Arion-banki

 

Arion er sko flott nafna á rústir Kaupþingsbanka sem einu sinni var Búnaðarbankinn áður hann sameinaðist Kaupþinginu hans svarta Péturs Blöndal.

Arion var sonur Poseidons sjávarguðs sem Rómverjar kölluðu Neptuno og Demete sem var ein af 28 konum sem Poseidon barnaði. Það fara svo sem engar sögur af þeim sem hann ekki barnaði. En alls er talið ah hann hafi átt 56 börn með þessum 28 konum, en ekki voru þau öll mennsk að sögn fræðimanna. Djöfull öfunda ég hann svona eftirá. Hvernig skyldi honum gengið að borga meðlögin með öllum þessum barnaskara ?

En það er af Demete að segja að þegar hún varð vör við áhuga Poseidons á sér sem kynveru, þá lagði hún höfuðið í bleyti því henni leist ekki alltof vel á þennan graðnagla sem Poseidon var.

Hún hafði frétt það út í búð að hann hefði þá þegar barnað 11 konur og átt með þeim ein 25 króa. Ég sel það ekki dýrara en ég keypti sagði stelpan í búðinni.

Nú eru góð ráð dýr hugsaði Demete, svo datt henni það snjallræði í hug að breyta sér í hryssu og leynast í hestastóði nálægt þorpinu.

Poseidon leytaði nú að Demetre en fann ekki. Hann var í þungum þaunkum þar sem hann sat á þúfu og horfði yfir þorpið.

Þá rennur sóðið hjá og Poseidon horfir á. Mikið er hryssan þarna falleg hugsar hann í því sem Demete í líki hryssunnar rennr hjá með stóðinu. Það skiptir engum togum að Poseidon breytir sér í graðfola og hleipur uppi þessa fríðu hryssu, og uppá hana fer og úr verður Arion þegar tími meðgöngu fyllist.

Svana er nú þetta.

Passar fínt fyrir fyrrverandi banka að heita Arion-banki.

Kæri Styrmir.

 

Mikið skrifarðu fallega um hann Dabba okkar. Auðvitað ætlaðir þú að skrifa krimma um íslenska

og dómgreindarleysi alþýðunnar.  En það verður bara  næsta bók.

En þetta er eins og venjulega þegar maður ætlar að gera eitthvað, þá kemur bara eitthvað uppá sem

breytir öllu fyrir manni.

Auðvitað gengur það fyrir að skrifa höfuðlausn fyrir Dabba okkar, það hefur engann tilgang að hann skrifi sjálfur sína eigin höfuðlausn, það tæki enginn mark á því.

En eins og þú bendir réttilega á þá hefði það verið hreint stílbrot ef Dabbi hefði ekki farið í bankann, eins og þeir Steingrímur og Finnur. Það er afurámóti gegn hefð og góðum siðum að hvorki Solla né Haardi voru ekki sett í bankann.

En eins og þú skrifar þá var það Dabbi sem varaði bæði bankamenn og stjórnmálamenn við banka vitleysunni. Það var hann Dabbi sem sífellt var að tala um útrásina og það var sko ekki Dabbi sem skálaði við bankamennina i kampavíni. En það var enginn annar en Dabbi sem varaði við ástandinu sem upp kæmi ef Mogginn fengi ekki að vera eina blaðið á Íslandi. Hver annar eins og þú bendir á vildi koma beisli á helvítis Baugaranna nema Dabbi. Það var auðvitað honum Óla á Bessó að kenna hvernig fór. Það fengu sko allir sótraftar að bulla það sem þeir vildu í Baugsmiðilinn ojbara.

Auðvitað eins og þú segir elsku Stymmi minn var það öllum öðrum að kenna en ykkur Dabba hvernig fór.

Ekki vildu sjálfstæðismenn að þetta færi allt til andskotans, enda vöruðu þeir við allann tímann.

Meira að segja hefur verið haft eftir gæsalappa formanni að það hefði ef til vill verið farið of geyst í þassum málum og ástæða væri ef til vill til að skoða nánar hvort einhverjir hafi stjórnað þessu af einhverskonar kæruleysi eða bjartsýni. En við verðum að líta heilstætt á þetta og skoða þetta með opnum huga sagði gæsalappi. En eins og gæsalappi sagði auðvitað er þetta allt saman vinstrigrænum að kenna.

Auðvitað er þetta ástand allt honum Steingrími að kenna, auðvitað er hann jókerinn í þessu spili öllu saman. Svo er hún Jóka bara strengjabrúða hjá Grími og ekkert annað.

Svo er verið að blanda frömmurunum í þetta bara af því að Steingrímur of Finnur eru frammarar, eins og það breyti einhverju ? nei heyr fyrir glópalánsforingja frammara segi ég bara og meina það.

 

Þín elskulega

Magnea.

Kæri Baldur.

 

Enn eru illpennarnir að skrifa um þig elsku drengurinn minn. Nú er einhver ljótur kall búinn að frysta allt sem þú átt og vill meina að þú grandvar og góður embættismaðurinn hafir gert eitthvað ljótt.

Það er nú aldeilis öfundin í þessum púkum. Svo níðast þeir á minnimáttar ófaná allt annað. Ég bara spyr hvenær ætlar þetta hyski að ná og frysta alvöru glæpona eins og til dæmis flokksbræður þína Illhuga, Hannes, Welling og Werner svo einhverjir séu nefndir, að maður nú ekki tali um  þá sem plægðu akurinn og sáðu svindlfræunum.

Meðan alvöru glæponarnir spígspora um og gera launakröfur í rústirnar þá ert þú tekinn í bólinu heima hjá þér að konunni aðsjáandi, mér verður bara flökurt.

Þessir slúðurkallar segja að þú hafir fengið einhverjar innviðisupplýsingar út í London, þvílíkt bull segi ég bara. Hvað heldur þetta pakk eiginlega að þú sért ? Voru ekki einhverjir aðrir út í London með þér eða varst þú með þeim ? og hvað með það þótt þú hafir drukkið te með þessum Darling eða hvað hann nú heitir. Þótt hann hafi eitthvað verið að segja að Landsbankinn væri með magapínu og best fyrir alla að setja hann í detox-meðferð þá er ekki þar með sagt að það hafi verið einhverjar nýtilegar upplýsingar, enda sagði Haardi að ekkert væri að og Solla sagði líka að ekkert væri að ekki einu sinni magapína. Hvernig heldur svo þessi ljóti kall að þú hafir vitað eitthvað ? þú sem ekki skilur útlensku frekar en ég og svo margir Íslíngar.

Eru bréf ekki til að kaupa og selja ég bara spyr ? hvað kemur þessu öfundarpakki til að halda eitthvað annað ? Nóg er af lúserunum fyrir það, þótt þú hafir fyrir einskæra tilviljun selt þína pappíra fyrir detoxið hjá bankanum. Nei vinurinn minn ég sko stend með þér og ef með þarf þá skrifa ég bóndanum á Bessó ef ljóti kallinn slekkur ekki á frystinum eins og skot, og hananú.

Þín besta vinkona

Magnea.

Kæra Ingibjörg Solla,

 

Nú eru ljótir kallar að segja að þú hafir sagt að þú hafir verið reið. Maður lifandi hver er ekki reiður ?

Svo er þetta hyski að segja að þjóðin sé reið og þess vegna sért þú reið. Ég spyr bara hvaða þjóð er reið ?

Það vantaði bæði Bubba frænda og Stínu og líka Stebba dóp í Háskólabíóið, svo það var alveg laukrétt  hjá þér að þar var sko ekki öll þjóðin mætt. Hvað eru svo þessir illpennar að gapa ?

Þú ert auðvitað stikk frí eins og Haarde. Hvernig átti þér að detta í hug að eitthvað væri að ? þú hafðir sko nóg að gera við að safna í allsherjareitthvað og svo að smala múslimakerlingum með viskastykki á hausnum. Svo það er ekki nema von að þú sért reið. Fékkst ekki að vera í allsherjarráði í stóra heimsklúbbnum og kerlingarnar sem þú frelsaðir frá ljótu köllunum í Írak eða Íran ég man ekki hvort það er, hafa ekki einu sinni sagt takk fyrir björgunina. Þú hefur sko allan rétt á að vera reið bæði sjálfri þér og allri þjóðinni.

Þessi svokallaða þjóð lét þig ekki vita að neitt væri að hjá ykkur Haarda í heila átjan mánuði. Svo bara allt í einu var allur peningur búinn og ekki meira að fá. Enginn furða að þú sért reið, ég segi bara ekki annað en það.

Flott hjá þér að forða þér frá landinu þar sem allir eru reiðir út í þig og þú út í alla.  Hvar verður þú nú aftur sendiherra var það Yemen eða Dubai ? Sama hvort er þú átt viskustykkið ennþá er það ekki ?

Jæja Solla mín við skulum bara halda áfram að vera reið sjálfum okkur og öðrum, þó aðallega öðrum.

Ég skrifa fjótt aftur.

Þín einlæga

Magnea

Kæri Bjarni Ben.

Mikið er ég sammála þér með þessar skattahækkanir. Það er algjört brjálæði að hækka skattana svona á þér. Þeir sem þessu stjórna ættu bara að skammast sín og hætta að bulla svona út í eitt.Hún Gerða leikaradóttir hitti naglan þegar hún sagði að þetta væri fantasíumatseðill sem væri verið að kynna. Hún ætlar að gefa út matreiðslubók með 1000 fantasíuréttum. Fyrst nokkrar súpur, sú kraftmesta er skuldasúpan, sú hin sama og gerð var tilraun með í Kaupþings eitthvað. Svo verður baunasúpan úr þinginu samsett úr því sem gæsalappi hefur baunað á stjórnina. Ekki má gleyma vælugrautnum, sem er slefan úr Framsókn yfir lánleysi þeirra í Noregi. Af nógu verður að taka fyrir leikaradótturina. Meðal aðalrétta er til dæmis grilluð hryggsúla Samfylkingarinnar og marineruð hnakkastykki steikt með rauðlauk. Með þessu er gott að drekka rauðvín Sigmundar, sem er splunkunýtt brugg frá Alþingi.Einnig er meðal aðalrétta reyktir síðubitar úr Borgaraflokknum með soðnum kartöflum úr Þykkvabænum teknar upp af Árna J. fyrir ömmu sína. Þetta er bara sýnishorn, af nógu er að taka fyrir Gerði leikaradóttur. Ekki má gleyma eftirréttunum. Þeir eru ekki af lakai gerðini. Til dæmis gjalþrotabúðingur með skuldaslettum, sérlega ljúfengur. Svo lánakúlur með skuldalíkjör, og ekki má gleyma skuldarjóma með muldu tapi.Svo er að sjálfsögðu borið fram skuldakaffi með Davíðsdropum á eftir þessu öllu saman.Já það verður spennandi að elda í framtíðinni Bjarni minn. Það er verst að þurfa að éta alla skapaða hluti ofaní sig. Enfrekjan í henni Jóku er engu lík það verð ég bara að segja.Elsku Bjarni minn áfram með þig og taktu nú mark á dýralækninum, það er tími til kominn, enda hefur hann ómældan áhuga á fjármálum Grímsa.Þín elskulegaMagnea.

Núllstilling

 

Þar sem íslenskur efnahagur er rústir einar, það er manni sagt. Hvernig væri þá að slétta almennilega úr draslinu og byrja upp á nýtt ? Það er ef til vill möguleiki á að rétta við ýmiskonar skekkjur í þjóðfélaginu sem hafa farið vaxandi undanfarna áratugi lesist

( Davíðstugir ) .

Það mætti segja sem svo að húsnæðisverð þar með brunabótamat og fasteignamat yrði fært til meðalverðs fasteigna í Frakklandi, Þýskalandi og Austurríki í evrum, eða dollurum Bæði íbúðarhúsnæði og iðnaðarhúsnæði. Mismunandi ástand yrði metið út frá samsvarandi eignum í viðmiðunarlöndunum.

Séu skuldir umfram mat eigna, yrðu þær einfaldlega strikaðar út.

Vélar og verkfæri yrðu bókfærð í evrum eða dollurum á sama hátt þ.e. meðalverð á þeim í viðmiðunarlöndunum. Sama meðhöndlun varðandi skuldir véla og verkfæra eins og á húsnæði.

Laun á sama hátt færð til meðallauna í hverri stétt í viðmiðunarlöndunum.

Skattar af mánaðarlaunum yfir 1.000.000 í krónum, yrðu hækkaðir t.d. í 80-90 %

 

Peningaskipti yrðu með þeim hætti að fyrir- :

-kr 120 til 1.000.000 yrði gengi evrunnar 200 eða dollars 125 kr.

-kr 1.000.001 til 10.000.000 yrði gengi evrunnar 250 eða dollars 175 kr.

-kr yfir 10.000.000 yrði gengi evrunnar 500 eða dollars 425 kr.

Með þessu mætti ná einhverjum fjármunum frá þeim sem hafa fengið stærri skammt af góðærinu, margir á heldur vafasaman hátt, en minna hreyft við efnahag þeirra sem góðærið lét í friði.

Kvótinn væri færður til ríkisins og leigður út af ríkinu, skuldir útgerðanna vegna kvótans yrðu afskrifaðar. Kvótakóngar sem selt hafa kvóta verða krafðir um endurgreiðslu söluverðs kvótans.

Hvort evra eða dollari yrði fyrir valinu skipti engu máli ef  þessi  aðferð yrði notuð

Þegar þetta hefur verið framkvæmt er raunar búið að núllstilla efnahaginn, þar með er engin verðbólga á þeim tímapunkti.

Þetta mætti svo kalla í hagfræðinni POLPOTTS aðferðina við að rétta af efnahag í rúst.

En þetta er náttúrulega allt of flókið fyrir þá pólitísku moðhausa sem fara með stjórn landssins núna. Því er nauðsynlegt að senda þá í langt langt frí til Kanarí meðan verið er að græa þetta.

Kæri Valtýr.

Hversonar er þetta eiginlega með þig maður ? Hefurðu bara ekkert hugmyndaflug ? Ég skil bara ekki hvað þú ert að hugsa ekki maður. Það má þér og Rögnu vera morgunnljóst hvernig á að leysa ljósritunarvandann.

Hvernig er það annars er virkilega ekkert hagkvæmt kennt í Súpergaggó á Melonum ?  Eg segi bara ekki annað.

Það má hverju barni vera ljóst að dæmdir nauðgarar, morðingjar og bankamenn eru auðvitað þeir réttu til að ljósrita dómsskjölin. Hvað með það þótt nauðgarinn sjái myndir sem hann sjálfur tók eða sýndi fórnarambinu, hann er búinn að marg sjá þetta allt saman, það ætti meira að segja að vera hollt fyrir hann að sjá þetta einu sinni enn. Svo gæti hann merkt með rauðu allar missagnirnar sem hafa verið sagðar fyrir dómi, svona til að auðvelda Hæstarétti eftirvinnsluna. Sama gildir um morðingja og smáþjófa, bara láta þessa gaura ljósrita sjálfansig. Maður tali nú ekki um bankamennina. Það er bara spurningin um tíma, það er hvort þeim endist ævin til að ljósrita allt efnið sem þeir hafa samið um sjálfansig og snilli sína í stjórnun peningamála.

 

Kveðja til ykkar beggja.

Magnea

Kæri Hreinn.

 

Nú er öfundarpakkið farið að nöldra um þig elsku drengurinn minn.  Það er naumast fólkið getur verið óprúttið. Sumir segja og það án þess að roðna hvað þá meir að þú Hreinn minn sért ómerkilegur pappír.

Ég á bara ekki orð yfir þessum dónaskap. Það er ekki að spyrja að sumu fólki, það bara er með ofnæmi fyrir öllu sem kemur nálægt Baugi og Högum og hvað þetta nú heitir  allt saman. Svo segir þetta fólk að þú hafir eitthvað með þetta að gera. Ekki er það þér að kenna þótt Hagar skuldi einhverja smáaura.

Svo er þetta fólk að vitna í þig og segir að þú hafir sagt „óháð tilfinningum okkar, þá eiga reglur réttarríkisins að gilda hér á landi" . Það er naumast segi ég bara, hvaða ríki er þetta réttarríki eiginlega ?  Hverjir eiga heima þar ? Hvar er þetta rérratríki hér á landi ?

Hverjum kemur svo sem við þótt þú farir til útlanda öðru hverju ? Ekki er þetta pakk neitt skárra tollir aldrei heima hjá sér. Hvernig var þetta með strætó varst þú ekki fullur-trúi Dabba og arkitekt að sölu strætó ? Mikið höfum við grætt á einkavinavæðingu strætó, svo maður nú ekki tali um bankana. Je minn maður lifandi hvernig væri ástandið hér ef við hefðum ekki snillinga eins og þig og Baugarana  til að leiða okkur um aungstræti fjármálanna. Heyrðu Hreinn minn, af hverju er ekkert um þig í hvítubókinni.vinstr grænn ? Þíðir .vg ekki annars vinstri grænn ?

 

Þín einlæga

Magnea

Kæra Birna.

 

Mikið hlýnaði mér um hjartaræturnar þegar ég frétta af þessu mikla barnaláni sem þú hefur í bankanum. Það er ekki hægt að segja um alla bankastjóra í dag að þeir séu svona lánsamir eins og þú Birna mín. Til dæmis eins og Finnur, hann er í djúpum þú veist. Eymingja Finnur, hann veit ekkert hvort Jói í Bónus skuldar eða hvort Jón í Högum skuldar. Svo veit hann heldur ekkert hvort þetta séu fjörtíu milljarðar eða meira, eða kannski minna, sem þarf að afskrifa þurfi eitthvað að afskrifa. Ég er ekki hissa þó maðurinn sé órakaður með allar þessar áhyggjur. Svo segir Steingrímur greiið bara bankinn ræður, svo það er ekki mikil hjálp í því fyrir Finn. Jóhanna segir bara bankinn ræður en hann verður að gera eins við alla. Þetta er bara ekki hægt Jóhanna mín. Bankinn hefur ekki efni á því að gera eins. Afturámóti er vel hægt að afskrifa skuldir Haga, einfaldlega af því Jonnarnir eru svo góðir gæjar, gefa bæði til mæðrastyrksnefndar og í kosningasjóði.

Birna mín ég ætlaði ekki að rausa um Jónana, heldur barnalálið sem þú ert aðnjótandi að. Hvernig var þetta aftur. Er þetta sama upphæðin sem þú vissir ekki hvort var farin af reikningnum þínum og barnalánið kostaði? Voru það ekki 180 millur ?

Hvað um það barnalán er það hvort heldur sem er. Mikið öfunda ég þig Birna mín af öllu þessu barnaláni.

 

Þín einlæga

Kæri félagi borgari.

 

Nú eina ferðina enn eru öfundarpúkarnir komnir á stjá. Það er engu eirt, nú er ráðist á þig Finnur minn fyrir að rétta hjálparhönd drukknandi kompaníi, Þetta er bara hvítvoðungur fæddur 1998 er mér sagt, en tókst fyrir harðfygli foreldra sinna, þeim feðgunum Jóni og Jóhannesi að byggja upp eina myndarlegustu skulaborg landsins.

Þetta pakk segir bara af hverju má hvítvoðungurinn bara fara til guðs. Þá er hægt að slá á hringinn sem selur okkur att til alls nema hamingjuna. Svo ætlast þetta pakk til þess að ráðherrar skipti sér af þessu, þvílíkt rugl ég segi bara.

Þetta fólk áttar sig bara ekki á því að það ert ekki  þú sem átt að sjá til þess að ekki séu hringir hér á landi, nema þú berð náttúrulega fulla ábyrgð á giftingarhringnum.

Svo vælir þetta pakk utan í Steingrími mínum eins og hann hafi eitthvað að segja um hringi. Auðvitað segir Steingrímur pass ég er ekki með. Þá er pissað utan í Gylfa greyið og hann segir bara ég mismuna engum en bankinn ræður hvernig hann fer með sítt.

Elsku Finnur, og ég má ekki gleyma þér hjartans Erna mín, ert þú ekki annars með Finni ennþá ?

Það sem ég ætlaði að segja er að auðvitað eruð þið að gæta hagsmuna litu Gunnu og litla Jóns þegar þið skiftið um bleiju á barninu. Fjörtíu milljarðar hvað er það nú í kreppunni  „pís of keik"  segi ég bara og þið þarna úti sem alltaf eruð að öfundast,  við ykkur segi ég bara Jónum og Bjöggum er ekki mismunað, ég hef orð bæði Grímsa og Gylfa fyrir því. Hvað er svo verið að spurja Dag um þetta hann veit auðvitað ekkert um svona, veit ekkert um mismunun og svoleiðis, enda ekki til í orðabók Samfylkingarinnar hvað þá meir, talar bara um daginn og veginn.

 Svo vil ég bara að þeir feðgar njóti þess að þeim sé ekki mismunað og fjölgi hlekkjum í keðjunni. 40/60 flott skipting og eingum mismunað.

Elsku par hvort er þetta Kaupþing eða Raupklink sem þið vinnið hjá ?

Með bestu kveðju

Magnea