Bjarnapistill Hahaharðarsonar

 

Það er mikil speki á blogginu þínu.

En fyrir venjulegt fólk þ.e. fíflin eins og forstjórinn sagði hér um árið lítur dæmið ef til vill út sisvona.

Efitr 40 ára strit og vesen hefur fíflinu tekist að aungla saman 4 millum, sem hann setti í bankann sinn.  Hann treysti því að þar væri nurlið í öruggu skjóli þar til ellin kallaði á peninginn.

4 millur deilt með 80,00 kr það er það sem evran kostaði fyrir rúmu ári síðan = 50.000 evrur. Sem sagt fíflið átti jafngildi 50.000 evra. Núna  lítur þetta nurl fíflsins svona út.

4 millur deilt með 155,80 = 25.634, að auki býr fíflið við 15 % verðbólgu sem allir vita hvernig kemur við budduna þegar skroppið er út í búð til að kaupa nammi og rúgbrauð, svo maður tali nú ekki um afborganir af lánum.

Ef við hefðum haft gæfu til fyrir svo sem 10 árum til að ganga í EB og taka upp evruna, þá ætti fíflið ennþá 50.000 evrur, verðbólgan væri svona 2-4 % þ.e. sama og í öðrum EB löndum.

Þá er þetta með sjálfstæði Íslands og allt það. Mér skilst að Ísland verði að setja í lög hjá sér nánast allt sem EB löndin setja sjálfum sér sem lög.  Þó er einhver sveigjanleiki og aðlögun eftir efni laganna. Ef þú spyrð Dani hvort þeir hafi glatað sjálfstæði sínu, horfa þeir bara á þig og segja eftir drjúga stund. Ertu ekki í lagi maður, auðvitað ekki við höfum ekki glatað neinu sjálfstæði. Spyjir þú Svía að því sama segir hann  það sama og Daninn en bætir við, verst að vera ekki laus við krónuna, en hún hverfur.

Amen.

Leikþáttur fyrir almúgann.

 

Persónur: Syrilinn leikur Egill sterki. Fyrir svörum eru hámenntaðir fræðingar úr hópi bankamanna og stjórmálamanna. Leikhúsgestir eru eins og forstjórinn sagði fíflin í landinu.

Spyrill:  Nú vitum við að bankarnir eiga í erfiðleikum, hvað er hægt að gera?

Það vantar ákveðna stefnu !. Við verðum að vinna saman !. Þjóðin kallar eftir fastri stefnu . Það vantar tiltrú á seðlabankanum !.

Spyrill: Hvers vegna þetta ráðaleysi?

Við erum að leyta að sökudólgnum !. Það er krísa á Wall Street !. Við sváfum á verðinum !. Þetta kom algjörlega að okkur óvörum !. Það er eitthvað mikið að!.

Spyrill: Hvað er ríkisstjórnin að gera í málinu ?

Við höfum verið að tala við Seðlabankann !. Við ætlum að skoða þessa krísu !.

Spyrill: Hvað á að gera í málinu ?

Við eigum að vera bjatsýn !. Við eigum að skoða alla möguleika !. Staðan er grafalvarleg !. Það verður að gera eitthvað !, því staðan er grafalvarleg !.

Spyrill: Af hverju er þetta fall krónunnar ?

Það blasir við að eignir fólksins eru að fuðra upp í verðbólgunni !. Bankarnir koma til með að eignast eigir fólksins !. Það er einfaldlega af því að við höfum ekki traust á krónunni !. Krónan gefur eftir af því að það er ekki nógu mikill vaxtamunur !.

Spyrill: Hvað á að gera ?

Það þarf mjög afgerandi aðgerðir !. Það eru margar aðferðir færar !. Það verður að laga markaðinn !. Það verður að auka vaxtamun !. Það þarf meiri aga !. Það verður að vinna að auknu jafnvægi í viðskiptum !. Það er mikilvægt að fá lausn á þessum vanda !. Við verðum að ræða þetta mál !. Við verðum að stöðva lekann !. Við þurfum að draga að fjármagn !. Við verðum að standa saman og gæta þess að við spillum ekki fyrir okkur !. Við verðum að slá verðbólguna niður !. Við verðum að horfa heilstætt á þetta !.

Spyrill: Þakka ykkur fyrir greinargóð og skýr svör, þessu er þá lokið sjáumt eftir viku.

Tjaldið fellur og áheyrendur klappa.

Hve glöð getum við verið

 

Ljósmæður gengisfelldu lækna !!

Hjúkkur hækkuðu launavísitöluns um 0.5% !!

Ljósmæður rústuðu launum allra landsmanna !!

Greiðslubyrði 5500 íbúðalána þyngist um 20 % á næsta ári. Segir Edda Rós á greiningasviði Landsbankans. !!

Halldór bankastjóri Landsbankans komst að þeirri stórmerku niðurstöðu að greiðslubyrði íbúðalána stórhækkuðu. En það er fólkinu sem tók lánin að kenna segir Halldór og sígur upp í nefið. Bankinn er þinn gæfu smiður auglýsti bankinn fyrir um ári síðan. !!!

Edda Rós greiningardeild Landsbankans segir, veiking krónunnar mun ekki skila sér í verðlagið, ( nema kannski smá). !!

Krónan verður veik áfram segir Edda Rós greinir Landsbankans. !!

Eiríkur Seðlabankastjóri segir bankann ekki hafa upplýsingar um vegna hvers órói sé í kringum krónuna. Villi atvinnulífsins segir að þetta sé kananum að kenna. Óli Ísleifs segir þetta sagði ég alltaf, en enginn tók mark á mér. !!

Bjöggi ráðherra segir að stjórnvöld verða að bregðast við í peningamálum !!

Sjeik Mohammed er í útrás heiman frá sér. Kaupir banka og kæligeymslur á Íslandi!!

Kaninn setur verðmiða á klúðrið og  kaupir það síðan !!

Viggó Landsbankans segir að enginn deyi úr verðbólgu, fuglaflennsan og svartidauði séu miklu miklu hættulegri lífi manna, og bætir við hvað er að óttast ?!!

Siggi KB-spámaður sagði að allt væri að fara til fjandans árið 2004. Bráðnauðsynlegt væri að fara út í veikingu krónunnar. Menn ættu að borga lánin sín í útlöndum hið snarasta. Þá var gengisvísitalan 110 nú er hún 180 bráðum 200..

En Back tókst að sameina himinn og jörð segir Gunni Kvaran. Gætum við ekki fengið þennan Back til að sameina krónuna og evruna ? !!

Samgöngumöllerinn segir að það þurfi að fara að ræða um sundabraut hábrú lágbrú göng. Allt verði þetta að skoða og fá heilstætt mat svo hægt sé að tefja þetta aðeins meira.

Evru-verkfræðingurinn

 

Hvernig verður þetta með evruna Halldór minn? Hvað áttu við ? Ég meina þegar skift verður á handónýtri krónunni og þessum dásamlegu evrum, á hvaða gengi verður það eiginlega ? Einn á móti 500 kannske eða hvað ? Núna er það einn á móti 125.

Það verður fróðlegt að sjá írafárið ef ákveðið verður að henda krónunni út í hafsauga.

Þá verður handagangur í öskjunni, að koma öllum krónunum sem ekki eru til þ.e.a.s ekki til á pappírunum sem skattmann hefur til að lesa á kvöldin. Það skeði á Spáni þegar Þjóðverjarnir áttuðu sig á að sumir áttu fleiri mörk er skattmann hafði hugmynd um. Þá ruku þeir til og stofnuðu byggingarfélög á Spáni og fleiri löndum og dælu þangað mörkum við mikinn fögnuð Spánverja og þeirra sem voru svo heppnir að verða fyrir vali þeirra þýsku, þvílíkar byggingarframkvæmdir maður lifandi.

Heldur þú ekki Dóri minn að nú sé möguleiki á einu kvótakerfinu til ? Hugsum okkur að dýralæknirinn í Hafnarfirði og kallinn í Svartakastala ásamt einhverjum fleiri höfðingjum ákvæðu, að við Dóri minn og þessi svokallaði almenningur fái evruna á 500 kall stykkið, en útvaldir á segjum bara 100 kall stykkið. Hvað ertu að meina ? Nú að evru-kvótakallarnir fá evruna á 100 kall en við á 500 kall skilurðu sko.

Þú meinar, en hvernig á að skýra það ? Jú sjáðu til Dóri minn. Þeir segja bara að þetta sé svo mikið magn sem evru-kvótakarlarnir séu að kaupa að ekki sé nema sanngjarnt að þeir fái verulegan afslátt. Svo hafi þeir líka verið að hugsa um að kaupa þegar evran kostaði 100 kall svo það sé ekki nema sanngjarnt að selja þeim á því verði.

Þetta eru jú máttarstólpar viðskipta á Íslandi má svo fylgja með í skýringunum, enda sett hvert fyrirtækið á fætur öðru á hausinn á undanförnum árum.

Ég held að þú sért rugluð Magnea mín, ég meina það.

Sprisjóðirnir

 

Þau Magnea og Bubbi sitja á barnum í Norræmu.

Þetta með sparisjóðina segir Magnea er athyglisvert. Upphaflega stofnuðu hópur íbúa á tiltlölulega litlu og oft afmörkuðu svæði sparisjóð. Íbúarnir lögðu svo sparifé sitt í sparisjóðinn ásamt þeim aurum sem þeir þurftu ekki að nota í augnablikinu. Tilgangur sparisjóðanna var að lána íbúum og þeim sem höfðu viðskipti við sjóðinn peninga með sanngjörnum vöxtum, ásamt því að ávaxta fé þeirra á öruggan hátt.

Þetta var gert vegna þess að stóru ríkisbankarnir sem stjórnað var af pólitískum gæðingum þeirra flokka sem voru við stjórn hverju sinni, með mis vel uppalda bankastjóra sem réðu því hver fékk lán og hver ekki.

Hverjir fengu lán og hverjir ekki stjórnaðist af kunningsskap og hvar menn voru í pólitík (klíka).

Nú er svo komið fyrir sparisjóðunum að þeir eru á hausnum, en af hverju er það ? Jú stórnendur þeirra mistu sjónar á tilgangi sjóðanna og ætluðu að slá sig til fjár-riddara.

Til þess notuðu þeir inneing viðskiptavina sjóðanna til að spila póker út í heimi og innanlands.

Án fyrirhyggju settust stjórnendur sjóðanna við spilaborðið þar sem fyrir voru aðrir gamblarar eins og stjórnendur Fláráðsgrúpp, Ísbanka og fleiri fyrirtækja. Spurðu þeir nokkurn um leyfi til að spila póker fyrir sparifé íbúanna sem áttu sitt fé í sjóðunum ? Nei áræðanlega ekki. Svo standa þeir bara upp þegar allt er í rúst og segja, það er tími til fyrir mig að breyta til bless bless.

Þannig er þetta nú Bubbi minn.

Þú segir

Islamistar allra landa sameinist

 

Islamistar allra landa sameinist. Sýnið trúleysingjunum enga miskunn.

 

" Við verðum að hrella og skelfa bölvaða heiðingjana.

Fyrir að voga sér að segja að Islam sé ofbeldissinnaður og óumburðarlindur. "

 Auga ALLAH

Þannig er þetta nú í pottin búið Magnea mín. Þessi mynd skýrir markt sem er nú í gangi í heiminum. Islamistarnir eru markvisst að þrengja að þeim þjóðfélögum sem hafa skotið skjólshúsi yfir þá undanfarna áratugi.

Danir vita þetta og eru ekki allir þar á bæ hrifnir. Það sem hefur gerst er að margar Múslimskar fjölskyldur sem fengu danskt ríkisfang og þar með atvinnuleyfi, hafa engan áhuga á að vinna, en lifa á almannatryggingum, að sögn vegna túngumála erfiðleika. Börnin sem fæðast í Danmörku fá sjálfkrafa danskan ríkisborgararétt, hafi foreldrarnir hann, en þegar þau komast á skólaaldur eru þau send í trúarskóla í einhverju múslimalandi. Þau koma svo til Danmerkur tíu til fimmtán árum seinna með maka, sem öðlast danskt ríkisfang þar sem viðkomandi er gift Dana. Nú er að koma upp þriðja kynslóð Islamista í Danmörku sem ekki talat stakt orð í Dönsku

Hvorki þeir sem upprunalega komu til Danmerkur né börn þeirra sem fóru í trúarskóla hafa fyrir því að læra Dönsku, , hvað þá heldur makinn sem kom harðgiftur til Danmerkur. Þannig verður til samfélagshópur sem talar ekki Dönsku vinnur ekki á almennum markaði, og hefur því nægan tíma til að sinna köllun sinni og Islamistma.

Það er deginum ljósara að það sem kennt er í trúarskólum Múslima er Islamismi sem gengur meðal annars út á það, að allir sem ekki eru Islamistar eru óvinir Íslams og réttdræpir að "sharilögum" svo einfalt er þetta nú Magnea mín.

Á einhverjum tímapunkti verða þeir nógu fjölmennir til að yfirtaka stjórn þjóðfélagsins, þá liggja Danir í því.

Heldur þú Bubbi minn að þetta eigi eftir að verða svona í Sviss ? Veit ekki Magnea mín þið Svissararnir verðið að gæta ykkar á þessu annars fer fyrir ykkur eins og Dönum.

Ég sá það í einhverju blaði að í Dubai eru leynilöggur á sveimi á baðströndunum. Ef einhver konan fækkar fötum meira en þeim finnst tilhlíðilegt eru þær umsvifalaust handteknar og varpað í steininn. Svo eru þær sektaðar og sagt að þær séu í Múslimalandi og þær verði að haga sér samkvæmt því. Engin afsökun að vera ferðamaður frá norðlægari löndum þar sem fólki er frjálst að fækka fötum, þar sem eina reglan er að hafa pjötlu fyrir því allra heilagasta, nema á þeim stöðum sem kallaðar eru nektarnýlendur.

En hvað með þegar múslimarnir koma til okkar, þá segja þeir einfaldlega. Ég er Múslimi og haga mér samkvæmt því og haldið þið svo bara kjafti og gerið eins og ég vil. Til dæmis vil ég ekki sjá svínakjöt á matseðlinum svo eitthvað sé nefnt og maður nú tali ekki um bjór og vín. Svona er þetta nú Magnea mín.

Hvað með fólkið sem kerlingin með handklæðið á hausnum er að flytja inn, eru það ekki Múslimar ? Jú og sannaðu til það fólk á eftir að gera kröfur á okkur um breytingar á siðum. Þú getur bókað að þetta fólk gerir kröfur til okkar um að við aðlögum okkur að þeirra siðum, akkúrat eins og þeir gera í Danmörku.

Já hérna Bubbi minn ég held bara að ég staldri ekkert við í Danmörku en drífi mig til Sviss. 

Höfuðborgarsvæðið.

 

Nemar utan af landi fá ekki lengur frítt í strætó á höfuðborgarsvæðinu, Garðbæingar þurfa líka að borga.

 

Utanbæjarfólki er óheimilt að taka strætó í Reykjavík og nágrenni nema í Garðabæ. Þeir sem taka srtætó í Garðabæ verða þó að yfirgefa hann áður en hann ekur inn á önnur svæði á höfuðborgarsvæðinu.

Einnig er utanbæjarfólki ekki heimilt að kaupa sér í matinn nema í sérstökum verslunum.

Einnig er utanbæjarfólki ekki heimilt að ganga Laugaveginn nema það eigi leið í listaháskólann, en þá einungis fyrir klukkan 08:00 og eftir kl. 20:00. Mælt er með því að viðkomandi gangi að listaháskólanum um Hverfisgötu sem er opin öllum allan sólahringinn.

Utanbæjarfólki er ráðlagt að fara sínar ferðir í einkabílum, en gæta þess að taka eldsneyti utan höfuðborgarsvæðisins, nema það er leyfilegt að fylla tankinn í Garðabæ.

Verslanir sem utanbæjarfólki er leyfilegt að versla í eru merktar með rauðum hringlaga miða efst í vinstra horni bakdyra viðkomandi verslana.

Í Garðabæ er leyfilegt að versla í öllum verslunum hvort sem er að ræða heimamenn eða utanbæjarfólk.

Brot á þessum reglum eru tekin mjög alvarlega. Verði einhver uppvís að því að brjóta eða þverbrjóta þessar reglur kemur Hanna B og segir skamm, þú ert ljótur og gerðu þetta aldrei aldrei aftur.

 

Efnahagsflensa

 

Það er merkilegt að Geirhardur þurfi að fá hagfræðiprófessor til aðstoðar við að finna út úr einhverju sem kallað er kreppa. Þessi prófessor hefur haft að atvinnu að kenna hagfræðingum sem stjórnað hafa bæði efnahag fyrirtækja og ríkisins að minnsta kosti í áratug. Útkoman á þeirri efnahagsstjórn er með því lélegasta sm þekkist á jarðarkringlunni. Því mætti spyrja hvað voru þessir kallar að kenna ?,og hvaða visku tileinkuðu þeir sér þarna í súpergaggó á Melunum ?

Af fréttum er það helst að sjá að kreppur séu einhverskonar faraldur sem gengur yfir jörðina með vissu millibili og við það verði ekki ráðið. Það sé ekkert bóluefni til við efnahagskreppum. Það sé ekkert hægt að gera til að fyrirbyggja þessar kreppur né afleiðingar þeirra fyrr en þær séu skollnar á, en þá sé það jú of seint. Nýjasta kreppan er af Ameríkustofni, hún varð til í sýktri bankastefnu þar sem bankar lánuðu fólki sem þeir hefðu mátt vita að ekki gat borgað. En árangurstengd laun voru skynseminni yfirsterkari. Sama virðist hafa verið upp á teningnum hér á landi. Hér á landi voru fyrstu einkenni 100% lán Árna frammara til húsakaupa. Þar sáu sprenglærðir fasteignasalar tækifæri til að ná út pening einfaldlega með því að ofmeta verðmæti húseigna. Svo var lánað 100 % út á kofann, halaðar voru með þessu kerfi nokkrar millur á hús.  Þegar húsnæðisverðið og verðbólgan fór úr böndunum hrökklaðist Árni úr ríkisstjórninni og skömmu seinna fór formaðurinn sömu leið. Þar með var hluti framsóknar í stjórn landssins rokinn út í veður og vind, allavega í bili.

Hvers vegna er fjármálaráðherrann ekki látinn vinna vinnuna sína ? er það ekki hans vinna að hafa stjórn á fjármálum ? hvers vegna þarf Geirhardur einn spekinginn enn ? hann er yfirmaður Svartakastala sem hefur 40 hag-og viðskiptafræðinga í þjónustu sinni. Þessir hag-og viðskiptafræðingar hafa meira eða minna sitt vit frá ráðgjafanum sem Geirharður er að ráða til sín, hann ásamt öðrum fræðingum hefur kennt þeim fræðin þegar þeir voru í súprgaggó. Því fær dýralæknirinn enga ráðgjöf ? Hann sem á að standa fyrir fjármálum að minnsta kosti ríkisins. Þarf hann enga ráðgjöf ?, eða hvað.

Það er markt einkennilegt við þessa kreppu.

Hvað er að frétta af ofurstjörnunum og fjármálasnillingum liðinna ára sem tóku sér ofurlaun vegna snilldar sinnar á bissenss að þeirra eigin sögn ? Hvað með árangurstengdu launin ? eru þau enn í launaumslögum snillinganna ? eða eru þeir ef til vill að endurgreiða þau um þessar mundir ?

Það virðist sem þessi efnahagssjúkdómur leggist mis þungt á efnahag þjóða. Íslenskur efnahagur virðist vera viðkvæmari fyrir þessum sjúkdómi en önnur ef Súdan er undanskilið. Það skyldi þó ekki vera vegna þess að þeir sem greina eiga einkennin séu hálf sofandi, eða bein-línis að þeir hafi hag af ástandinu, eða er þeim bara sagt, þetta reddast. Vel uppalin húsmóðir sem rekur venjulegt heimili væri betri fjármála herra en dýralæknirinn í Hafnarfyrði og Geirhardur til samans.

Hún myndi segja, settu á þig trefil áður en þú ferð út í kuldann svo þú fáir ekki verðbólgu í hálsinn.

 

Hugleiðingar Magneu

Heyrðu Bubbi,  það er merkilegt þetta með súpergaggó á Melonum. Hann hefur útskrifað tugi ef ekki hundruð hagfræðinga og viðskiptafræðinga á undanförnum þrjátíu árum. Margir hafa farið í framhaldsnám til útlanda og tekið þar meistaragráður og doctorsgráður og jafnvel eitthvað meira. Þessir fræðingar hafa valist til að stjórna fyrirtækjum stórum sem smáum og að auki efnahag allrar þjóðarinnar. Já hvað með það Magnea mín. Jú sjáðu nú til Bubbi minn, það sem stingur mig er að þrátt fyrir alla þessa mastera og doctora er efnahagur landssins í rúst svo maður nú tali ekki um fyrirtæki eins og FL grúpp og fleiri fyrittæki sem hafa verið í frjálsu falli undanfarna mánuði. Magnea mín þetta er víst einhverjum ljótum köllum í Ameríku að kenna, svo er sagt.Það getur ekki verið einhverjum köllum í Ameríku að kenna þótt þeir séu ljótir. Nei Bubbi minn, mér er næst að trúa því að þrátt fyrir allan lærdóminn í súpergaggó hafi þeir annaðhvart ekkert lært eða þeir séu hreinlega svona illa uppaldir. Þessir masterar og doctorar hafa einfaldlega sett allt þjóðfélagið á nánast hausinn en lifa praktuglega af ofurlaunum og starfslokalaunum. Svo eru það einmitt þeir sömu sem gráta og segja okkur að allt sé að kreppast að okkur, og við almúgann sem aldrei hefur átt svo mikið sem sokka  til skiptana segja þeir þetta er ykkur að kenna þið hafið eytt alltof miklu. Heldurðu það Magnea mín.?Já.

Bankarnir

Maður tali nú ekki um bankana, þar eru kallar sem eru í peningaleik og borga sér tugir ef ekki hundruð milljóna á ári. Þeir segja okkur að þetta sé svo mikill vandi, að það verði að borga þeim það sem þeir kalla árangurs-tengda bónusa upp á einhverjar millur ofan á kaupið sem er þó ærið fyrir.Svo heyrir maður að bankarnir rambi á barmi gjaldþrots, og ríkið þ.e. við þurfi að redda þeim. Áætlaður kostnaður litlir 500-1000 milljarðar takk fyrir. Hver var að tala um bónusa og árangur. Borga þessir höfðingjar til baka eitthvað af þessum bónusgreiðslum ? Nei, örugglega ekki.En Magnea mín skilurðu ekki hvernig þetta virkar ? Nei.Þetta virkar þannig að ef vel gengur þá er greiddur bónus og ef illa gengur þá er greiddur bónus alveg eins og allt hafi gengið svaka vel.Nú virkar þetta svoleiðis ? ekki vissi ég það. Svaka er þetta skrítið það verð ég að segja.En hvernig er þetta með fyrirtækin sem þessir kallar eru að selja sjálfum sér fram og til baka ?Jú sjáðu nú til Magnea mín. Ef þú átt fyrirtæki sem þú segir að sé 30 milljarða virði og selur það á 40 milljarða hefur þú hagnast um 10 milljarða. Já en hver kaupir svoleiðis ? það skil ég ekki.Nú auðvitað Magnea mín fyrirtæki í eigu sömu aðila, það kaupir og selur svo aftur þetta sama fyrirtæki á 60 milljarða, fyrirtæki sem þeir eiga líka þá græða þeir 20 milljarða í viðbót, skilurðu sko ?Nei.Sjáðu nú til Magnea mín ég skal einfalda þetta fyrir þig. ISS-grúpp sem á Exgrúpp sem á ásamt Fláráðsgrúpp 75% í Eims, selur 20 % í hlut í Eims til Simmgrúpp og borgar með útgáfu nýrra hlutabréfa í ISS-grúpp, sem gefur út jöfnunarhlutabréf og afskrifar 15 % af eign sinni í Fláráðsgrúpp. Exgrúpp fjármagnar kaupin með sölu 10 % hlutar í  Eims og aukningu hlutafjár í sjálfu sér. Þetta getur ekki verið einfaldara Magnea mín, skilurðu sko ?Nei.Ekki ég heldur