessi hefur þann starfa að miðla upplýsingum til Mannheima um hvaðeina sem ber fyrir í öllum þremur heimunum. Í árdaga var hann vanur að fá sér sopa úr Viskubrunni, en eftir að brunnurinn þornaði hefur engin viska komist í nánd við Árvak. Því er það að flest ef ekki allt sem frá honum kemur er bölvað bull, lygi og vitleysa, því hann veit ekkert nema slúðrið sem íkorninn Hólmsteinn færir honum.Við viskubrunninn endar slóð Hummeranna, og er sá staður kallaður Bömmer.