Kæri Magnús

 

Er eitthvað til í því sem ég las ekki í Mogganum að þú hafir fengið tæpa 50 milljarða afsrkifaða, no more no less ?. Er þorskurinn virkilega svona erfiður við þig eða var eitthvað að hjá ykkur ? Whats the problem man.

En meðan slysanefd Landsbankans  er ekkert að seilast eftir kvótanum hlítur þetta að vera í lagi hjá þér, no matter what.

Afskriftir og ekki afskriftir, menn virðast bara vera alveg fastir í þessum frasa maður, ég segi bara, consumtion hvað ?  Magnús be straight and cool man.

Þessir pennar sem ekki þora að skrifa í Moggann ættu bara að vera heima hjá sér, og horfa á Leiðarljós eða eitthvað, else.

Láttu þessi skrif ekki fá á þig neitt sem heitir, þetta eru bara öfundsjúkir lúserar sem eru að springa úr öfund út í afskriftirnar þínar. O me good. Svo halda þeir að hver sem er geti fengið fullnægingar afskriftir, þeir vita bara ekkert um slysanefndirnar,  maður verður sko að vera related en þetta skija þeir ekki , no man focikng craps they are.

En elsku Maggi minn vertu alveg rólegur fíflin hans Þráins muna ekki neitt til lengdar, fyrir utan það sem ég var að segja, skilja ekki það sem þeir gleyma eða þannig sko , skilurðu sko?.

Maggi minn ég hef þetta ekki lengra núna.

Þín besta,

 Magnea

Kæri Lárus

 

Hvað eru menn eiginlega að pæla ? Ég bara spyr.Ég verð bara að segja það, so help my good. Hvað er það nema stranheyðarleiki að gera upp skuldir sínar, I ask you, bara.

Lalli minn ég bara vona að ykkur líði vel í beinunum þarna austur í London, mér er sagt að þú sért svo duglegur að þurrka af og ryksuga, að hálfa væri nóg .

Nei það minnist enginn á það hverju þú ert að fórna bakvið eldavélina eins og ráðherrann sagði. No way.

Ég fæ ekki betur séð en slysastjórn Glitnis hafi gefið eftir 122 millur af láninu sem þú fékkst gegn greiðslu uppá 89 millur frá þér,  geri aðrir betur yes I love it. Enda er þetta fært í alþýðubúning, peoples dress,  yes.

Skuldajöfnun og fullnaðaruppgjör,  Focking good men.

Ég ætla bara að vona að hann Bubbi frændi geti gert upp við bankann sinn svona eins og þú gerðir.

Svona fullnæingaruppgjör á bara að leiða í lög, more or less, yes.

Elsku drengurinn minn, ég bið kærlega að heilsa henni Gústu þinni kysstu hana frá mér og segðu henni að vera ekkert að hlusta á eitthvað nöldur að norðan, I say no more.

Bless elsku drengurinn minn

Þín Magnea

Kæra Katrín

 

Mikið þótti mér leytt sem ég sá um þig ekki í Mogganum nýlega. Þú sem ert svo dugleg að drekka lýsi. Illar tungur segja að það sé í hnotskurn hvernig komið er fyrir þér. Þessar fjárfestingar í FL Group hafa verið gaga segir í blaðinu. Svo er þess  snepill ekki Mogginn að segja að þú hafir verið rekin frá Glitni í febrúar 2008 útaf einhverri greiðslutregðu.

Ég er sannfærð um að þessar skuldir uppá 1.8 milljarða eru allar vegna þess að Steingrími er illa við þig og ykkur öll sem drekkið lýsi, og lætur bara rukkarana kvelja ykkur sí og æ . I mean it.

Auðvitað áttu helling af pening í Hnotskurn  sem þú getur slakað í þennan banka sem er að rukka þig. Þú þarft bara að semja um 1.6 milljarða tæpa, það ætti að vera hægur vandi, I say so.

Bara örlitlar afskriftir svona milli vina,  what else. Nokkrar focking verðlausar krónur what is the problem beib.

Kær kveðja

Magnea

Kæri Finnur

 

Það getur bara ekki verið sem ekki er sagt  um þig í Mogganum. Það getur einfaldlega ekki verið satt. Þú sem ert bæði búinn að vera Seðlabankastjóri og viðskiptaráðherra, hver á svo að trúa því að þú hafir klúðrað þínum bissess og að þú skuldir 3,7 milljarða. Þetta FS7 tapaði bara þessu og kemur þér bara ekkert við er það nokkuð?.

Og hvað með það þótt þú hafir Fikt-að eitthvað með þessa peninga, ekki getur þú neitt gert að því þótt þetta Fikt hafi skilað hálfum milljarði í hagnaði, þetta bara kom sisvona. No matter what.

Ég verð að segja það um þig elsku Finnur minn að ég hef ekki staðið þig að neinu ójöfnu í minn garð. Hvað aðrir segja verð ég að vísa til Moggans og Fréttablaðsins. Myndin af ykkur Ólafi þegar þið komuð frá henni Vagerði, eftir að hún hafði gefið ykkur Búnaðarbankann ætti að fá verðlaun sem besta frétta mynd allra tíma fyrir hrun. What else I say.

Esku vinur ég læt þetta duga núna , verð í sambandi síðar. Ég er að æfa mig í að skrifa á ensku, og læt einstaka korn fylgj með. Fuck no matter what.

Bestu kveðjur

Magnea

Kæri Bjarni Ármann

 

Það er langt síðan ég hef heyrt frá þér. En hafðu ekki áhyggjur af því, ég veit að það er mikið að gera hjá þér elsku drengurinn minn.  Öll þessi fyrirtæki og allur þessi gróði hlýtur að taka á og fara í skapið á þér og þínum.

Það tekur á taugarnar að fá 800 milljóna skuld afskrifaða, maður græðir ekki mikið á því. Ekki fór gæfulega þetta Glitir Property Holding, nei og aftur nei.  Hvað þá Imagine Investments, var það ekki annars félagið sem fékk þessar 800 millur lánaðar sem voru afskrifaðar nú um daginn ?

Elsku Bjarni minn vonandi er í lagi með SecurStore. Ég bara skil ekki í þessu pakki sem heimtar að allt sé boðið út, bara segi það. Hvað með það þótt þú fáir nokkrar millur fyrir frábært starf SecureStore á Skaganum? Hver hefði svo sem átt að kenna fólkinu að endursetja tölvurnar ? ég bara spyr?

Nei Bjarni minn þú skalt ekki hlusta á þetta pakk og halda bara þínu striki. Þegar ég heyrði skýringuna frá þér varðandi þetta lán sem þú lést afskifa, þá bara vöknaði mér um augun af hrifningu. Ég verð að koma þessu í bréfið til þín Bjarna minn, þvílík snilld. 

„Því miður þetta gékk bara illa „ Svona eiga menn að skýra hlutina, no more no less.

Þín einlæga

Magnea

Kæra Ragna

 

Ég veit að það er voða mikið að gera hjá þér við að láta bjóða ofan af fólki íbúðirnar sem það getur ekki borgað af. Því var andskotans nær að kaupa þessa kofa, hefðu betur látið skrifa þá á einhverja aðra.

Ég var að blaða í gömlum blöðum en fann hvergi fréttina frá í ágúst 2008, þú veist þessa með Lýð Guðmundsson, sem á að hafa sagt að Exista væri að fullu fjármagnað út árið 2009, ábyggilega tóm lygi þessi frétt hefur örugglega hvergi verið byrt  allavega ekki í Moggann.

En ég rakst á aðra frétt sem segir að í september 2006 hafi hattsettir starfsmenn og stjórnendur fengið erlend lán hjá Kaupþingi til að kaupa hlutafé í Existu.

Einhver Erlendur fékk 611 milljónir til að kaupa fyrir.

 25.september 2008 færði hann auðvitað húsið sitt á nafn eiginkonunnar, þessu hyski sem er núna nöldrandi út í uppboð á sínum eignum var nær, þetta fólk gat sko alveg flutt sín hús á annara nöfn, ég segi það bara.

Sama gerði sonur ríkissaksóknarans, strangheiðalegur piltur. Sem fékk ekki nema 86 milljónir.

Hann flutti allar eignir sínar í Exista til Tortúlu, rétt fyrir hrun og húsið á eiginkonuna ásamt nokkrum félögum, sem ég man nú ekki nöfnin á, allavega ekki öllum. En það voru víst meðal annars félögin Svalt ehf og Sigurlind ehf. Allt þetta las ég ekki í Mogganum.

En hvað um það Ragna mín mér finnst alveg rétt af þér að slá hvergi af þegar venjulegt launafólk á í hlut sem hefur bara ekkert vit á peningum og meira en það, hefur komið okkur á kaldan skuldaklakann með kaupum á hrærivélum, blóðþrýstingsmælum og flatskjám, það á ekki betur skilið en að þú látir bjóða ofan af þeim kofana.

Þín einlæga

Magnea

 

Kæri Egill

 

Mikið hitnaði mér um hjartaræturnar þegar ég horfði á þáttinn þinn Silfur Egils í dag.

Hvernig Bjarni gæsalappa-vafningur og Sigmundur glópaláni bókstaflega rúlluðu upp Grími og Jóku. Þeir bókstaflega völtuðu yfir stjórnina og kindin hún Birgitta jarmaði með, hún jarmar svo fallega .

Þetta var tær snilld hjá þeim. Við vitum það öll að ástandið sem er í fjármálum þjóðarinnae er þessu pakki að kenna sem veit ekkert í sinn haus. Halda menn að flokkur gæsalappa hafi eitthvað með það að gera hvernig komið er ? Nei ekki aldeilis. Halda menn að flokkur glópaláns hafi eitthvað með þetta að gera ? nei og aftur nei. Hvorki flokkur Bjarna gæsalappa-vafnings né flokkur Sigmundar glópaláns hafa nokkuð til þessa ástands unnið öðru nær. Auðvitað er þetta allt Steingrími um að kenna.

Þeir sem halda að Steingrímur og Jóhanna séu að gera eitthvað ráfa um í blyndni og reyk. Þau hafa ekkert gert og geta ekkert gert segi ég bara og hef það eftir lambinu Birgittu.

Þeir sem kveiktu þetta efnahagsbál og skammast mest út í duglausa ríkisstjórn standa nú í kringum bálið og míga steinolíu og bensíni á það, og eru langt komnir með að skrúfa fyrir vartnið.

Þjóðaratkvæði eða ekki þjóðaratkvæði hafa bara ekkert að segja ekki slekkur þjóðaratkvæðagreiðsla þetta bál meðan migið er á það steinolíu og bensíni.

Nei Egill minn það er bara ekki þannig.

Þín

Magnea.

 

Arion þvottaefnið

 

Halló halló, loksins loksins !

Gleðifréttir fyrir þá sem málið varðar !

Á markaðinn er nú komið þvottaefnið Arion. Það hvítþvær samvisku manna eins og ekkert sé, einnig er hægt að hreinsa burtu skuldir og gjaldþrot.

Þetta nýja efni frá Arion hefur sannað virkni sína og fengið viðurkenningu bankaeftirlitsins og fjármálaeftirlitsins. Efnafræðingar Arions hafa unnið hörðum höndum í marga mánuði við þróun þess og tilraunir á því. Lokatilraunin sem gaf endanlega niðurstöðu fór fram í Sviss þar sem Ólafur nokkur Ólafsson býr.

Í leiðbeiningum stendur :

A: Til að hreinsa mjög slæma samvisku skuli gefa viðkomandi eina kúfaða matskeið og láta hann skola því niður með hálfum lítra af freyðivíni.

B: Til að hreinsa gjaldþrot, þarf að gefa tvæt kúfaðar teskeiðar af þessu undraefni fyrir hvern milljarð sem hreynsa á og skola því niður með koníaki um það bil 30 sentrilítrum.

C: Ekki er mælt með að fleiri en fjórir milljarðar séu hreinsaðir á einum sólarhring þar sem koníakið er bæði dýrt og mjög áfengt.

D: Sé samviskan sérlega slæm og erfið hreinsunar má endurtaka meðferðina einu sinni til tvisvar, það ætti að nægja fyrir svörtustu samvisku.

 

Þá er um það vil að koma í sölu efni sem veldur glansi hjá þeim sem hreinsaðir hafa verið  með Arion hreinsiefninu.

 

Þetta glansefni er heitir Glitur og var þróað á Kirkjusandi undir eftirliti Glitnisbanka og þróunin var kostuð af  Bónusfeðgum. Lokatilraunum eru um þessar mundir að ljúka og eru þeir Bónus feðgar þáttakendur í þeim. Eins og margir hafa tekið eftir er kominn háglans á Jóhannes, en soninn þarf að hreinsa betur . Það verður að vera búið að meðhöndla viðkomandi með Arion þvottaefninu til að glans náist með Gliti.

 

Kaupa núna 50 % afsláttur fram yfir helgi. Fæst í öllum útibúum Arionbanka og hjá Svenna bankastjóra.

Kæri Ólafur.

 

Mikið eru þessir blaðamenn ljótir sem sífellt eru að skrifa um hvað þú sért vondur kall og mikill svindlari. Vita þessir menn ekkert um sheika ? Þeir halda að þessi sheik sem þeir eru að segja að þú hafir keypt fyrir í Kaupþingsbanka sé einhver persóna eins og Finnur Ingólfsson, Jón Ásgeir og Bjöggi Thórs. Þvílík vanþekking. Auðvitað er þetta bara milksheik frá MS með aurabragði og ekkert annað.

Svo eru þeir að blanda allskonar félögum í málið. Eins og Kjalar sé eitthvað svindl þótt það skuldi milljarða ? ó nei þetta eru bara öfundsjúkir lúserar sem ekkert vita um bissnes.  

Auðvitað skuldar bankinn Kjalari nokkrar millur það er engin spurning, „of course"

Þeir ættu að skammast sín fyrir vanþekkingu sína á æðri viðskiptum, sem eru ekki fyrir lásí blaðamenn að skrifa um, þótt þeir hafi verið í Súpergaggó á Melonum i áratug að læra hvernig á að blekkja fíflin í landinu.

Nei Óli minn við skulum ekki taka mark á þessu nöldri. Nú áttu stærri hlut í Samskipum en þú áttir fyrir hrun, þökk sé framsókn og gæsalappa.

Hvernig er ástandið á sumarhöllinni þinni ?? er hún nokkuð undir hamrinum eins og íbúðin hans Bubba frænda ?

Mig vantar heimilisfangið þitt í Sviss og símanúmerið svo ég geti haft samband við þig elsku drengurinn minn ef ég þarf „ No matter what"

Vonandi hefur þú það gott þarna í Sviss, er ekki gott skíðafæri núna ?

Seppi biður að heilsa.

Þín einlæga

Magnea

Kæri Hannes Hólmsteinn

 

Mikið var greinin sem þú skrifaðir í Vallarstræti Jórnalinn í janúar síðastliðinn góð, tær snilld. Auðvitað eigum við ekki að borga óráðsíuskuldir óreiðumanna. Maður tali nú ekki um doktor Mikka Mús sem er sérfræðingur í alþjóðalögum sem í aðsendri grein til Finans-Timanum 8. Janúar. Og svo Broi Madd sem er virtur breskur álitsgjafi og bloggari sem skrifaði í Tímann 9.janúar og maður lifandi ekki má gleyma Rut Suðurlands sem skrifaði pistil í Gardínuna 10.janúar.

Það er nú aldeilis rétt hjá þér að það sé kominn tími til þess að kommarnir í ríkisstjórninni átti sig á því að augu heimsins og eyru beinast að Íslandi og samúðin fossar yfir okkur.

Það er mátulegt að gæsalappi  vitni í gamlan Maóista og græningja  þegar hann segir að okkur komi bara ekkert við þessar Icesave skuldir . Þessi  Lipietz eða hvað hann nú heitir er bara útbrunninn kommi og ekkert annað.  Já Hannes minn það er allt sem þú segir heilagur sannleikur, þar erum við Dabbi sammála þér. Auðvitað eru  Bjöggarnir, Ólafarnir, Hannesarnir, Jóhannesarnir, Jónarnir, Bjarnarnir, Wernerarnir, Weldingarnir og Bakkabræðurnir alsaklausir af þessu ástandi.  Það er fólkið sem keypti flatskjáina  sem allt þetta er að kenna. Það var aldrei neitt annað.

Þetta eftirlitsbull er bara kommaáróður. Auðvitað græddu allir, sumir bara meira en aðrir og hvað með það ? Er ekki sjálfgefið að allir borgi brúsann, annað væri ekki  sangjarnt.

Auðvitað gerum við ekkert þótt aðal krimmarnir skreppi til útlanda og híi á okkur aulana fyrir að hafa ekkert gert til að ná af þeim auronum. Aurarnir eru hvort sem er allir í útlöndum.

Hannes minn þú ert stórkostlegur og betur væri að Ísland ætti svo sem hundraðþúsund Hannesa eins og þig.

Ég þarf að fara til dyra núna. Mér  sýnist stebba frænka vera að koma.

Skrifa þér aftur við tækifæri.

Þín  Magnea.