Kæri Georg

 

Hvernig hafið þið það hún Bjarnfreður og þú elsku drengurinn minn ? Ég vona bara að þið takið ekki mark á honum Dabba Staksteinasyni og þeim blýöntum sem eru alltaf að stríða þér.

Vertu ekkert að lesa leiðindin um þig sem byrtust í Mogganum í gær. Það var einhver kelling að segja að þú sért leiðinlegur og vissir ekkert. Það eru alltaf einhverjir að agnúast út í snillinga sama hvar er. Þessi Agnes Braggadóttir sem er aðal agnúinn út í þig núna er einn af blýöntum Dabba Staksteins, svo vertu bara ekkert að taka þetta alvarlega, þau hafa aldrei haft neitt skopskyn hvort eð er, no way me frend.

Nei Goggi minn, haltu bara fast við að fé þennan ísbjörn, sama hvað fólk segir. Ísbjörn og leikskólapláss, það er ekki hægt að bera það saman. En leikskólapláss og tóma strætóa það mætti reyna að bera það saman. Hvað er til dæmis hægt að hýsa á leikskóla mörg börn fyrir þrjá tóma strætóa ? reiknið þið nú. Svo er þetta fólk eitthvað að væla um að þú svarir ekki einhverjum fárálegum spurningum um það hvað þú ætlir að gera fyrir borgina. Þér ber bara enginn skylda til þess, þú ert borgarstjórinn og bara segir það sem þú vilt. Nú ef þú vilt ekki segja eitthvað. Þá hvað með það, maður má nú þegja ekki satt. Þetta pakk sem vill heldur heyra einhverja vitleysu heldur en ekki neitt, ætti að fara að átta sig þá því að þegar þú þegir, þá ertu í rauninni að segja heilmikið.

Hvað er þessi Jón Gnarri alltaf að þvælast fyrir í fréttunum af þér. Er hann eitthvað skyldur þér eða hvað ? Er kannsi búið að klóna þig ? Mér er þetta bara alveg óskiljanlegt Goggi minn.

Er ekki hægt að koma þessum blaðasnápum um skilning um það að þú ert Georg Bjarnfreðarson með fimm háskólagráður, en ekki einhver Jón Gnarri meiraprófsbílstjóri . Hverjum mundi detta í hug eitt augnablik að kjósa mann í borgarstjórn sem ekki hefði háskólagráðu, ég segi nú ekki annað, no way.

Haltu áfram Georg minn og láttu ekki þessi illfygli hafa áhrif á þig.

Þín Magnea.