Tréið Ill-dragsíll Vinjetta-3 af 20

Nú þýtur íkorninn Hólmsteinn upp eftir téinu allt upp að greininni sem fuglinn Davíð situr á. Hvað er að frétta spyr fuglinn ? Kerlingarnar duttu í það og gleymdu að vökva. Í mannheimum er allt að verða snarvitlaust út af þessum línum sem  Foræði sleit á fylliríinu, sérstaklega eru Bísarnir fúlir út í kerlingarnar. Ég heyrði líka þær raddir úr laufinu að Bísarnir vilji meina að þú hefðir átt að gera eitthvað til að koma í veg fyrir þetta óhapp. Fuglinn Davíð snýr uppá sig og tegir gogginn upp í loftið, ég, átti ég að gera eitthvað ? Svo er sagt segir Hólmsteinn íkorni. Eins og ég hafi ekki verið búinn að vara kerlingarnar við, marg búinn að segja þeim að hætta þessari drykkju, bauðst meira segja til að panta tíma á Vogi fyrir þær. Þeim er ekki viðbjargandi þessum dræsum. Með það sama er Hólmsteinn íkorni þotinn niður tréið til Níðbíts að segja honum að fuginn Davíð sé saklaus, og hann hafi varað við drykkju kerlinganna. Rótin er hálf þurr segir Níðbítur, nennirðu að sækja mér nokkra dropa í Heimskubrunninn ég er svo fjári þyrstur. Ekkert mál segir Hólmsteinn og er þotinn með það sama til að sækla hressingu í Heimskubrunninn.

Tréið Ill-dragsíll Vinjetta-2 af 20

 

Skuldaskil nennir ekkert að spekúlera í þessum bönkum í Bísalandi, hún veit ekki einu sinni hvar í fjármálaheiminum þessi Bísagrein er, aldrei heyrt á það minnst. Nújá hefur aftur á móti áhyggjur af þessu, þar sem skuladlínurnar slitnuðu óvart og í fylliríi þeirra skessanna. Nújá  segir við hinar verðum við ekki að bæta þessum bönkum skaðann ? Vertu ekki að hafa áhyggur af þessu við spinnum bara nýja þræði sagði Foræði ekkert mál.

Hvernig væri að leggja þráðinn milli banka og láta lánalínuna liggja frá aðalbankanum til þessa Bísalands ? Svo er bara að skrúfa frá og láta flæða á milli. Hvað með fuglinn spyr Nújá ? Við bara leggjum slúður milli greina íkorninn sér um að fræða fuglinn.

Nújá síður saman slúður fyrir fuglinn og leggur milli greina. Íkorninn Hólmsteinn er einmitt á leið frá  fuglinum til Níðbíts með skilaboð frá fuglinum. Hann nemur slúðrið en heldur samt áfran á leið sinni til Níðbíts. Hann segir við Níðbít, fuglinn heldur að greinin sem hann situr á sé að fúna og óttast að hún detti af tréinu. Níðbítur horfir á Hólmstein íkorna og segir. Hafa nú helvítis kerlingarnar dottið í það einu sinni enn og gleymt að vökva?

Illdragsill vinjetta 1 af 20

 

20 vinjettur

Tréið Ill-dragsíll.  Er ekkert skylt  tréinuYggdragsil

Ill er vondur í merkingunni illur dragsill er samsetning úr enska orðinu drag sem getur þýtt að drattast, og sill er dregið úr franska orðinu sillage sem getur merkt fótspor. Samanber " Marcher dans le sillage"   Sem sagt, vont er að drattast úr sporunum.

 

Vinjetta-1

Tréið Ill-dragsíll gengur upp í gegnum viðskiptaheiminn allan og aðra heima. Angar hans ná til allra skúmaskota viðskiptaheimsins og annarra heima. Tré þetta hefur þrjár rætur. Ein þeirra er í mannheimum, ein í hugarheimi og ein í viðskiptaheimi. Við þá rót sem er í viðskiptaheimi er brunnur nokkur sem heitir Heimskubrunnur, þrjár skessur búa þar í grend og hafa það að starfa að ausa vatni úr Heimskubrunni á rót trésins Ill-dragsíl. Skessur þessar heita Foræði, Nújá og Skuldaskil. Foræði er elst og hefur á forræði sínu fortíðina, næst henni kemur Nújá sem hefur forræði yfir nútíðinni og þá kemur sú sem heitir Skuldaskil, hún á að sjá um framtíðina. Við eina rótina er er púki sem Níðbítur heitir, hann er stöðugt að naga rótina sem er í mannheimi þetta er rót vandans. Á efstu grein trésins situr fugl nokkur sem Davíð heitir, hann er fráeygður mjög og sér allt sem fram fer umkringis trénu. Þar sem sumar greinar trésins eru þétt vaxnar á Davíð erfitt að sjá hvað fer fram undir laufum greinanna. Því hefur hann tamið sérstakan njósnara sem heitir Hólmsteinn. Hólmsteinn þessi er í líki íkorna. Hann fer um tréið frá Níðbít til Davíðs og ber Davíð slúður um þá sem leynast í þykku laufi trésins.

Skessurnar  Foræði, Nújá og Skuldaskil hafa í tómstundum sínum spunnið allmikinn vef sem þær hafa með göldrum tengt við sérhverja peningastofnum í viðskiptaheiminum. Þannig er einn þráður í þessum vef tengdur einni peningastofnum. Þræðirnir í vefnum eru kallaðir lánalínur. Nú þegar þráður slitnar fer viðkomandi peningastofnum á hausinn, svo einfalt er það nú.

Dag einn sitja skessurnar þrjár við Heimskubrunninn og drekka vodka af stút, þá segir Foræði hey stelpur eigum við ekki að gera smá grín, og í þeim orðin sveiflar hún vodkaflöskunni en gætir ekki að því hve nærri hún er vefnum. Það er ekki að sökum að spyrja tveir þræðir slita og einn en nánast í sundur. Ææ segir Foræði, þar fóru tvær lánalínur, hvert skyldu þær liggja ? Nújá rekur þræðina til banka á Bísalandi sem er grein í tréinu, hún segir djö...  þeir liggja báðir á sama stað og þessi sem er hálf slitinn líka. Þegar Nújá ætlar að laga þenna þriðja þráð vill ekki betur til en hún togar of fast í hann en meiningin var að hnýta hann saman aftur, úps, ææ, þar fór hann líka. Nújá kallar á Skuldskil og biður hana að taka við, síðan fær hún sér einn í viðbót úr vodkaflöskunni.

Ögurstund

 

Ögurmundur Jónasarsonur  telur að færa eigi tímatalið aftur um nokkur ár rétt eins og Pol Pott á sínum tíma. Það sé kominn tími til að skoða lögin sem gilda um hverjir eigi að borga og hverjir eigi ekki að borga. Það sé ekki rétt að skuldsetja þjóðina fram í tímann óbærilegum skuldum.

Hver var aftur í stjórn seðlabankans frá vinstriflokkunum á þeim tíma sem fjárglæpamennirnir ryksuguðu fyrirtæki og banka ? Var það ekki meðal annara Ragnar nokkur Arnalds. Hvaða skoðanir hafði hann um útrásar víkingana? Hvað heyrðist frá honum sem bankaráðsmanni ? Ekkert svo ég viti. Nú er hann kosinn einu sinni enn í bankaráð seðlabanksns. Þvílíkt bull. Hvað ætlar almenningur að sætta sig við þessar pólitísku kaffisamkomur sem stjórn seðlabankans er?  

Hvejar væru skoðanir Ögurmundar ef dæmið væri að lífeyrissjóður alþingismanna hefði gufað upp í enskum banka og Bretarnir segðu einfaldlega við borgum ekki, þetta voru óráðsíumenn sem brendu lífeyrissjóðinn þinn og við borgum ekki skuldir óráðsíumanna.  Og Hollenskur banki  gamblað burt verkfalls- og sjúkrasóð .  Hollendingarnir segðu eins og Bretarnir við borgum skuldir óráðsíufólks.

Ég bara spyr Magnea mín

Skerðing

 

Það eru um 30 þúsund ellilífeyrisþegar í landinu. Gefum okkur að ellilífeyrir þeirra gafi verið skertur um 20 þúsund á mánuði.

Wernerarnir stálu 17 milljörðum frá Sjóvá. Þetta verða ellilífeyrisþegar ásamt öðrum að borga til Sjóvár gegn um ríkissjóð.

Fyrir 17 milljarða væri hægt að sleppa skerðingu ellilífeyris um 20 þúsund í 850 þúsund mánuði. Sem þýðir að í 28 mánuði þyrfti ekki að skerða ellilífeyri 30 þúsund íslendinga um 20 þúsund á mánuði.

Svo kemur Steingrímur í sjánvarpið og segir pollrólegur. Við erum að íhuga hvort þurfi að gera einhverjar lagabreytingar til að hægt sé að frysta eignir svindlara og þjófa sem ganga um í teinóttum jakkafötum eða með bindi.

Það þurfti ekkert að íhuga þegar strákarnir svindluðu út hjá húsnæðiskerfinu og fleirum með hjálp blindra embættismanna 50 millur. Þeir fóru beint í steininn og það í einum logandi hvelli.

Hvað eigum við að bíða lengi með að taka til okkar ráða varðandi þennan aumingjaskap ráðamanna. Er ef til vill um skildleika einhverra þing og ráðherra að ræða ? Hvað segir Jóka núna. Skuldir heimilanna eru alltaf að aukast !!! Auðmenn sem eru meira eða minna glæponar ganga lausir og sverja af sér allt drullumallið. Hvenær ætla Jóka og Grímur að gera eitthvað raunhæft í að ná stolnnu fjármununum,  annað en skattleggja börn og gamalmenni. Ég bara spyr ?

Hvað segir Hannes ? við græðum á daginn og grillum lýðinn á kvöldin

Kæri Bjarni.

 

Það er ekki að því að spyrja, Nú segir enginn svei lengur, enda ert þú elsku vinurinn minn með hæstu skattgreiðendum á landinu. Eins og þú hefur sjálfur sagt ertu búinn að viðurkenna viss mistök, og gera ekki allir einhver mistök mér er bara spurn ?

Auðvitað veistu ekki af neinum skattaskjólum á einhverjum Tortúlum það er bara eitthvert bull í DV og svoleiðis sneplum. Auðvitað eru það bara dylgjur og ekkert annað þegar verið er að segja að þú hafir flutt peninga úr Glitni til Noregs fimm mínútum fyrir hrun. Hvað á svona að þýða ? Hverjum dettur í hug eiginlega að þú hafir fengið einhverjar inni-upplýsingar frá Birnu í bankanum ? ég bara segi ekki annað en þetta er bara slúður og öfund og ekkert annað.

Eins og við öll vitum varst þú eini bankastjórinn á landinu sem varst gegnheill og heiðarlegur, og engum skal detta í hug að þú hafir komið nálægt neinu sem setti landið á hausinn. Þetta Græn-energi það var eitthvað sem ekki varð, svo ekki má kenna þér um það. Helvítis íhaldið klikkaði illilega í því máli eins og alþjóð veit. Ég hef heyrt það Bjarni minn að þú hafir ávallt verið þeirrar skoðunar að eftirlit með fjármálafyrirtækjum þyrfti að efla. En það hlustaði enginn á þig frekar en hann Dabba okkar, því fór sem fór.

Jæja elsku Bármann minn ég hef þetta ekki lengra núna.

 

Þín

Magnea.

Kæru feðgar.

 

Enn og aftur eru nöldrararnir byrjaðir að skammast. Núna út í ykkur feðganna, sem megið ekki vamm ykkar vita. Þið sem með öðrum lögðuð beinu, breiðu og rennisléttu brautina sem nánast allir landsmenn brunuðu eftir. Það voruð þið elsku feðgar sem leiðbeinduð okkur og sáuð til þess að við færum ekki útaf brautinni ykkar. Það voruð þið sem vöruðuð okkur við holóttu moldarvegunum sem efasemdirnar höfðu lagt þvert á ykkar beinu og breiðu braut. Þið bentuð okkur á allt rykið sem þyrlaðist upp á þessum hálf ófæru troðningurm. Þið sögðuð að maður fengi bara hálsbólgu og kvef ef maður færi út á þessa moldrvegi. En ykkar breiði, rennislétti og malbikaði vegur væri eini rétti vegurinn til að ná til alsældar auðsins. Auðvitað höfðuð þið rétt fyrir ykkur eins og Hannes Hólmsteinn hefur marg bent á og Davíð líka. Það var ekki ykkur að kenna hvernig fór. Það var ekki frelsinu að kenna hvernig fór. Það var ekkert að frjálshyggjunni ó nei.

Það voru auðvitað allt þeim að kenna sem lögðu molarvegina og þyrluðu upp mold og skít. Maður tali nú ekki um þessa lúsera sem héldu að þeir gætu ekið brautina með ofsahraða og tekið bara framúr hverjum sem var. Svona kallar eins og strákarnir sem búið er að stinga inn fyrir skitnar fimmtíu millur. Það er ekki skiljanlegt fyrir venjulegt fólk að mönnum sé stungið inn fyrir svona smáaura án þess að sekt sé sönnuð, ég verð bara að segja það, ekkert má nú.

Hvað eru gæjar eins og Jonní Boy Hannibali og Steini Páls að blaðra um að einhverjir Ísleifs reikinigar séu ykkur að kenna, hvað vita þeir svo sem um það, afdankaðir pólitíkusarnir ? Mér bara blöskrar þett bull í þeim og fleirum. Þetta er bara nöldur og öfund í þessu fólki og ekkert annað.

Elsku Bjöggarnir mínir þetta verður ekki lengra í þetta skiptið, en hafið þið það sem allara best.

Magnea

Kæru bræður.

 

Ekki eru tvær bárurnar stakar. Mikið á fólkið bágt sem um þessar mundir er að jagast út í ykkur bræðurna, út af einhverju EXISTA og Skipti og allskonar. Að kaupa Símann á sínum tíima fyrir smáaura, var algjör snilld. Nú eiga fyrrverandi hluthafar Símans ekkert nema einhverjar verðleysur í einhverju EXISTA. Fyrst skiptuð þið Símanum í þrennt og létuð nýtt fyrirtæki eiga þessa parta.  Þið kölluðuð það Skipti, sennilega heði betra nafn verið Skiptimynt. Þá fengu allir sem keyptu hluti í Símanum hluti í Mílu, Jörfa og svo smá í Símanum. Þá er boðið uppá Skipti að allir sem áttu hluti í þessum þremur fyrirtækjum fengu hlut í Skipti. Svo kemur snilldin sem erfitt verður að toppa. EXISTA kaupir Skipti og þeir sem eiga nú útþynnta hluti sem einu sinni voru hlutir í Símanum fá í staðin hluti í EXISTA. Þá kemur algjöra snilldin. EXISTA er gert verðlaust 0.05 á hlut. Þar með eru hlutir þeirra sem einusinni keyptu hluti í Simanum, sem þá voru einhvers virði orðnir verðlausir. Tær snilld.

Svo er verið að finna að því þótt þið elsku bræður séuð að láta byggja fyrir ykkur smá afdrep til að hvíla ykkur í við arineld og koníak. Þetta öfundarpakk er ekki í lagi hvað þá að það sé nokkru skárra en þið bræðurnir. Ég er alveg viss um að þetta pakk myndi gera nákvæmlega það sama og þið bræðurnir ef það hefði fengið fimmhundruðþúsundkall á dag fyrir að koma þessum fyrirækjum á kaldan klakann. Svo eru öfundarpésarnir að jagast eitthvað, og fleipra um þyrlur og einkaþotur. Ég segi bara við þetta fólk. Skammist ykkar að láta svona útí drengina frá Bakka eða Bakkavör eða hvað það nú heitir sem þeir eru frá.

Elsku bræður það verður mér að mæta ef þessi skríll heldur áfram að hrekkja ykkur.

Kær kveðja

Magnea    

Kæri Kristinn

 

Þú færð það nú aldeilis óþvegið í Hvítbókinni. Þú ert bara sagður í stjórnum ótal félaga og framkvæmdasjóri í mörgum þeirra. Svo er laung talning á félögum sem haft er fyrir satt að þú hafir verið í stjórn í, mörg komin á hausinn, en það er svo sem ekki tíundað, og heldur ekkert merkilegt. Er þetta bara ekki dæmigert fyrir öfundsjúkan lýðinn ? Svo eru menn að fleipra með að þú og yndisleg frúin eigið þetta fína hús á Flórída, ég er viss um að þetta er bara sagt til að sverta ykkur hjónin. Það er einnig haft fyrir satt að þú hafir misst allt þitt. Þegar frændi minn missti allt sitt, átti hann hvergi heima eftir að sýsli bar hann úr og ritari sýsla ók burtu á bílnum hans, svo ég trúi ekki þessari draugasögu um þig að þú hafir misst allt þitt, né heldur að eithvert ólíu og bensín svindl sem þú ert sagður ábyrgur fyrir sé satt. Hvað þá að Solla mín hafi eitthvað notað Bjössa og Geira til að fá ríkisborgararétt fyrir gullfallega stúlku utan úr heimi. Nei segi ég það er svo mikið bullað um þig að fjórðipartur væri meira en nóg. Þú hittir sko naglann beint á hausinn, þegar þú sagðir að fólk væri fífl. Það sannaðist svo sannarlega í síðustu kosningum.

Ég bara vona að þið Solla hafið það sem allara best hvort heldur sem er á Íslandi eða í Ameríku. Þetta verður ekki lengra í bili, pósturinn var að koma, skrifa kannski seinna.

Kær kveðja

Magnea

Kæri Björn

 

Ég er nú hálf skúffaður yfir því að þín sé ekki minnst á HVÍTBÓK, er það vegna þess að þú fékkst ekkert fyrir þinn snúð ? Græddir þú virkilega ekkert á útrásinni ? Mér finnst nú að Dabbi og Kjartan hefðu átt að slaka einhverju nammi til þín, eins og þú varst búinn að gera fyrir þá. Ég veit ekki betur en þú hafir komið öllum ættingjum Dabba og vinum til starfa í dómarakerfinu. Helvíti sniðugt að hafa sína menn í dómstólunum þegar taka á í gegn þessa skúrka sem búnir eru að rústa öllu hér á landi. Ég hlakka til að sjá framaní Jón, Jóhannes, Hannes og Pálma og alla hina glæponanna þegar þínir menn taka þá í nefið hahahaha. En auðvitað verður ekki hreyft við okkar mönnum eins og Geira, Dabba, Gerðu og Kjartani svo einhverjir séu nefndir, en af nógu er að taka.

Mannstu þegar ég lagði til að nota Höfðatorgsturninn til að geyma verstu skúrkana í. Þú veist nítjánhæða  turininn sem Eykt byggði fyrir eigið fé. Mér datt í hug mannstu að setja þá í geymslu á sautjándu til nítjándu hæðirnar. Það þarf enga rimla fyrir gluggana. Ef einhver vill endilega flýja út um glugga þá er það í fínu lagi leiðin liggur beint niður 17-19 hæðir, verði honum að góðu. Svo er bara að láta lyfuna ekki ganga lengra en á sextándu kæð. Eina breytingin er að það þarf að setja hlera í staðin fyrir lyftuhurðir og góða hurð fyrir innganginn á 17.hæðina, bara húnn að utanverðu. Útivistarsvæði á þakinu. Er þetta ekki tær snilld ? Þarf ekki að byggja nýtt fangelsi. Þú spurðir hvernig þeir ættu að fá mat. Alveg rétt það er til dæmis hægt að semja við Bæjarins bestu eða Landspítalaeldhúsið. Þeir bara gefa upp bankanúmerið á Tortúla og geta þá pantað hvað sem er, og meira að segja vín með.

Eg þeir vilja dunda sér við eitthvað, þá má láta þá hafa nokkur Mattador spil, en muna að taka helmininn af peningunum burt svo þeir fari ekki á flug í fjárfestingum.

Ég hef þetta ekki lengra Bjössi minn, leitt að þú hafðir ekki tíma til að stofna herinn, en svona er nú þessi pólitík.

Kær kveðja

Þín Megnea.