Kæri Bjarni gæsalappi

 

Kæri Bjarni gæsalappi.

Ég get ekki annað en varað þig við elsku drengurinn minn. Þú ert að verða meiri frammari en sjálfur Simmi glópalán. Hvernig endar þetta bara segi ég ?

Strax þýðir “nú þegar”, en frammsóknar-strax þýðir bráðum eða seinna eða aldrei allt eftir því hver segir það. Leiðrétting  vegna skulda heimilanna strax eins og Simmi sagði þýðir þar af leiðandi kannski eða seinna eða aldrei. Hvað eru svo menn að rífa kjaft auðvitað standur þú Bjarni minn og Simmi við hvert orð sem þið segið  við háttvirta kjósendur.

Þjóðaratkvæðagreiðsla áður en haldið er áfram viðræðum við EB þýðir ekki að það eigi að halda svoleiðis heldur er það bara hugmynd svona til skoðunar fyrir Simma og Bjarna. Það sem olíuforstjórinn sagði á sínum tíma stendur óhaggað enn. Hann sagði fólk er fífl.

Magnea hefur sagt sína meiningu

Þín háttskrifaða  Magnea

Athugasemdir

[Ólafur Björn Ólafsson, 24.2.2014 kl. 12:43]

Þetta er svona þegar 76% þjóðarinnar vildi fá að segja sitt álit á umsókninni sem VG og samspillingin stóðu fyrir á sínum tíma. En nei annað hvort vorum við þessi 76% ekki þjóðin eða við álitin vera "fífl" sem ekki væri talandi við. Nú er þessum sömu flokkum að hefnast fyrir þennan gjörning því núverandi flokkar ætla að draga þessa umsókn til baka (mð réttu) án þess að spyrja þjóðina.

Að vísu þá er það mitt álit að ekki þurfi að spyrja þjóðina núna þar sem þjóðin var ekki spurð áður. Eftir stendur að ef einhverjir flokkar sem þá verða í ríkisstjórn langar til að selja þjóðina til Brussel skal, þjóðin spurð álits fyrirfram...

við skulum því leyfa ríkisstjórninni að hafa sitt fram í þágu þjóðarinnar, drögum landráðaumsókn VG og samspillingar til baka.

Með kveðju