Sökudólgarnir.

Við skulum ekki leyta að sökudólgum sagði stofnandi og fyrrverandi eigandi Raupklinks. Við eigum að finna lausnir. Lausnir fyrir sökudólgana væntanlega, því ekkert heyrist í þeim. Það er svo sem ekki von, því þeim kemur þetta bara ekki lengur við. Þeir hafa meira en nóg að gera við að koma ofurlaununum, starfslokafénu og kaupréttargróðanum í skjól í útlöndum, og mega því ekkert vera að neinu snuddi hér. Hverjir voru það svo sem grófu grunninn að þessum vandræðum ? Jú voru það ekki sjálfstæðis- og frammsóknarmenn, þeir voru á vaktinni þegar rennt var í sökklana. Nú sitja frammsóknarmenn og hneigslast á ástandinu og láta sem þeir viti ekkert og vilja allra síst að kafað sé í fortíðina. Spilaborgin sem reist var á handónýtum sökklunum er hruninn. Því miður höfðu fíflin ( fólk er fífl sagði fyrrverandi forstjórinn ) flutt inn í höllina og eru nú að reyna að grafa sig út. Þeir sem stjórna fjármálum okkar eru sammála Raupklinksstofnandanum  sem er sammála Dabba og Geirhardi. Þetta er allt saman einhverjum ljótum ameríkönum að kenna. Á meðan eru allir BÁrmannarnir í útlöndum og hía á okkur. Eins og stólpípan sagði, það á að frysta þessa kalla eða allavega aurana þeirra meðan farið er í saumana á því hvernig  þetta ástand í peningamálum varð til. Það er einungis að hluta til vegna ljótu kallana í Ameríku.  Afganginn eiga stuttbuxnastrákarnir sem eyddu sjö árum í Súper Gaggó á Melonum við fótskör Hansa Hólm.

Kæri Guðni.

Mikið er ég sammála þér . Auðvitað er það kristaltært eins og þú bendir á.

Þú , Kiljan og Dabbi hittuð auðvitað naglann beint á hausinn þegar þið segið. Við eigum ekki að borga óreiðuskuldir þeirra sem við ólum upp í botnlausu sukki og óráðsíu. Ó nei ekki aldeilis.

Elsku Guðni minn synd að þú skulir ekki vera á þinginu núna, þú með þinar heilbryggðu skoðanir. Ég spyr líka hverskonar heilaþvottur er þetta eiginlega sem er í gangi ? Okkur væri nær að skammast út í Halldór sem gaf Óla og Finni Búnaðarbankann sem varð svo að Kaupþingi. En eins og ég segi elsku Guðni minn, þetta er helvítinu honum Svabba Gests að kenna allt saman. Hann kann ekkert í Bresku og er bara stúdent eins og gæsalappi er margbúinn að segja.

Það á ekki að kvelja Íslenk fermingabörn langt inn í ókomna framtíð. 100 millur á dag var það ekki talan sem Sigurjón sagðist græða í júní 2008 rétt fyrir þú veist ?  Nú ætlar ljóti kallinn sem situr á tóma kassanum þú veist sem dýralæknirinn sat á, að rukka okkur, Hvað heitir hann nú aftur ? Steingrímur eitthvað ? Æ ég man það nú bara ekki í augnablikinu.

Nær væri að þú elsku Guðni minn leggðir þína hægri hönd á plóginn með Simma og rukkuðuð Nossarana um ritlaun fyrir Snorraeddu. Ég veit síðan ég var í Noregi að Nossararnir eru helvítis nýskupúkar,  þá er bara að sýna þeim fulla hörku og kría út glópalán bara nógu stórt, svo fermingarnar geti gengið eðlilega fyrir sig. Guð verður jú að fá sitt og það með vísitöluálagi hvað annað ?

Elsku Guðni minn eins og ég hef marg sagt er eftirsjá í þér, það hefur varla heyrst almennilegur brandari við Austurvöll eftir að þú fórst í sveitina.

Þín ástkæra.

Magnea

Að horfa í baksýnisspegilinn

Menn segja að ekki eigi að horfa í baksýnisspegilinn heldur fram á veginn. Nokkuð til í því, nema hvað þeir hefðu betur horft um öxl þá hefðu þeir ef til vill séð holskefluna sem á eftir þeim æddi, og færði þá og okkur á kaf í efnahagsólgusjóinn. Hverjum það er að kenna og hverjum ekki má leiða líkum að. En fíflinu (fólk er fífl sagði olíu-forstjórinn ) sem tókst að nurla saman sem svaraði til 50.000 evrum á síðustu 40 árum. Þegar hann vaknaði í morgunn komst fíflið að því að hann átti ekki nema  25.600 evrur. Þökk sé útrásarvíkingunum og öllum þeim fræðingum sem Súpergaggó á Melonum hefur ungað út undanfarna áratugi og farið hafa með stjórn peningamála ríkisins og fyrirtækja. Furstinn sem var í Svarta kastala er engin undantekning, hann lét ekki sitt eftir liggja. Svo koma þessir pótintátar eins og gæsalappi og Gerða leikaradóttir og rífa kjaft. Skammast út í Grímsa eins og hann hafi sett þjóðina á hausinn. Þvílíkt og annað eins. Þetta gengi kann sko ekki að skammast sín ónei ónei.Hitt er svo annað mál að það voru fíflin í landinu sem létu blekkjat og kusu þessa glæpona á þing. Sumir vegna hræðslu við ljótu kommana sem Geirs og gæsalappahjörðin klifaði sífell á, aðrir af hreinum kjánaskap og enn aðrir af því pabbi kaus þá alltaf. Ekki er framsókn skárri ónei. Þar eru glópaláns bræður við stjórn.

Kæra Ragna

Mér finnst það ekki ná nokkurri átt hvernig talað er um þig þessa dagana. Svívirðingar málningasvettur og bara nefndu það, þetta er alveg óþolandi.Svo er fólk að tala um að dómarakerfið muni ekki getað dæmt neina af þessum glæponum sem settu okkur á hausinn vegna skyldleika. Hvernig er bara hægt að starfa í þessu umhverfi, þar sem allir þekkja alla og eru meira og minna í ætt hver við annan ? Ég bara segi ekki meir. En elsku Ragna mín, mér datt bara í hug að það mætti gera gott úr þessu öllu saman. Eins og við báðar vitum þá gengur fólk um göturnar hungrað og kvalið af þessu ástandi sem gæsalappi og Dabbi bjuggu til fyrir okkur. Ég ætla að benda þér á að í þessu felast tækifæri fyrir þetta volaða fólk. Tækifæri sem leysa vanda dómara og annarra skyldmenna Bjöggana, Werneranna, Ólafanna, Finnanna og fleiri og fleiri. Vinir þínir og undirmenn gætu þá dæmt á báða bóga, hægri og vinstri og allt um kring án þess að hafa áhyggjur af skyldleika og öðrum leiðindum.Jú nú kemur tillagan sem þú getur ekki hafnað. Stofnað verður félag sem ræður þetta fólk í vinnu sem er sársvankt og ráfar um í skuldafeninu öllum til leiðinda. Vinnan er í því fólgin að sitja inni fyrir glæpi annarra. Þetta er örugg vinna segjum si svona vinna til tveggja til tuttugu ára allt eftir því hvernig dómar falla. Þetta ólánsfólk gerir samning við félagið um hvað þunga dóma það vill sitja inni fyrir. Launin eru vatn og brauð, sem er meira en það fær í dag fyrir að ráfa um. Það mætti svo gefa skattaafslátt og eitthvað fleira fyrir þessa vinnu, enda er hún ekki ósvipuð sjómannastörfum,“ kallinn aldrei heima“. Félagið gæti heitið Afleysingar ehf. Eða eitthvað. Ég mæli með nafnasamkeppni fyrir nafn á félaginu. Félagið yrði að sjálfsögðu í eigu okkar og fengi tekjur úr ríkissjóði í öfugu hlutfalli af þyngd dóma. Elsku vinkona hafðu samband við mig þegar þú hefur ákveðið hvernig þú vilt útfæra þetta.Þín besta vinkona.Magnea

Kæri Baldur

Hvernig stendur eiginlega á því að þetta pakk sem hafði ekki vit á að græða, heldur því fram að þú hafir vitað fyrir fram um gjaldþrot Landasbankans ?

Það er ekki sama að vara í kaffi og sérríi hjá elskulegum Darling og vita hvenær banki fer á hausinn.

Illpennarnir halda því fram að þú hafir verið á fundi í útlöndum með þessum Darling og hann hafi verið að segja ykkur að bankinn væri gaga og færi á hausinn. Auðvitað segja illpennarnir auðvitað vissir þú þá að þú áttir að selja bréfin þín. Ég segi bara þvílík öfund og illkvittni hjá þessu pakki. Ég veit elsku Baldur minn að þú hefur bara ekki skilið þessa útlensku í honum Darling og því er það deginum ljósara að þú vissir ekkert.

Aumingja fólkið sem keypti þessa pappíra af þér, það hefur þá væntanlega tapað því sem þú tapaðir ekki. En ég bara segi það,  því var nær. Þetta pakk hefur áræðanlega ætlað að græða á þessum pappírum, og láta þig sitja eftir með sárt ennið.

Svo var Jónsi í eftirlitinu og Dabbi í Svartakastala búnir að segja að þú hafir ekki vitað neitt um þennan Landsbanka. Þess vegna fékk Jónsi í eftirlitinu ekki af sér að vera með einhverja rannsókn á þessu og bara sagði eins og ég hef alltaf sagt. Hann Balli vissi ekkert.

Það er því deginum ljósara að þú ert blá saklaus af þessu öfundarrausi í nöldrurum sem halda öðru fram.

Balli minn ég og mitt fólk styðjum þig af öllu afli og munum vitna þér í hag hvenær og hvar sem er. Þú þarft bara að segja okkur hvað við eigum að segja.

Þín elskulega.

 Magnea

Kæri Hannes Hólmsteinn

Mikið ertu klár. Þú ert bara svo klár að ég roðna þegar ég les síðaasta bloggið þitt. Mikið er ég stolt af þér elsku drengurinn minn. Auðvitað er það hárrétt hjá þér og Dabba að íslensk alþýða eigi ekki að borga óreiðuskuldir íslenskrar alþýðu. Dabbi sagði það bæði fyrir og eftir fall græðgisvæðingarinnar sem hann bjó til eftir teikningum frá þér. Svo eru einhverjir stúdentar að semja fyrir Grímsa um þessar skuldir sem við skuldum sko alls ekki, eins og þú og Dabbi eruð marg búnir að benda á.

Eins og þessir illpennar eigi ekki að vita þetta eins vel og þú Hannsi minn. Eini maðurinn svo vitað sé sem ekki vissi af því að óráðssíumennirnir væru búnir að setja alþýðu Íslands á hausinn var Baldur nokkur ráðuneytisstjóri hjá dýralækninum , sem þá var fjármálaráðherra. Hann vissi víst ekkert um þetta fall bankanna því hann var á kafi í beljurassi og sá ekkert hvað var að gerast í baunkunum.

En eins og Dabbi sagði alltaf þið megið setja Bjögga á hausinn en ekki mig.

Þú bendir réttilega á að ýmsir aðilar í ýmsum löndum hafi bent á að þetta séu ef til vill ekki skuldir Íslenska ríkissins. Heldur bara einhverra óráðsíukalla.

Þessi ríkisstjórn sem við kusum veit ekki hvað frelsi einstaklingsins þýðir, er duglaus skortir þor, þrek, kunnáttu og getur til að semja við útlendinga. Bíddu aðeins semja um hvað ? er ekki íslenska þjóðin blásaklaus ? Eru það bara ekki Bjöggarnir sem eiga að semja ? Látum þá um samningana sem stofnuðu skuldirnar í nafni frjálsræðis, einkavinavæðingar og græðgi.

Þessi AGS sem ég kalla bara Agga segir að þeir láni ekki til þeirra sem ekki standi við gerða samninga um greiðslu skulda. Það verði engin lán fyrr en búið sé að semja um skuldir óreiðsíumanna á Íslandi. Helvítis frekjuhundur þessi Aggi. Hann sagði víst það sama við Georgíumenn rétt um daginn. Þið skuluð borga Rússunum fyrst og tala svo við mig. Ósvífni og frekja ekkert annað.

En elsku Hannsi minn ég vona bara að þessi blogg þín leiði alþýðu landssins af moldartroðningi mjóa vegarins inn á breiðstræti frelsisins og einkavinavæðingar á ný.

 

Elsku Hannes minn haltu áfram þessum skrifum, ekki veitir af að upplýsa málin. Þetta með Baldur er áræðanlega runnið undan rifjum öfundarmanna og illpenna. Það er sko ekkert bannað að selja verðbréf. Verst fyrir þann sem keypi. Honum var andskotans nær égi segi það bara.

 

Bestu kveður til ykkar allra.

Þín Magnea

Kæri Ármann

  Mikið þótti mér vænt um þig þegar ég fékk boðskortið frá þér. Mig hefur alltaf dreymt um að vera í alvöru jólaboði innanum alvöru fólk. En því miður komst ég ekki til London um jólin. Ég átti ekki aura fyrir fargjaldinu, takk samt.  Var ég búin að þakka þér fyrir boðið í Miðjarðarhafið í hittifyrra ? Ég bara man ekki hvort ég var búin að þakka þér fyrir það. Mikið held ég að það hafi verið gaman á snekkjunni, með allt þetta fræga fólk um borð. Og þú bara drengurinn minn aðal maðurinn um borð.

Englasöngur þinn barst út yfir rennislétt Miðjarðarhafið og rann saman við nið náttúrunnar, eina hljóðið utan englasöngs þíns var glasaglymur veislugesta þegar þeir skáluðu aldeilis agndofa af hrifningu. Þvílíkt maður og þessu missti ég af af því ég var blönk þarna um sumarið. Ég reyndi að slá fyrir ferðinni en þeir þarna í Raupklink vildu ekkert  lána mér, ekki grænan eyri hvað þá meir. Svo var þarna einhver með þvílíkan dónaskap. Þegar ég sagði þeim að mig vantaði þessa aura til að komast á snekkjuna, þá bara sagði einn þeirra, þangað átt þú ekkert erindi, þú átt áræðanlega engan nothæfan kjól fyrir snekkjuferðir. Svona fór nú þetta Ármann minn og ekki meira um það. Auðvitað er ég svekkt yfir þessu öllu.

Nú eru níðbítarnir farnir að glefsa í þig líka Ári minn. Á því átti ég síst von eins og þú ert glæsilegur á velli. Þeim er ekkert heilagt þessum sullukjöftum svei þeim bara.

Þú bara lentir í þessari vinnu hjá Raupklink aldeilis óafvitandi, og svo varstu bara allt í einu kominn til London, eins og þú hefðir nokkurntíma viljað það sjálfur. Nei þú bara lentir í þessu.

Auðvitað gerðir þú rétt fyrst þú á annaðborð lentir í þessu að sjá um kaupin á þessari sjoppu, hvað hún nú heitir. Singja og Friðlander eða eitthvað svoleiðis. Ég á svo bágt með að muna úlensku.

Það var ekki þér að kenna þótt Darling vildi ekki henda til þín björgunarhring þegar bankinn drukknaði í skuldum, sem þú áttir náttúrulega enga sök á. Ég trúi þér alveg Ári minn þegar þú segir að þú hafir frekar átt á dauða þínum von en að fá heimsókn frá Darlig þarna í október í fyrra. Ekki nóg með það, heldur skrifuðu þessir sendlar frá einhverju fjáraeftirliti Darlings með stórum stöfum í gestabókina þína, þvílíkur dónaskapur, ég er hneigsluð.

Ámann minn elsku drengurinn minn og nú ertu búinn að skrifa þína höfuðlausn alveg eins og Egill forðum. Ævintýtraaurinn heitir hún víst er það ekki annars ? Sama hvað hún heitir, hún er tær snilld er mér sagt. Meira að segja táruðust þeir Siggi og Hreiðar þegar þeir lásu formálann og þá er nú mikið sagt þegar svo miklir víkingar tárast.

En eiturtngurnar eru samar við sig og segja að þú hafir bara vitað þetta allt saman laungu á undan Darling og félögum. Svo er einhver kerling að skrifa að hún fái ekki banana fyrir börnin sín út af þessu öllu saman, henni var andskotans nær að eiga þessi börn segi ég bara.

Við ykkur sóðakjafta og níðskrifara segi ég eins og meistarinn forðum, kasti þá sem ekki er blankur fyrsta steininum, og hananú.

Elsku Ármann minn ég verð að láta staðarnumið í bili, Mogginn var að koma.

Þín Magnea

Kæri Finnur Ing.

Hvað getur þú gert að því þótt þú sért frammari  ? Og hvað kemur þessu pakki það við sem er sífellt nöldrandi yfir öllu mögulegu og ómögulegu,  þótt þér berist uppí hendurnar sitt lítið af hverju ? Hverskonar er þetta eiginlega ?

Hvað er athugavert við að fá banka í jólagjöf ? menn fá nú annað eins frá vinum sínum. Svo var þetta ekki bara  gjöf  til þín, fleiri fengu nú þennan banka . Var það ekki Óli sem fékk að vera með þér í bílnum sem fékk þetta lítilræði með þér ?

Þeir sem nöldra hæst þykjast vera eitthvað. Þessar eiturtungur vilja klína bara öllu mögulegu á  þig Finni minn.  Þú átt að hafa sóað einhverjum samvinntsjóði, einhverskonar eftirhretum af samvinnu tryggingum. Þetta var svo sem ekkert að ráði nokkrar krónur að mér skilst. Svo eru þessir öfundarpúkar að velta sér uppúr einhverjum félögum sem þeir segja að þú eigir og notir til að stela peningum af fólki . Eitthvert FS7 eða 8 ehf, svo eitthvert Ker og  eitthvert  hestafélag  sem þeir segja að heiti Hesteyri. Mér finnst þetta bara ekkert fyndið.  Svo eru þessir púkar að tala um að þú sért eigandi af einhverju Gift, er þetta bara ekki einhver misskilningur, ertu bara ekki giftur er það ekki allt og sumt ?

Kæri Finni minn þú hefur alltaf verið frumherji í mínum augum. Því skyldi enginn vera hissa á að þú eigir Frumherja.  Hvað gengur sveitastjóranum eigilega til að neita um malbik að sveitasetrinu fyrir austan ? Hann segir þetta vera bara kot og þú fáir sko ekkert malbikað. Við malbikum nú ekki að hvaða koti sem er sagði sveitastjórinn.

Elsku drengurinn minn, mikið þótti mér vænt um að heyra frá hrossaræktinni, þið hjónin leggið mest upp úr mýkt og góðu geðslagi er mér sagt. Ég hlakka til þegar þetta hrossakét kemur í verslanir lungamjúkt og geðþekkt. En illtungurnar halda áfram að mala tóma lygi.  Og hvað með það þótt þú eigir hestakerru með sér baði og eldhúskróki, það bara kemur það engum við og hananú.

Svo eru eiturtungurna að hafa það eftir hverjum öðrum að þú hafir lánað heimilisfangi þitt undir einhver félög sem þú náttúrulega hefur ekkert  með að gera núna. Þeir gapa hver upp í annan og hafa í flymtingum Fikt.ehf, Hik.ehf, Bolmagn.ehf,  og Hvanná.ehf. Þessir aular eru bara alveg hugmyndablankir. Þeir fatta ekki að merkinguna í þessu, sem er auðvitað að þú hafir Bolmagn til að Fikta  og Hikir ekki við að vaða Hvönn upp í háls, þvílíkir aular, ég segi ekki annað.

Þessir aular eru að segja að þú hafir brotlent í einhverju Langflugi. Ég veit að þú gerir ekki svoleiðis, var bara ekki bensínð búið í þessu flugi ? hvað getur þú svo sem gert þegar aularnir sem sjá um bensínið bregðast ?  Ég veit ekki betur en Lalli sem var endurskoðandi hafi stimplað olræt á bensínpappírana hjá þér fyrir þetta Langflug. Var hann ekki í einhverri skilanefnd fyrir einhvert kompaní sem þú settir hann í þegar þú varst ráðherra ?  eða var það eitthvert eftilit ég bara veit ekki meir elsku drengurinn minn

Hvað eiga þessar pöddur eiginlega við þegar þeir segja að þú eigir eitthvað í Mannviti ? Ég veit nú ekki til að það sé neitt mannvit í kringum þig Finni minn. En það er því meira peningavit umkringis þig en marga aðra.

Ég man alltaf hvað mér þótti vænt um þegar þú komst á þig fyrir mig og okkur öll framsóknarlömbin. Og maður lifandi þegar þú varðst ráðherra og raðaðir okkar fólki í allskyns embætti hjá ríkinu. Maður tali nú ekki um þegar þér var falið það vandasama verkefni að stýra Seðlabankanum .

Ég segi nú ekki annað við þessar eiturpöddur og hælbíta sem eru á eftir þér, þið eruð bara öfundarpúkar og ekkert annað.  Þið hafið ekkert vit á framsókn. Þið eruð alltaf í vörn og nennið ekki  neinu sem okkar ástkæri Finnur hefur verið að sísla með.  Hver segir að þú hafir fengið vin þinn til að kaupa eitthvert skoðunarfyrirtæki svo þú réðir yfir þeim báðum sem til eru í landinu ?

Algjör snilld að koma á sektarkefi sem þú einn færð að innheimta og græða á.

Þetta verður ekki lengra í bili Finnur minn, hef samband síðar

Þín einlæga.

Magnea

Ps.

Ef þú ert blankur þá ertu alltaf velkominn í hrísgrjónavelling  til mín Finnur minn.

Kæri Jón Ásgeir

 

Mikið finnst mér ljótt hvernig fólkið talar um þig þessa dagana. Það er engu líkra en allir séu bara á móti þér og þínum. Fólkið segir bara að þið feðgarnir hafið sett bara alla þjóðina á hausinn. Ég segi bara við þetta hyski, þið eruð í biðröð við kassana í Bónus, Hagkaupum og 10 11 og þessum sjoppum og eruð svo að nöldra yfir velgengni eigendana, sem eru bæði stálheiðarlegir og framsæknir snillingar. Hvar eru döðlurnar billegastar nema í Bónus ? og hvar eru fíkjurnar dýrastar nema í 10 11. Þarna sjáið þið, öllum er frjálst að kaupa hvort heldur sem er billegt eða dýrt. Ykkar er valið og Jóns er gróðinn.

Svo eru eiturtungurnar að velta sér uppúr sögusögnum um einhver viðskipti sem þú gerðir við þig og svo sjálfan þig og frúna. Mér þætti ekkert skrítð þótt þessir pennar blönduðu pabba þínum líka í þessi viðskipti.

Ég veit að það þarf að taka til í eignasöfnum rétt eins og þarf að taka til í stofunni heima. Því finnst mér sko ekkert athugavert þótt þú og þín fjölskylda hafið fengið nokkra aura frá ykkur sjálfum til að borga skuldir ykkar sjáfra og gera upp við ykkur sjálf gamlar skuldir og henda í leiðinni einhverjum notuðum Baugum. Þetta voru bara 30 milljarðar, bara smáaurar segi ég. Mér finnst að þessar eiturpöddur eigi bara að hafa hægt um sig og vera bara ekkert að skammast út í ykkur. Elsku drengurinn minn ég fékk bara áfall þegar mér var sagt að það væri búið að taka af þér þotuna. Þvílík frekja ég segi bara það. Hvernig áttu svo að komast milli landa þotulaus ? ég bara segi ekki annað. Maður tali nú ekki um elskulegu frúna. Það er bara ekki forsvaranlegt að láta ykkur elskulegu hjón ferðast um með einhverjum flugvélum sem hvar sem er getur ferðast með. Hugsið ykkur bara ef einhverjir af þessum öfundar- og eiturpennum væru á ferðinni um leið og þú eða þínir.  Hvernig heldur þú að ykkur liði lokaðir í einhverri alþýðuflugvél með þessu hyski ? Svo er talað um einhvern skíðaskála í ölpunum. Ég segi bara maður fer nú ekki í einhvern skíðaskála ónei auðvitað þurfið þið ykkar eigin skíðaskála, það er engum treystandi nú til dags og síst í skíðabrekkum. Sama er með sjóinn mér dettur ekki til hugar eitt augnablik að þið séuð óhult í einhverjum dalli sem allir geta keypt sér far með, miklu betra að eiga sinn eingin dall þótt hann sé ekki stór. Er víkingurinn enn á floti sem þið keyptum með honum Sullubergi ?

Nei Jónsi minn. Mér fannst það helvíti gott hjá þér að láta skattstjórann loka fyrir þennan svokallaða garnagrunn sem á að sýna hvernig garnirnar tengjast saman milli ykkar vinanna sem leggið ykkur fram um að selja okkur lífsnauðsynjar á hæsta og lægst verði.

Og hvað með það þótt það fljóti um nokkrir millarðar um þessar garnir, það verður að smyrja með einhverju þessa flóknu garnaflækju. Hvaða máli skiptir svo hvaða apparöt eru tengd saman með þessum görnum ? Hvort það er Gaumur, Kaupþing, Glitnir Stoðir, Baugur Group, Högun, Kögun, Hagar, 1998 ehf eða einhver önnur, auðvitað er það bara aukaatriði, aðalatriðið er að þið eruð stálheiðarleg öll sömul og allir þeir sem ykkur tengjast, það er ég alveg viss um, enda hefur stöðumælavörðurinn frá Akranesi ekki séð neina ástæðu til að ræða við þig um eitt eða neitt. Ekki nema von hann er bara að spjalla við glæpona að mér skilst.

Meira verður þetta ekki í bili elsku dregurinn minn.

Þín einlæga Magnea.

Elsku Óli minn.

 

Alveg gengur fram af mér hvernig látið er um þig. Þetta fólk sem þykist vita allt miklu betur en þú linnir ekki látunum með dónaskap og svívirðilegum skrifum í alla miðla sem gefnir eru út á landinu. Gott ef þeir senda ekki þessi skrif líka til útlanda hvað þá meir. Sjálfsagt er þetta birt í Tortúlanjús og Luxtíðindum og maður tali nú ekki um Jómfrúarnjús. Hugsaðu þér þú ert sagður margbrotinn hvað þá heldur meir. Svo eru menn að skrifa um að þú étir ekki hrossakét af því að spúsunni líki það ekki. Þvílíkur dónaskapur ég hef bara ekki heyrt annað eins. Jafnvel gæsalappi fékk ekki svona útreið á flokksþinginu, þótt Gerða hefði sagt að hann væri gamaldags dragbítur, og stæði eins og drumbur gegn framþróun flokksins. Hann vissi ekkert um ES og bullaði bara.

Svo eru tíuþúsund hálfvitar sem ekkert vita hvað þeir eru að gera búnir að skrifa nöfnin sín á einhverja snepla sem þeir vilja að þú lesir og svo áttu í þokkabót að neita að skrifa nafnið þitt á eitthvað bull frá alþingi. Ég segi nú bara er ekki komið nóg af vitleysu og svívirðingum í þinn garð elsku Óli minn.

Það var snjallt hjá þér að fara um landið þitt í dulargerfi til að snúa ofan af þeirri fyrru sem haldið hefur verið fram um að þú hafir lofað og prísað einhveja víkinga.

Það er ekki þér að kenna að þú varst látin hengja á einhverja Jóna, Bjögga og Hannesa og fleiri fálkann. Það vita allir að þú hafðir ekkert með það að gera hverja þú hengdir á þetta járnadrasl. Þetta er í höndum og á ábyrgð einhverra gamalla hálf sjónlausra, skilningslausra og úbrunninna embættismanna sem kalla sig orðunefnd eee. eða orðanefn, man þetta aldrei.

Ég á eftir að lesa betur yfir hausamótonum á þessum illfyglum, þeir skulu sko fá gúmoren hjá mér ef þeir hætta ekki þessum leiðinda skrifum. Þessi þarna Stormur eða Skerstormur man aldrei hvort hann heitir er algjör eiturpenni og sóðaskrifari, ég hef bara aldrei vitað annað eins. Þú þarna Stormur skammastu þín bara.

Þín Magnea