Hvaða rugl er þetta.

 

Hvaða rugl er þetta með gengistryggðu lánin ? Afskiftir hvað segi ég bara, það eru engin verðmæti afskrifuð þótt snúið sé ofanaf gengistryggingar vitleysunni. Raunveruleg verðmæti hafa ekki horfið, heldur pappírsverðmæti sem eru raunar engin verðmæti, eins og Dabbi Staksteinason sagði einu sinni, og ekki lýgur Dabbi frekar en mogginn.

Þið þarna bankamenn ættuð að sjá sóma ykkar og segja sem minnst, það sem fer í taugarnar á ykkur en náttúrulega það að þið getið ekki státað ykkur og greitt ykkur bónusa og árangurgreiðslur af þessu gefi fé sem varð til við gengisfall krónunnar. Nú blasir það við að margir sem eru í erfiðleikum sjá fram á að geta lifað eðlilegu lífi í friði fyrir ykkur.

Hvað verður nú gert fyrir þá sem eru búnir að missa eignir sýnar vegna lögbrota lánastofnana ?

Hver stóð fyrir þessum lögbrotum ? Verða þeir dæmdir fyrir þau ? Mér skilst að lögbrot séu saknæm, og þeir sem þau fremja verði að refsa með einhverju móti. Einhver fjárspekingur hlítur að hafa fundið þetta upp með gengistrygginguna. Ætli það þurfi að skipa sérstaka rannsóknarnefnd til að finna sökudólgana, eða er bara nóg að spyrja einhvern fyrrverandi bankastjórann ?

Ef snúið verður ofan af þessu ætti Sigmundur glópalán að kætast, þá getur hann hætt að væla um 20 % afskriftir eða hvað það nú var sem hann tuldraði um, svo maður tali nú ekki um Bjarna gæsalappa, N1 hugsanlega bara í góðum málum, svo gott sem skuldlaust, maður lifandi.