Kæra Dorit

Mikið líður mér nú vel í dag yfir úrslitum forseta þú veist. Það voru nú bara ekki allir
sem áttuðu sig á þessum atkvæðaseðlum. Það stóð hvergi hvar ætti að setja exið,
hvort það átti að setja það fyrir framan, ofan, neðan eða aftan, ég er bara gáttuð
á þessu kæruleysi þessara sem ráða þessu að láta ekki vita um svona atriði. „Yes
careless pepole I say".

Það þarf því enginn að vera hissa yfir því að það tók tímann fyrir þig að finna út úr þessu
þarna bakvið tjaldið á Álftanesinu,  svo voru þetta svo mörg nöfn sem voru á blaðinu ég verð að játa það fyrir þér að ég var í mesta basli sjálf með að finna út úr því hvernig og hvern ég ætti að
kjósa.

Það bætti ekki úr skák að þurfa að hlusta á gamla manninn bakvið tjaldið við liðina sem
staulaðist fram úr nöfnunum og hugsaði upphátt jafnóðum og hann las: 

Andrea hver er það nú? Já þessi sæta sem er að hjálpa fólkinu, nei ekki hana.

Best að lesa meira.  

Ari er það ekki þessi hraunmaður? nei hann var alltaf með svo vont veður á stöð tvö. 

Hannes það er sá sem talar eins og hann komi frá útlöndum, ábyggilega ágætur hrossabóndi,
en nei ekki hann á Bessó. „no Besso"

Herdís það er sko skutla í lagi, gaman væri að eiga við hana orð svona prívat bakvið
kókkassa, nei annars, ekki hana á Bessó. 

Ólafur,þetta nafn hef ég heyrt einhversstaðar áður. Já nú man ég, er hann ekki bóndi
einhversstaðar? Athuga það betur. Er það ekki hann sem er giftur þessari
útlensku sem ryksugar á Bessó? Það er nú ekki amalegt að hafa hana áfram á
nesinu maður lifandi.

Þóra, er hún ekki ólétt ennþá ? Nei ekki hana þá er enginn til að spyrja í útsvari næsta
vetur.

Svona tautaði gamli maðurinn svo allir heyrðu. Einhver sem sat við borð og skoðaði
ökuskírteinin reyndi að sussa á gamla manninn en ekkert dugði. Hann bara
kláraði þessa þulu sína og spurði svo út í loftið, á að setja kross yfir þann
sem maður vill? 

Svona var þetta nú Dorit mín.

Ég skrifa þér fljótlega aftur mín kæra, mig vantar nefnilega uppskriftina  af súpunni sem þú sagðir frá á elliheimilinu.

Þín einlæga 

Magnea.

 

Kæri kjósandi

Það er enginn spurning
að ég vil konu á Bessastað „yes". Það er nóg komið þótt ekki sé bætt í
karlaveldið.  

Þótt Ari sé hinn
mætasti maður með háleitar hugsjónir og meitlaðar hugmyndir um embættið eins og
hann hefur menntun og reynslu til, þrælvanur að meitla í grjót, þá vantar að konan
sé sýnilegri, og ég vil konu á Bessó og hana nú. 

Hannes eða hvað hann heitir nú Norðmaðurinn er sagður vel giftur og væri fengur í að fá frúna hans
til að taka til í eldhúsinu þarna á Álftarnesinu. „I mean it" 

Herdís mín er nú fengur sem vert er að kjósa jafnvel þótt hún sé með eitt hlaup (einhleyp) er það ekki
svoleiðis annars? Hún verður ekki vandræðum með að ala nokkra alþingismenn upp,
„I say yes" Búin að koma nokkrum börnum af koppunum og það alein. Svo er hún
svo svakalega menntuð kann bæði mannréttindi og allt um kvennalögfræði. „Yes my
girl" 

Andrea dúllan mín, þú ert sko valin frú í hverju rúmi,  búin að
hjálpa heimilunum sem öll vilja þig á Bessó, þó það nú væri „keep on going yes" 

Þóra mín, þér er sko ekki fisjað saman og ekki heldur sundur, myndalegur fulltrúi Jóhönnu og Össurar.
Hvað getum við sagt, pottþétt og málgefin og með eldamann þér við hlið sem bæði
kann að skipta um bleiur og elda hafragraut. Hvað viljum við meira „more".
Auðvitað verður þú annar turninn sem vísar okkur veginn um glapstigu
26.greinarinnar „yes" 

En eins og ég sagði þér kæri hæstvirti kjósandi fer ég ekki ofan af því að vilja konu á Bessó „no
question about it yes"

Því ætla ég að kjósa herra Ólaf því konan sem ég vil sjá á Bessó er auðvitað hún Dorit mín hver svo
sem önnur.

Þín einlæga

 Magnea

 

Kæri Dolittli.

Hvernig dettur fólki í hug að þú kunnir ekki að
reikna?  Ég skil bara ekki hvað gengur á
í hausnum á fólki sem heldur þessu fram, ég verð að segja það .    "Must say so"

Þú endurskoðaðir einhvern banka ef ég man rétt og það var
sko allt í lagi með hann, nema hvað hann fór á hausinn áður en blekið var þurrt
á plagginu. Auðvitað var það ófyrirséð. Engum datt í hug að eitthvað væri að í
þessum bankaskrífli. „NO one I say"

Auðvitað er sjálfsagt að fara verlega þegar verið er að
reikna. „careful yes" 

Þú getur ekkert gert að því þótt hagnaður sé 70
milljarðar þótt þú hafir reiknað hagnaðinn 35 milljarðar.

Hverjum hefur svo dottið í hug að rengja gjaldþrota
útreikningana nema helvítinu honum Steingrími. „fokk him" Auðvitað fara allar
útgerðir á hausinn og það lóðbeint eins og þú segir ef útgerðin á að borga til
eigenda fisksins fyrir að fá að veiða hann. „no way no pay"

Við háttvirtir kjósendur ættum að borga útgerðinni fyrir
að veiða þessar slorugu bröndur fyrir okkur , auðvitað. „of corse"

Kæri Dolittli haltu þínum útreikningum, þú kannt
örugglega betur að reikna prósentur heldur en hyskið í ráðuneytinu, ég er viss
um að þeir myndu falla á barnaskólaprófinu í reikningi. „Yes fall fall to hell"

Ég hef samband seinna Dói minn.

Kær kveðja.

Magnea

Kæri Davíð.

Mikið þótti mér vænt um ábendinguna ykkar Staksteins um
Shengen. Auðvitað eins og allir vita er það afsal á fullveldinu að hleypa hér
inn allskyns útlendingum svo til óheft. „Yes idepend disaster".

Hverjum datt eiginlega í hug að koma okkur í þessa
bullandi vitlausu stöðu eiginlega? „Yes who".

Þetta er örugglega allt honum Steingrími að kenna."who
else" ég bara spyr.

Hver var annars skipsstjórinn á þjóðarskútunni þegar
inngangan í EES var samþykkt ? „Yes I ask".

Hver var svo skipstjórinn á þjóðarskútunni þegar shengen
aðildin var samþykkt ? „I simply ask again".

Þetta var allt saman fyrsta og öðrum stýrimanni að kenna,
það er ég viss um Dabbi minn. Þeir hafa verið á dúndrandi fylliríi og ekki
vitað hvað þeir voru að gera er ég viss um. „drinking problems".

Nú er einhver kerling skipsstjóri sem þú segir réttilega
að sé í einhverskonar EB-vímu hvað svo sem það nú er. „EB-drugs" .

Vonandi eru fyrsti og annar ófullir og með aðra höndina á
stýrinu tilbúnir að rétta kúrsinn. „right the kúrs".

Það væri gæfa þjóðarinnar ef þú af þínu lítilæti gæfir
þeim rétta staðsetningu og hvert skútan á að halda, svo hún steyti ekki á
þessum EB-skerjum. „Yes David me frend".

Elsku drengurinn minn, ekki láta okkur verða EB-plágunni
að bráð. „no".

Davíð minn vonandi er jarðvegurinn í Hádegismóanum
óspilltur af þessu EB-eitthvað.

Ég fylgist með svörunum ef einhver getur svarað þessu með
EES og Shengen.

Bless bless Dabbi minn
Þín Magnea

Kæri Grímur.

Grímur minn hvernig dettur þér eiginlega í hug að búa til
þetta endemis kvótarugl ? „ I simply ask."  

Hvað á svona lagað að þýða ? spyr ég bara. Hvernig eiga
kvótagæjarnir að hafa efni á því að byggja hallir kaupa dagblöð og fyrirtæki
sem þeir settu sjálfir á hausinn? Það er deginum ljósara að ef þeir eiga að
borga líka fyrir fiskinn þá geta þeir þetta ekki. „No way." 

Hvernig er þetta eiginlega með þig Grímur minn, ertu
búinn að gleyma hvernig á að leggja saman og draga frá? Þetta er kennt held ég
ennþá í einhverjum skólum. Það gefur auga leið ef hagnaður er tveir milljarðar
á einu ári og það kostar einn og hálfan milljarð að endurnýja einn togara, þá
eru tuttugu ára einkaleyfi hvergi nóg, bara segi ekki meir. „tell no more." 

Svo ætlar þú ofan í allt að leyfa einhverjum fúskurum að veiða
þrjá fiska af hverjum hundrað sem má veiða. Þessir fúskarar þekkja ekki þorsk
frá grásleppu hvað þá meir. Þaðan af síður vita þeir hvað er sporður og hvað
haus á þessum fiskum sem þeir þekkja ekki.  

Grímur minn hvernig dettur þér í hug að okkar ástkæru
útgerðarmenn sem kaupa allt mögulegt fyrir tap og afskriftir útgerðanna, geti
borgað fyrir fiskinn sem þeir veiða fyrir okkur af einskærri góðmennsku? Nóg er
að þeir borgi Færeyingum þó við förum ekki líka að rukka þá. „no pay I say." 

Grímur minn ég myndi mæta hjá ykkur á fundinn á Akureyri,
ef ég væri ekki svona slæm í mjöðminni. 

Talaðu bara ekki af þér Grímsi minn. 

Þín Magnea.

 

Kæri Geir.

Skelfing er ég lukkuleg með þennan landsdóm. Þú vannst
eins og ég sagði alltaf. Þessir kommúnistar og ofstækisfólk úr hreyfingunni sem
voru að bögga þig ættu bara að skammast sín. „Yes"  Eins og við vitum bæði var þetta bara klámhögg
ætlað til þess að koma óorði á blessaðan blásaklausa flokkinn okkar. „fock them
all." 

Ég skal bara segja þér Geir minn að ég veltist um af
hlátri yfir þessum skrípadómi, ég hef ekki hlegið svona mikið í langan langan
tíma svei mér þá.

Auðvitað er ekkert athugavert við að gera eins og allir
hinir, þessi stjórnarskrá er hvort sem er tómt bull og eingin þörf á að taka
hana of hátíðlega, ó nei.  

Geir minn ég og mitt fólk stendur með þér í baráttunni
við illu öflin sem vilja skemma mannorðið þitt og þíns flokks. „bad people." 

Ég á bara ekki til eitt einasta orð yfir þessari frekju í
fólkinu. Að reiða hátt til höggs og brenna svo af, svei barasta.

Það segir sig sjálft að það var tilgangslaust að rausa eitthvað um fall
bankanna við einhverja ráðherra sem höfðu hvort sem er ekki vit á neinu. „no
way" ég segi bara ekki annað.  

Ég er að spá í að stofna sjóð til að safna peningum fyrir
þig út af þessum málskostnaði sem lögfræðingarnir eru að rukka. Hvernig væri
svona minningarsjóður,? gæti heitið til dæmis HAAARDe sjóðurinn. Þá geta allar
Ragnheiðurnar sent svona minningarkort til þín og látið eitthvað smotterí af
hendi í sjóðinn um leið. Meira um það seinna elsku Geir minn. 

Hlakka til að koma í sigursamkvæmið til þín.

Þín Magnea.

 

Kæri Bjarni „gæsalappi“

 

 

Déskoti ertu flottur á því. Ætlar bara að redda þessu sem þið og frammararnir lögðuð í rúst á 20 árum á ekki nema  1 2 3 4 árum ef ég hef skilið bæklinginn rétt sem kom inn um bréfalúguna hjá mér.

Leggja af skattana  sérstaklega þó eignaskattinn „yes me man". Það léttir nú aldeilis af barnafólkinu, öryrkjum og  öldruðum þungum klyfjum „yes" . Smíða fleiri störf bara eins og 12 þúsund stykki eða svo  „of corse yes" Koma hjólum atvinnulífsins af stað „what else man". Liðka fyrir lánafyrirgreiðslu til  fyrirtækj og athafnamanna  svo sem eins og Ólafs Ólafssonar, Finns Ingólfssonar og Wernesbræðra svo einhverjir séu nefndir. Minn maður ekki hægt að segja annað „me man yes".

Svo ætlarðu Bjarni minn að auka þjónustuna við gamalmennin og láta lækna alla sjúkdóma og maður tali nú ekki um öll sjúkrahúsin sem þú ætlar að láta byggja.  Þessi D-vítamínbylgja er hún ekki komin frá þér Bjarni minn ? ertu ekki að búa alla landsmenn undir að velja D í næstu kosningum XD hvað annað . Flott trix hjá þér elsku drengurinn minn svona á maður að gera „yes".  Svo ætlar þú líka að selja Landsbankann eða kannske bara að einkavinavæða hann eins og  Dabbi og Dóri gerðu.  Mikið hlakka ég til elsku Bjarni minn gæsalappi. Fullt að gera engir skattar allt í gúdí gúdi „yes". Maður tali nú ekki um báknið sem þú ætlar að koma burt maður, sama sagði Hannes Hólmsteinn hér um árið og þú og Geiri Haardi, báknið burt „yes".

Láttu bara ekki Hönnu Birnu snúa á þig á landsþinginu, hún er óttaleg tæfa, svo tapaði hún borginni fyrir klaufaskap,  haltu fast um þitt ég treysti þér til þess elsku drengurinn minn, þá mun ég geta sofnað róleg á kvöldin. Helvítið hann Steingrímur sem hefur sett allt á annan endann í þessu volaða Íslandi, burt með hann og inn með þig gæsalappi minn.

Bestu kveðjur

Þín Magnea

Kæra Katrín

 

Var þér nokkuðn sagt frá því að ungligar lesa og lesa án þess að fatta hvað þeir eru að lesa ? Þegar ég var í barnaskóla vorum við látin lesa og lesa en enginn spurði okkur hvort við vissum um hvað við vorum að lesa. En ég held að það hafi einhvernvegin komið fram og kennararnir bara vitað að við vissum um hvað við vorum að lesa.

Þá voru flestir kennararnir kallar sem okkur þóttu vera eldgamlir en voru sjálfsagt ekkert mjög gamlir. Þá tók það þrjú ár að verða kennari. Nú eru flestir kennarar í pilsi eða kjól og námið er orðið 7+-  og meira að segja í  Háskóla.

Er þá hægt að draga þá ályktun að með meiri menntun kennara og öðruvísi  kynjaskiptingu en var hafi kennslan orðið lélegri eða hvað ? Lesskilning er hægt að kenna, þess vegna er sérkennileg þessi útkoma sem maður les um varðandi skilningsleysi unglinga á því sem þeir lesa. Eg segi  bara ekki annað Kartín mín. Er til einhver skóli þar sem kennararnir eru gamlir kallar sem hafa bara lært að kenna í þjú ár,mér er spurn ? Hvar eiga  tvíburarnir að læra að lesa þegar þeirra tími kemur ?

Kveðja.

Magnea

Kæri Kalli

 

Hvað eru þessir trúleysingjar að brúka kjaft út af einhverju bréfsnifsi  sem þú gleymdir á skrifborðinu hjá þér og hvað á það eiginlega að þýða að skrásetjari heimti að bóka svona snepla „I simply ask". Hvers konar er þetta með hann Bjarna gæsalappa?  Hann er ekkert betri, heimtar að allir þingmennirnir og konurnar fari í kirkju til að hlusta á biskupaorð. Veit hann ekki að það er stórhættulegt að vera á rápi milli kirkju og þinghúss „ dont say more".  Ég segi bara Kalli minn þótt einhver prestur eða biskup hjálpi konum í neyð og lesi yfir þeim huggunarorð og sé mannlegur í viðmóti, er að bara ekki hið besta mál ég bara spyr ?  Ekki dettur mér í hug að þjónar almættisins séu eitthvað hinsegin, hvað þá að þeir séu uppáþrengjandi  við syrgjandi ekkjur ó nei „no no no"  Það þarf nú eitthvað meira en krumpað bréfsnifsi og það óbókað til að fá mig til að trúa því.

Kalli minn haltu áfram á beinu brautinni og láttu ekki öfundarpakkið hafa áhrif á þínar gjörðir „no no no". Það er enginn  betri en þú til að halda trúleysingjunum frá okkar ástsæla Alþingi . Burt með alla trúleysingja og komma úr húsinu.  Ég er viss um að Sigmundur glópalán er okku Bjarna gæsalappa sammála „ no question".

Bless bless

Magnea.

Kæri Páll Magg.

 

Mannstu ekki þegar við vorum að spila Mattador við Árna bóðir þinn ? Árni var þá nýbúinn að setja íslandsmet í að segja af sér Hann og Halldór Ásgíms eru þeir einu ráðherrar sem hafa afrekað að segja af sér á sama kjörtímabili og þeir voru jú í sama Framsóknarflokki þá. Hvernig var það með hann Árna bróðir var það ekki hann sem setti húsnæðisverðið upp til himna með því að hækka lánin frá Íbúðalánasjóði upp í 90 %.

Þið voruð svo fyndnir þá. Ég man að þú varst alltaf að stría Adda bróðir út af þessum 90 prósentum, þú sagðir alltaf þegar Addi mátti kaupa götur í Mattadornum, áttu ekki fyrir þessu Addi minn ? viltu ekki fá 90 % lánað hahahahaha út á þetta?  Addi svaraði þá hvern anskotan meinarðu eiginlega þú hefur ekkert vit á peningum bara bæjarritari í gjaldþrota  bæjarfélagi, það væri mátulegt á þig að setja þig yfir sölu á bönkum eða eitthvað.

Nú hefur þetta ræst sem Addi bróðir var að stríða þér með, bara orðinn forstjóri yfir bankasýslu ekkert annað vaó maður „yes yes". En ekki vantar öfundina hjá þessum kommum og krötum , ekki dettur Dabba á Mogganum í hug að öfundast út í þig og þá ekki Sigmundur glópalán ekki heldur „no me frend" .

Svo eru illar tungur að tala um að það sé einhver að borga fyrir veittan greiða úr fortíðinni „I ask simply" er þetta virkilega satt ? Hvaða greiði er þetta sem bankasýslan er að greiða fyrir ég bara spyr ? Veit Sigmundur glópalán eitthvað um þetta eða er þetta eitthvað í sambandi við vinkonu þína hana Sverrisdóttur þarna að norðan, ég  botna bara ekkert í þessu Palli minn.

Láttu ekki nöldrið í þessu vinstra pakki hafa áhrif á þig haltu þínu hlikkjótta striki ótrauður og líttu ekki um öxl. „Yes"  Palli minn ekki gefast upp þátt þeir kasti gleri úr steinhúsi . Stingdu bara hausnum í grjótið og láttu sem þetta pakk sé ekki til „Yes"

 

Þín Magnea