Risinn ævintýri fyrir fortíðarbörn (4 af 11 )

Þegar fólkið klagaði þetta og vildi fá að vita fyrir fram hvað símtölin kostuðu, stakk Pfar hausnum í sandinn og sagði sorrý Stína.  Þá fór fólkið til Jóa í neytó, hann var þá nýkomin frá Risanum sem hafði boðið honum í kaffi og kleinur. Jói sagði sorrý Stína, déskoti voru kleinurnar góðar, maður fer nú ekki að jagast í Risanum út af þessu nöldri, það er svo ódýr uppskeran hér í Fjarskiptalandi miðað við í hinum löndunum að fólkið ætti að sjá sóma sinn í að vera ekki að nöldra yfir þessu. Nær væri að jagast út af verðinu á kéti og sméri.

 

Dag einn laungu seinna kom Dabbi fram á svalirnar heima hjá sér. Hann hóf upp raust sína og sagði að hann hefði ákveðið að selja Risann með manni og mús. En þar sem hann nennti ekki að standa í bisness sjálfur hefði hann fengið sérfræðinga til að selja fyrir sig. Svo taldi hann upp vini sína sem áttu að fá nokkrar millur fyrir ómakið.

Risinn ævintýri fyrir fortíðarbörn (3 af 11 )

Meðan þessu fór fram hélt OG áfram að rækta símtöl og svoleiðis. OG setti niður allskyns fræ og fékk hin fjölbreyttustu símtöl og þjónustur upp sem hann fór með á markaðinn til að selja kjafta og afþreyingarfullum íbúum Fjarskiptalands. Velgengni OG fór sérdelis í taugarnar á fjarskiptarisanum, sem klagaði allt mögulegt  í Pfar. OG var líka pirraður út í Risann og klagaði á móti allt mögulegt.  

Risinn fór nú til Dabba sem öllu réði og sagðst alveg vera að klebera á þessum OG dvergi, hann væri sinkt og heilagt að stíða sér og kvelja með allskyns tilboðum og bellibrögðum sem gerðu ekki annað en rugla íbúa Fjarskiptalandssins. Nú væri svo komið að aumingja fólkið vissi ekket hvaða símtöl það ætti að kaupa sér til skemmtunar og hvað það ætti að borga fyrir þau.

Dabbi sagði við Risann, ef þú ert að þessu væli sel ég þig bara einhverjum sem getur kennt þér að lifa í svokallaðri samkeppni eða svoleiðis.

Eitt af því sem Pfar fyrirskipaði var að ekki mætti taka af fólkinu svokölluð símanúmer þótt fólkið vildi fá nýja símtala uppskeru frá hinu fyrirtækinu. Þetta varð til þess að fólkið vissi ekkert hvað símtölin sem það var að kaupa kostuðu. Ef fræið var sett niður hjá Risanum en uppskeran seld hjá OG kostaði það meira en ef fræið var sett niður hjá Risanum og uppskeran keypt hjá Risanum.

Risinn ævintýri fyrir fortíðarbörn (2 af 11 )

Þegar risinn frétti af því varð hann bæði sár og reiður og svo fór hann að gráta.

Það var alveg sama hvaða fræ dvergurinn notaði, risinn klagaði stöðugt í Pfar, OG má ekki gera svona OG má ekki gera þetta. Pfar sagði við risann, láttu ekki svona, þú ert búinn að hafa besta básinn á markaðnum í áratugi, þú verður að vera góður við OG og leyfa honum að hafa smá horn fyrir sín fjarskipti, við búum í landi sem er með frjálsa samkeppni, þar sem allir mega gera það sem Dabba finnst skynsamlegt og gott.

Risinn fór heim til sín súr og leiður, ég skil þetta ekki ég sem hef alltaf verið vinur Dabba, svo gerir hann mér þetta. Risinn safnaði saman hirðinni og hélt fund. Hann sagði við hirðina þið verðið að finna uppá einhverju til að rækta og selja sem dvergurinn OG hefur ekki fattað uppá, við verðum að setja það á markaðinn þar sem mest ber á því, og setja milljón auglýsingar í blöðin og sjónvarpið. Hirðin fór heim til að hugsa uppá einhverju svaka sniðugu. Svo komu yfir- hirðingjarnir með hugmyndir að ýmsum nýjum afbrigðum af  fjarskiptum. Einn vildi setja á markað fyrirfram greidd símtöl, hann hafði heyrt um að það væri gert í útlöndum. Annar vildi setja allt draslið á netið. Sá þriðji vildi hækka gjöldin fyrir símtölin í þrjá mánuði og lækka þau svo aftur. Sá fjórði sagðist ekki vita almennilega hvað best væri að gera, sennilegast best að gera ekki neitt og sjá til. Sá fimmti vildi setja upp eitthvað til dæmis sjónvarpssöð, eða bara kaupa svoleiðis. 

Risinn ævintýri fyrir fortíðarbörn (1 af 11)

Einu sinni var risi sem átti heima í Fjarskiptaskógi í Fjaskiptalandi. Risinn átti stór frjósöm lönd. Þar lét hann rækta símtöl, gagnasendingar, breiðbönd og aðrar síkar plöntur sem almúginn var sólginn í. Risinn hafði í kringum sig stóra hirð allskyns sérfræðinga, einnig var fjöldi verkamnna sem höfðu það verkefni að framleiða símtöl, gagnasendingar og breiðbönd fyrir íbúa Fjarskiptalands.

 

Yfir öllu landinu réð kóngurinn Davíð hann hafði líka stóra hirð í kringum sig.Meðal hirðmanna var Pfar, hann var svo voldugur að allir smáir og stórir sem ræktuðu símtöl, fjarskipti og slíkar plöntur urðu að gera eins og hann ákvað.

 

Dag einn um  hádegisbil kom dvergurinn OG  til Pfar og bað hann að skaffa sér smá blett til að rækta á, hann langaði líka eins og risinn að rækta símtöl og svoleiðis til að selja á markaðtorginu í Fjarskiptalandi. Pfar spurði Davíð. Davíð sagði ok og dvergurinn fékk smá skika til að rækta á.

Gamlingjarir

Gamla hyskið er ekki of gott til að borga.

Eitt af afrekum R-listans var að hnoðast með byggingarétt og leyfi fyrir íbúðabyggingu fyrir eldri borgara. Framsóknarráðherran sem fór með þessi mál sagði ekki ég.

 R-lista-prjónakonurnar sögðu ekki ég. Þegar svo byggingarrétturinn var kominn í hendur útvalinna var byrjað. Fyrsta hugsun að sjálfsögðu hvernig get ég grætt á þessu gamla pakki, sem hér á að hafa forgang um kaup á íbúðum? Jú einfalt mál selja nógu helvíti dýrt og telja þeim svo trú um að þessu fylgi þjónusta.Fermetra verð 500.000 las ég í Fréttablaðinu, Moggin veit ekkert um þetta. Ég skoðaði á vefnum verð á húsnæði á Spáni í Búlgaríu og svo á Íslandi. Það sem skoðað var eru 2-3. herbergja íbúðir í nýbyggðum fjölbýlishúsum fimm íbúðir í hverju landi. Útkoman er þessi (meðaltal 5 íbúða) :Búlgaría  101.200 hver fermetriSpánn      141.555 hver fermetriÍsland      291,964 hver fermetriSvo þetta fáránlega verð 500.000 íbúðir fyrir aldraða með ímyndaðri þjónustu.Er ekki meira vit fyrir gamlingjanna að kaupa í Búlgaríu. Ættingjarnir yrðu dauðfegnir að þurfa ekki að heinsækja þessi gamalmenni sem röfla sífellt um hvað það var gaman og gott að vera til í gamla daga, laungu búin að gleyma því að þau lifðu á hungurmörkum.Þar geta þeir röflað hver við annan um lífið í denn, og spilað golf fyrir lítinn pening í leiðinni.

Dabbi bestur

Ævintýri fyrir unglingaHonum tókst það. Dabbi sem Villi Egils var að skamma fyrir háa vexti og getuleysi í slagnum við verðbólguna, er búinn að rúlla Óla Ragga upp í launum, kominn yfir sjálfan Ólaf forseta.Auðvitað fyrir tilstuðlan góðra bankaráðsmanna, ég nefni engin nöfn, en Hansi Hólms. er einn af þeim. Vondi kallinn Raggi Arn. Fékk ekki rönd við reist, hann var baulaður niður þegar hann maldaði í móinn. Ekki getur tvöhundruð þúsund kallinn sem Dabbi fékk til viðbótar í launaumslagið verið vegna árangurs í peningastjórnun. Ekki vill Villi Egils og félagar í atvinnufélaginu meina það. Þvert öfugt ætti að draga af kaupinu hans Dabba fyrir slælega stjórnum peningamála að mati þeirra í atvinnufélaginu.

Andstaðan fundin

 

Ævintýri fyrir unglinga. 

Þá er ballið byrjað. Stjórnarandstaðan komin í leitirnar. Vala -svala framsóknar-búbba sté í stól við Austurvöll og hóf upp raust sína. Hún benti út í annað ráðherrahornið með vísifingri hægri handar og sagði með þungri áherslu. Þú þarna Stjáni Mö þú ert þegar búinn að svíkja kostningaloforðið sem þú gafst þjóðinni fyrir norðan. Þú lofaðir gati í Vaðlaheiðina en það er ókomið. Þú hefur svikið fyrsta loforðið. Síðan snéri hún sér að linsu sjónvarpsvélarinnar benti með vísifingri hægri handar beint í linsuna og sagði með sömu þundu áherslunni. Þarna sjáið þið Stjórnin er stax byrjuð að svíkja loforðin sem hún gaf fyrir kostningar. Ég sagði ykkur það þeir myndu svíkja. Þið hefðuð átt að kjósa fleiri framsóknar-búbba í þing. Þetta er gott á ykkur.

Stjáni Mö kom næstur í stólinn. Hann sagði kæra mín ágæta Vala -svala, ég er nú bara búin að vera í ráðastólnum í 4 daga, rétt  að ná áttum. Auðvitað stend ég við gefin loforð um gat í gegnum heiðina þarna fyrir norðan. Það á að vera til hellings peningur sem bíður eftir að einhver noti hann til að naga þetta gat í heiðina.

En Einsi segir ríka-kassan fullan af gulum miðum en heldur fátækan af krónum.

Vala -svala kom þá aftur í stólinn og benti á Stjána-Mö. Þú ert bara að skrökva svíkur loforðin á fyrstu dögum, hvaða gulu miða kjaftæði er þetta eiginlega?

Jú á einum stendur 27 millur fyrir Siv-framsóknar-búbbu til greiðslu skaðabóta vegna þess að hún bannaði eitthvað sem hún mátti ekki banna þegar hún var svínamálaráðherra.

Nokkur hundruð millur vegna frostskemda á Keflavíkurflugvelli Vala -svala framsóknar-búbba nennti ekki að láta skrúa fyrir vartnið og allt klabbið fraus. Svo var þarna miði sem stílaður var á einhvern Árna sem einhverntíma rak einhverja félagsmálabullu og var dæmdur fyrir það. Allt þetta kostar peninga og af nógu að taka. Og vertu svo ekki að brúka þig.

Hilton

Jæja þá er kosningavíman að renna af okkar mönnum við Austurvöllinn. Enn eru Geiri og Solla að leita að stjórnarandstöðunni. All er svo gott og bjart að maður fær bara glýju í augun, allir eru svo jákvæðir að það hálfa væri meira en nóg. En þó er eitt sem skyggir á ómælda ánægju mína með stjórnina, að vísu kemur það ekkert stjórninni við, eða svoleiðis. Skugginn stafar af því að vinkona okkar allra sem hefur verið bæði augnayndi og  séð okkur fyrir spennandi lesefni um nokkurt skeið á í vandræðum. Mér hefur dottið í hug hvort ekki sé hægt að ættleiða hana eins og gert var við Fisser, til að forða henni frá yfirvofandi vandræðum og leiðindum. Spurningin er hvort  Solla utanríkis væri til í að beyta sér fyrir ættleiðingunni við kollega sinn í USA. Það væri enginn smá ávinningur fyri þjóðina að fá gelluna ættleidda og maður nú ekki talar um landkynninguna sem við myndum fá út á það. Henni myndi líða betur og mér og Einari bróður myndi líða betur og  maður nú ekki tali um Össa og hina strákana við völlinn, allir yrðu alsælir. Það yrði tilefni til að skíra öll hótel á Íslandi Hilton. Hótel Hilton Reykjavík, Hótel Hilton Borg. Hótel Hilton Saga, Hótel Hilton Loftleiðir, Hótel Hilton KEA og svo framvegis og svo nýja ráðstefnuhótelið í Faxaflóa Hótel Hilton Paris. Fullkomið ekki satt ? En Solla þú þarft að hafa hraðann á, því sú sæta er á leið í leiðindin, það á víst að stinga henni inn í vikunni.

Ný stjórn

Nú erum við búin að fá nýja ríkisstjórn, húrra fyrir því. Sigurvegarinn Árni Johnsen fékk ekki að vera með, enda hrasaði hann í tröppunum á leið til Geira H. Afturámóti fékk maðurinn með silfrið að vera með, það er hann þurfti ekki að standa upp úr stólnum alveg strax. Hann getur því lokið því sem hann byrjaði á rétt fyrir kosningar, það er að skipa Jón H í embætti ríkissaksóknara. Húrra fyrir BB.

Framsóknarlúserunum fjölgaði heilmikið og er því aðallúserinn Jónína í góðum félagsskap. Jón yfir frammari sagði af sér, maðurinn rétt byrjaður sem formaður og strax búinn að fá leið á Guðna og öllum hinum.

Ojbarasta þið eigið ekki að vera vond við Jón hann er svo góður gæi inn við beinið. Steingrímur handbremsa þetta er meint til þín. Nú eigum við eftir að sjá hvernig korngjafapólitíksarnir plumma sig í faðmi einkavinavæðingarinnar. Í raun er engin stjórnarandstaða til í landinu nema þá helst Ómar og félagar. Hinir voru allir  með það sama á stefnuskránni og  Gsólrún.Gsólrún samanber Gmjólk þarf ekki að geyma í kæli, síðasti söludagur eftir fjögur ár.

Æskan við völd

Nú hafa útrýmingarbúðir fyrirtækjanna starfað í nokkurn tíma, heita má að útrýmt hafi verið svo til öllum gamalmennum. Í staðin eru svífandi um á línuskautunum sínum lokkaprúðir unglingar, brúnir á kroppinn með rósrauðar kinnar.Ferksleikinn allstaðar, frumkvæðið í fyrirrúmi og ekki tími né nenna fyrir leiðinlegar athugasemdir. Þjónustan í fyrirrúmi framþróun fram yfir rukkun, enginn tími fyrir svoleiðis leiðindi, betra að gefa en rukka. Ef það vantar aur þá bara að spara, allir nema ekki ég.Gamlingjar með lánstennur ekki lengur til, enginn til að segja ha þegar stuttbuxnagæjunum/pæjunum dettur eitthvað findið í hug sem helst á að framkvæma í gær. Þau svífa um á línuskautunum með eigin tennur nagandi pizzur, milli þess sem þau finna uppá einhverju nýju til að gera.Þeir fáu gamlingjar sem enn hafa sloppið við kutann, hafa hægt um sig, þeir skilja ósköp vel hvað átt er við með því að láta þá dragast aftur úr, þeir eru hvort sem er útbrunnir ellismellir í augum hinnar glöðu æsku sem prílar uppí stólana sína, svona uppúr 9, fullir eftirvæntingar til að pata út og suður, sem á barnamáli heitir að stjórna.Það var einhver sem ætlaði að útrýma gyðingum en mistókst, hann notaði víst ekki rétt formerki. Þau mistök eru aldeilis ekki gerð í útrýmingu gamlingja. Formerkið er hagræðing og ber að virða það bukka og beigja sig þegar formerkinu er veifað. Ef hagræðing  dugar ekki, er hægt að notast við breyttar forsendur.

En hvernig skyldi útkoman svo vera þegar ýtt hefur verið útaf borðinu reynslu gömlu refanna sem stóðu  í báða fæturna, jafnvel þegar illa gekk, og voru trúir sínum apparötum. Það er eitthvað rausað um skjálfraddaða skarfa sem sitja útí horni með fangið fullt af ónothæfri reynslu.

Fram fram fylking, Æskan hefur ákveðið að eldast aldrei, þeim kemur aldur ekkert við, nema hjá þeim sem eru orðnir alltof gamlir. Hve glöð er vor æska.