Kæri Hannes Hólmsteinn

Mikið ertu klár. Þú ert bara svo klár að ég roðna þegar ég les síðaasta bloggið þitt. Mikið er ég stolt af þér elsku drengurinn minn. Auðvitað er það hárrétt hjá þér og Dabba að íslensk alþýða eigi ekki að borga óreiðuskuldir íslenskrar alþýðu. Dabbi sagði það bæði fyrir og eftir fall græðgisvæðingarinnar sem hann bjó til eftir teikningum frá þér. Svo eru einhverjir stúdentar að semja fyrir Grímsa um þessar skuldir sem við skuldum sko alls ekki, eins og þú og Dabbi eruð marg búnir að benda á.

Eins og þessir illpennar eigi ekki að vita þetta eins vel og þú Hannsi minn. Eini maðurinn svo vitað sé sem ekki vissi af því að óráðssíumennirnir væru búnir að setja alþýðu Íslands á hausinn var Baldur nokkur ráðuneytisstjóri hjá dýralækninum , sem þá var fjármálaráðherra. Hann vissi víst ekkert um þetta fall bankanna því hann var á kafi í beljurassi og sá ekkert hvað var að gerast í baunkunum.

En eins og Dabbi sagði alltaf þið megið setja Bjögga á hausinn en ekki mig.

Þú bendir réttilega á að ýmsir aðilar í ýmsum löndum hafi bent á að þetta séu ef til vill ekki skuldir Íslenska ríkissins. Heldur bara einhverra óráðsíukalla.

Þessi ríkisstjórn sem við kusum veit ekki hvað frelsi einstaklingsins þýðir, er duglaus skortir þor, þrek, kunnáttu og getur til að semja við útlendinga. Bíddu aðeins semja um hvað ? er ekki íslenska þjóðin blásaklaus ? Eru það bara ekki Bjöggarnir sem eiga að semja ? Látum þá um samningana sem stofnuðu skuldirnar í nafni frjálsræðis, einkavinavæðingar og græðgi.

Þessi AGS sem ég kalla bara Agga segir að þeir láni ekki til þeirra sem ekki standi við gerða samninga um greiðslu skulda. Það verði engin lán fyrr en búið sé að semja um skuldir óreiðsíumanna á Íslandi. Helvítis frekjuhundur þessi Aggi. Hann sagði víst það sama við Georgíumenn rétt um daginn. Þið skuluð borga Rússunum fyrst og tala svo við mig. Ósvífni og frekja ekkert annað.

En elsku Hannsi minn ég vona bara að þessi blogg þín leiði alþýðu landssins af moldartroðningi mjóa vegarins inn á breiðstræti frelsisins og einkavinavæðingar á ný.

 

Elsku Hannes minn haltu áfram þessum skrifum, ekki veitir af að upplýsa málin. Þetta með Baldur er áræðanlega runnið undan rifjum öfundarmanna og illpenna. Það er sko ekkert bannað að selja verðbréf. Verst fyrir þann sem keypi. Honum var andskotans nær égi segi það bara.

 

Bestu kveður til ykkar allra.

Þín Magnea

Athugasemdir

[Anna Sigríður Guðmundsdóttir, 21.10.2009 kl. 18:37]

Já það er margt undarlegt á sveimi í höfði Hannesar vesalingsins sem skilur ekki frekar ef hans góði vinur Davíð og eiginlega bara öll spillingar-hersingin í Sjálfstæðis og Framsóknarflokknum að Icesave-vandinn og allur annar vandi í dag er skilgetið afkvæmi þessara flokka. Þeim líkar ekki við að gangast við því sem þeim ber.

Við komumst ekki hjá að taka á þessum vanda. En það var vinnuregla í síðustu ríkisstjórn að gera ekki neitt og bíða eftir að málin væru leyst þegar einkaþotuferðunum lauk en undarlegt nokk þá beið vandinn eftir þeim.

Nú eru aðrir að koma hlutunum í gang aftur, en þeir gömlu halda enn áfram afneituninni. Afneytun er aðferð fíkla og ekki eru valda og peningafíklar nein undantekning.

Verst að geta ekki lagt þá einhversstaðar inn á meðan þeir reyna að komast yfir fráhvörfin. Ekki hafa þeir áhuga á öðru en að þvælast fyrir vinnandi fólki, "af hverju skyldi það vera"? það væri ekki til of mikils mælst eftir öll afrekin síðustu ár og áratugi að gefa öðrum vinnufrið. Aumingja Hannes og co .

[Ragnar L Benediktsson, 21.10.2009 kl. 18:46]

Elsku Anna mín. Ert þú ein af þessum illfyglum sem gera ekki annað en svívirða og ljúga uppá vini mína þá félagana Dabba og Hannes?  Ég segi bara ekki annað en það er komið nog af nöldri út í blessaðan Dabba minn og Hannsa þjóf.

[Anna Sigríður Guðmundsdóttir, 21.10.2009 kl. 19:30]

Já ég er víst ein af þessum illfylgjum, ég gengst við því .