Ragnar L Benediktsson

Kæri lesandi !

XB eða XM sama hvort er, hafa á að skipa úrvals fólki sem vill allt gera fyrir okkur kjósendur. Það er engin spurning hvað við eigum að kjósa auðvitað XB eða XM svo einfalt er nú það. Formaður XB sagði þegar hann var spurður út í peninga á Tortúla, einhverstaðar verða þeir að vera. Formaður XM sagði um fé á Tortóla ég á þetta ekki, konan á þetta. Auðvitað kjósum við XB eða XM allt úrvals fólk bæði innan og utan klausturmúrsins. Þeir komu hvergi nærri þessu svokallaða hruni, það voru allt aðrir XB-ar sem stóðu vaktina þá. Allt eihverjum útlendingum að kenna. Snillingur eins og menntastýran fann upp pott þétta aðferð við aðfinnslum um sín verk. Einfaldlega að „sua“ þá sem nöldra. XB ekki spurning.XM veitir tilsögn í Totútu snúningum fyrir þá sem vilja XM, ekki spurning.

Þetta góða fólk sem gefur okkur kjósendum kost á að kjósa sig og lofar séstaklega að gera eitthvað fyrir gamla fólkið. Auðvitað kjósum við það, ekki spurning. Það er ekki XB-urum að kenna þetta kóvit eins og svo margir halda fram, ó nei ó nei, það er áræðanlega komið að austan,  sveiattan bara. Ekki er það XB-um heldur að kenna að íslingar séu ekki læsir, ónei það hefur ekkert að gera með menntun.

Allt þeim hjá VG að kenna. Passið ykkur á kommonum.

Með bestu kveðju

Ykkar einlæga

Magnea

Í valdatíð Marcusar Aureliusar Augustusar Gothicusar, þekktur sem Claudius 2. Keisari í Róm frá 268 til 270 eftir Krist, urðu atburðir sem tengjast Valentíusi.

Það eru þrír Valentíusar sem sagnir eru um frá þessum tímum. Nú eru sumir sem vilja hafa það sem sannara reynist. Þetta er oft notað en ég vil hafa það sem skemmtilegra er,  í svona efnum.

Claudius 2. var duglegur herforingi og vann marga frækilega sigra. Meðal frægra sigra sem hann vann var orrusta við Gota við Naissus sem síðar var í  Júgóslavíu. Nú á  valdatíma Claudiusar sem keisara, komu upp vandamál  meðal hermanna. Ráðgjafar Claudiusar töldu að helstu vandræðin tengdust því að hermennirnir, það er þeir sem voru giftir eða trúlofaðir vildu heldur kúra undir sængurhorni kvenna sinna frekar en berjast við ókunnuga einhverstaðar úti í heimi.

Úr varð að Claudius bannaði hermönnum sínum að giftast eða eiga kærustur.

Nú kemur til sögunnar Valentínus sem þá var prestur í Róm. Valentínus þessi hafði sótt um að verða páfi en ekki fengið djobbið. Þess vegna var hann hálf súr út í kirkjuna og keisarann.

Nú tekur Valentínus að gifta hermenn Claudiusar á laun fyrir lítinn pening. Leyniþjónusta Claudiusar kemst að þessu og tilkynnir Claudiusi, sem varð æfur við og fyrirskipar tafarlausa handtöku Valentínusar. Svo reiður var Claudius að hann fyrirskipaði að Valentínus skuli verða laminn með hafnarboltakylfum þar til hann gefi upp öndina og síðan hálshöggvinn.

Valentínusi er nú hent í steininn og aftökudagurinn ákveðinn 14 febrúar árið 269 eftir Krist.Meðan Valentínus bíður barsmíðanna og axarinnar, kynnist hann dóttur fangelsisstjórans sem var blind.

Sagt er að þau hafi hist á laun í klefanum sem Valentínus var hafður í og verið innileg hvort við annað.

Nú rennur upp 14. Febrúar árið 269. Hafnaboltakylfurnar eru splunkunýjar sem nota á.

Valentínus fær góðfúslega leyfi til að skrifa bréf til dóttur fangelsisstjórans, sem hann gerir og undirritar það „þinn Valentinus „ Þetta er talið fyrsta Valentínusarbréfið.

Dóminum er fullnægt en þá bregður svo við að dóttir fangelsisstjórans fær sjónina akkúrat þegar höfuð Valentínusar skilur við búkinn.

Það er af Caudiusi 2. að segja, að hann fékk svínaflensu í janúar 270 sem leiddi hann til dauða. Eftir dauða hans byrjaði 200 ára hnignunar tímabil Rómarveldis.

Frá sextándu öld hafa Bretar og Skotar haldið Valentínusardag hátíðlegan. En sagnir eru um að á 14 öld hafi þessi dagur verið hátíðisdagur elskenda og kærustupara í Evrópu.

Til Bandaríkjanna berst þessi siður með Breskum innflytjendum, og hafa Bandaríkjamenn verið einna iðnastir við að halda upp á daginn. Hingað berst þessi siður frá Bandaríkjunum og Danmörku um 1960 eða þar um bil.Valentin þýðir hinn heilbrigði og duglegi eða þannig.

Um 1950 fengu blómasalar og gullsmiðir í Danmörku þá geislandi hugmynd að tengja saman dánardag Valentínusar við blóma og gullsölu.

 Hugmyndin þótti frábær, en þrátt fyrir það var það ekki fyrr en um 1960 sem Valentínusardagurinn hafði unnið sér sess í dönsku þjóðlífi.

Örey 24.des 2020 

Kæri Bjarni minn gæsalappi.

Enn og aftur eru hælbítarnir komir í hælana á þér, er ekki nóg á þig lagt að draga vinstri eitthvað um ..............

Ég er að heyra ýmsar útgáfur af óhappinu sem þú lentir í niður í miðbæ, en ég trúi ekki hverju sem er sagt um þig Bjarni minn, „ó-nei ó nei.“

En að þú hafir króast út í horni lengst frá dyrunum út, því trúi ég. Það hafa áræðinlega verið helvítis kommar sem vörnuðu þér útgöngu elsku drengurinn. Þetta er mér sagt að þetta væri grímulaus listasýning svo ég er ekki hissa þótt fólk væri ekki með grímur. „Of corse yes“

Þetta fólk sem ruddist inn og hrakti þig út í horn og hélt þér þar til lögreglan kom til hjálpar, eru helvítis kommar og ekkert annað, bölvaðir séu þeir og það á Þorláksmessunni sjálfri.

Ekki nóg með það, þetta pakk var búið að drekka úr öllum nema tveimur eða þremur sprittbrúsum sem voru þarna til að spritta hendur og olnboga.

Hvað gera menn svo sem annað en kyssast og svoleiðis þegar partýið er búið og tími til að fara heim að lúlla, ég bara spyr? Svo er löggan kölluð allskonar eins og til dæmis nasistar. Þvílíkur dónaskapur segi ég bara. Ég er ekki hissa þótt þeir þurfi hærri laun blassaðir.

Elsku Bjarni minn þessir hælbítar, sóðakjaftar og kommar, þeir eru áræðanlega að spá í hver eigi að taka við keflinu af þér. Þeir halda virkilega að þú eigir að fá þér aðra vinnu. Þeir trúa því sjálfir þótt enginn annar geri það að þú þurfir þess. Elsku vinur þetta var ekki þér að kenna.

Ég óska þér gleðilegs grímulauss árs elsku drengurinn.

Þín einlæga Magnea.

Það er nú meiri frekjan í þessum Brusselum. Vita þeir ekki að á Íslandi eru sérlög sem þeim í Brussel kemur bara ekkert við hvernig við meðhödlum.

            Átta þessir skrifstofu kratar sig ekki á því að skipun í embætti á íslandi fara eftir ströngum hæfniskröfum viðkomandi embætta. Það eru skipaðar nefndir sem meta hæfni umsækjenda út frá menntun þeirra, fyrri störfum og pólitískum skoðunum.

            Þetta er kallað að finna þá hæfustu. Frá þessari hæfnisnefnd kemur svo listi yfir þá hæfustu, og svo þá sem taldir eru hæfir. Svona er nú þetta. Hvað er svo sem óeðlilegt við það. Þó við íslendingar skrifum undir einhverja pappíra frá Bussel það er ekki þar með að við þurfum að apa allt upp sem þar stendur, ónei við erum stollt og fullvalda ríki.

            Þetta sem var skrifað undir á sínum tíma í Brussel innhélt fullt af allkonar sem við stór græddum á. Allskyns styrkir, svo maður nefni ekki alla tollana af fiskinum sem við fengum niðurfellda, og margt margt annað.

            Þennan lista sem minnst er á fékkst þú eins og eðlilegt er þar sem þetta er bara listi sem þarf að fara vel yfir. Elsku Anda... þú rakst strax augun á götin á listanum. Þér fannst að eitthvað væri bogið við listann, svo þú gerðir smá leiðréttingu á honum.

            Auðvita urðu þeir fúlir sem þú settir út, og sögðu að þú hafir sett í staðin flokkfélaga þína. En það er nú merki um sjálfstæða þjóð að fara að eigin geðþótta og lýsa frati á einhverja pappíra frá útlöndum. Og hana nú.

En þessir lúserar fóru í mál og félagar þeirra og fyrrverandi skólabræður dæmdu Brussel í vil. Þessum dómi var áfríað til allra hæsta dóms, en allt á sömu leið þar voru skólabræður og vinir sem dæmdu skipun dómsmálafrúar ólögmædda.                    

            Nú Anda... ekkert annað en klaga til Brussel þar er nefnilega dómstóll sem tekur á svona málum, að vísu er dómstóllinn í Strassborg sem hefur verið ýmist í Þýskalandi eða Frakklandi undanfarnar aldir.

            Hvaða jólasveinar voru að vara þig við?  Voru það ekki fyrrverandi skólabræður þínir úr súpergaggó á melonum ? Kannske áttir þú að taka mark á þeim.

            Nú þeir þarna í Strass dæmdu, og auðvitað var það rangur dómur ekki spurning enda ekkert athugavert að gera bara eins og þú vilt. Þó það núværi að þessum dómi yrði áfríað til æðsta dóms mannréttinda í Strass. Þar eru 17 lögfróðir sem kíkja á þessa pappíra og koma sér saman um að láta fyrri dóm félaga sinna standa, enda að koma matartími.

Kæra Andas..... haltu áfram að fara að vilja flokksins og vertu ekkert að lesa þessa Brussels pappíra. Auðvitað vannst þú sigur í þessu máli hvað sem svo þessum dómum líður.

Ég hef þetta ekki lengra núna elsku Anda.... mín.

Þín Magnea.