Bubbi í Vík

 

Jæja þá erum við komin í Vík segir Bubbi. Best að athuga með pott. Varst þú ekki að tala um að fara í pott ?

Jú auðvitað förum við í pott ef hann er til hér, eða þorir þú kannski ekki ? Vantar kannski sundgalla eða blautbúning ?

Alltaf sami grínarinn Magnea mín, ég þarf sko enga galla er í orignal galla frá Gumma almáttugum og læt hann duga.

 

Heyrðu Bubbi, þetta með Hansa í súpergaggó. Nú er stýran sem stýrir súpergaggó en vissi ekki hvort Hansi hefði æviráðningu búin að finna það út að það sé svo langt síðan Hansi stal orðunum úr gömlu skræðunum að það væri bara ekki hægt að setja ofaní við hann nema bara smá. Það var svo langt síðan hann stal og Hæstiréttur svo lengi að dæma Hansa að allt væri orðið gamalt og myglað, svo hún bara sendi Hansa bréf í almennum pósti. Í því stóð skmmastu þín og gerðu þetta aldrei aftur.

Hansi kom svo í sjónvarpið og viðurkenndi þjófnaðinn en gat þess svona í leiðinni að Hæstiréttur hefði takmarkað vit á því sem hann væri að gera.

Magnea mín þú skilur þetta ekki, auðvitað var tekið á þessu máli eins og svo mörgum öðrum á bankafundi í Svartakastala svo var stelpunni í súpergaggó bara sagt að hætta þessu nöldri út af Hansa og gleyma þessu öllu Hansi myndi játa og sýna yðrun og málið þar með dautt.

Ha segir Magnea heldur þú það ? Jamm svona er það nú Magnea mín.

 

Hæ hó hér er potturinn drífum okkur í hann segir Bubbi. Ekki hika. Hika er sama og tapa segir Magnea og byrjar að tína af sér spjarirnar. Dásamlegir þessir pottar, ooo... en gott.

 

Heyrðu Bubbi, eitt finnst mér flott hjá ykkur á Íslandi. Nú hvað er það, bara eitt ?

Nei markt en þetta er með því allara flottasta.

Sko fyrst seljið þið bankana á spott prís útvöldum pólitíkusum og stuttbugsnagæum. Þeir svo taka lán í útlöndum til að kaupa fyrir allskyns fyrirtæki. Svo lána þessir strákar fólki fyrir íbúðum og bílum, en allan tímann eru dollarar, pund og evrur á útsöluprís. Þessari vitleysu er svo reddað með nýjum lánum en gjaldeyririnn er áfram seldur á útsöluverði.

Þegar svo Danir benda á þessa höfðingja og segja þetta gengur ekki upp. Þá bara segið þið Danir eru vitlausir eða heimskir og hafa ekkert vit á peningum, þeir bara öfunda okkur. Svo sendið þið einhverja kerlingu og einn af bankaköllunum til Danmerkur til að tala um fyrir Dönum. Danskir blaðamenn nenntu ekki að mæta til að hlusta á kerlinguna útskýra Íslenska undrið, nema einhver gamall jálkur sem hafði komið til Íslands rétt eftir stríð. En það var bara gert grín að kerlingunni í einu dönsku blaði, ekki stafkrókur í hinum.

Hvað svo ? þegar útlendingarnir sáu snilldina, þar með talið tap Fláráðsgrúpp upp á 67 milljarða og gjaldeyri á útsölu runnu á þá tvær grímur. Bubbi minn ég ætla bara að segja þér að Danir sem eru bæði heimskir og vitlausir höfðu breytt lánafyrirkomulagi hjá sér þannig að fólk fékk ekki lán til húsakaupa ef það átti hús eða íbúð fyrir, nema að það væri búið að selja þá eign. En þeir eru nú svo vitlausir Bubbi minn. Þessi kall þarna í Kaupklínk var það ekki hann sem fór með kerlingunni til Danmerkur ? Jú það er víst.

Hvað svo ? Jú til að verja sparifjáreigendur dettur ykkur helst í hug að láta ríkið kaupa vitleysuna eftir stuttbuxnagæjana fyrir litla 300 milljarða veskú takk.

Heyrðu nú Magnea mín ertu ekki að grínast ?

Nei ekki aldeilis og hvaðan koma svo þessir 300 milljarðar sem ríkið ætlar nota til reddinga ? nú auðvitað frá almenningi sem verið er að bjarga.

Væri bara ekki betra að láta stuttbuxnagæjana fara á hausinn með bankanna sína ? þeir eiga ekkert betra skilið og deila svo þessum 300 milljörðum niður á þá sem aldrei hafa verið forstjórar eða í stjórnum þessara banka, né þegið starfslokasamninga eða biðlaun.

Það mætti svo reyna að ná einhverjum af peningunum sem þeir fengu fyrir árangur í starfi til baka. Það yrði örugglega hagstætt fyrir lang flesta.

Og veistu hvað ? Nú er verið að undirbúa lög sem heimila lífeyrissjóðum að kaupa skuldabréf sem ekki eru til en verða kannski til einhverntíma. Sem sagt heimild til að tapa ómælt peningum lífeyrissjóðsfélaga.

Ég held bara Bubbi minn að það þurfi að stækka Breiðavíkurheimilið, því þar eru þessir höfðingjar best geymdir. Bara að hafa nóg af Matador-spilum fyrir þá.

Mér þykir þú vera í stuði Magnea mín.

 

Þú hefur bara enga reisn Bubbi minn, hvernig stendur á því ?

Hún kemur.