Kæri kjósandi XS

Mikið þótti mér vænt um Jóhönnu þegar hún flutti framboðsræðuna um árið. Hún sagði með þunga, skuldir heimilanna eru alltaf að aukast, þetta sagði hún eftir hækkun á smérinu. Þegar við Samfylkingin verðum komin í stjórn verður það okkar fyrsta verk að afnema verðtryggingu á lánum almennings.  Svo ætlum við líka leiðrétta stökkbreyttu lánin ykkar. Gott hjá Jóku minni, „good Jok yes".

Við munum slá skjaldborg um okkur þingmenn en setja upp tjaldborg fyrir ykkur aumingjanna sem kusuð okkur.

Við munum sjá til þess að skuldir verði afskrifaðar hjá útrásarvíkingum og öðrum sem eru okkar menn.

Við munum gæta þess að auðmenn tapi ekki á einhverri verðbólgu.

Við munum sjá til þess að þið aumingjarnir sem kusuð okkur verði rukkuð um hverja krónu sem þið tókuð að láni.

Við munum ekkert gera varðandi ólögleg lán til ykkar aumingjanna, þið bara borgið og hana nú, „yes pay you stupit fool"

Allt verður uppi borðinu, það verður allt upplýst smátt og stórt allar ákvarðanir verða aðgengilegar, öllu verður velt við og almenningi veittur aðgangur að þeim, ekkert verður falið.

Rannsóknarskýrsla verður höfð til að draga þá til ábyrgðar sem settu allt á annan endann, glæponarnir verða látnir sæta ábyrgð og endurgreiða illafengið fé. „wery good Joka yes I lowe you"

Ha, hvað ertu að segja á að geyma þessar skýrslur í 100 ár? Elsku besta eitthvað er nú bogið við þetta.

Bara til að upplýsa ykkur kjósendur Samfylkingarinnar, þá hefur aldrei verið meira leyndó yfir gerðum banka og ríkistjórnar eftir að Jóka mælti þessi orð. Verðtryggingin er enn, og hækka skuldir heimilanna í hvert skipti sem smérið hækkar. „yes pay more"

Við sem elskum Samfylkinguna kjósum að sjálfsögðu hana Jóku einu sinni enn XS XS Jóka er best hvað annað svo sem?

Ykkar einlæga.  Magnea

Kæri kjósandi, XB

Það voru nú góðir tímar meðan Halldór okkar Ásgrímsson var að braska með bankanna í bakherberginu  hjá honum Davíð okkar, „yes brask". Ef ég fæ Búnaðarbankann þá mátt þú fá Landsbankans sagði Dóri en bætti við, ég vil að hann Finnur minn fái skoðunarstöðina og eitthvað smávegis meira, „yes a litle more". En þá verð ég að fá eitthvað af keflavíkurvellinum sagði Dabbi. Svona gekk þetta nú fyrir sig, Yes me dear".

Svona eiga pólitíkusar að gera. Þessi helvítis almenningur er ekki of góður til þess að gefa okkur þetta smáræði. Lægst virtir kjósendur eiga ekkert með að finna að þessu, og hananú. Ekki var nú að spyrja að því mokað var í almenning súkkulaði og lygum um stöðu fjármála. Allt í þessu fína „wery fine yes".

Við frammarar segjum bara, kjósum Sigmund glópalán, hann er ekki í sama framsóknarflokki sem var þegar Halldór og Valgerður stjórnuðu honum. XB segi ég bara, „yes wote XB"

Ég er bara hálf ringluð í dag var ég ekki rétt áðan eða var það í gær að segja XD? Ég held bara að ég verði að leggja mig.

Ykkar Magnea

Kæri kjósandi, XD

Halldór evruverkfræðingur segir að kosningabaráttan sé byrjuð. Hann segir líka að Sjálfstæðisflokkurinn sé eini flokkurinn sem treystandi sé fyrir því að stjórna landinu.

En elsku besti kjósandi, yes dear woter" líttu nú á.

Í stjórnartíð Sjálfstæðisflokksins, sem hrópaði báknið burt, hefur báknið vaxið og stækkað um 40%.

Í stjórnartíð Sjálfstæðisflokksins og Framsóknarflokksins voru bankar afhentir flokksmönnum sem reyndust vera ótíndir glæponar. Þetta var kallað einkavæðing en var í raun einkavinavæðing. Síminn var afhentur samskonar mönnum Áburðarverksmiðjan og Sementsverksmiðjan sömu leiðis. Svo má ekki gleyma því að undir stjórn sömu flokka fór Seðlabankinn á hausinn. En eins og Halldór verkfræðingur segir réttilega, hvað erum við að pæla í svoleiðis smámunum, við eigum bara að hugsa í sjálfbæru núinu.

Auðvitað kjósum við Sjálfstæðisflokkinn hvað annað ég segi bara það, „tell no more"

Ykkar einlæga Magnea.

Kæri LÍN

Ég var að lesa fréttina þína um áætlanir og útkomu sjóðsins undanfarið. Áætlun stóðst engan vegin ekki einu sinni sem einskiptisaðgerð. LÍN minn hvað ertu að hafa áhyggjur af einhverri einskiptisaðgerð og samsetningu námsmanna, „I simply ask" Hvaða rugl er þetta eiginlega á þér ?

Þú getur sparað milljónir á því að taka upp BörBörs kerfið í bókhaldinu hjá þér. Hættu öllum áætlum og svoleiðis hégóma sem skilar bara ykkur reiknurunum svekkelsi og veseni við að útskýra bullið, „yes bullshit".Það virðist vera sama hversu mikið þið lærið að reikna þarna í SúperGaggo á Melonum  ykkur tekst bara ekki að gera áætlanir sem reynast í námunda við veruleikann, sama hvort það er byggingarkostnaður, rekstrarkostnaður eða annað. BörBörs kerfið klikkar ekki, „dont klikk no"

Fyrir þá sem ekki þekkja BörBörs kerfið þá er það byggt upp af tveimur nöglum, „yes two spikes". Naglinn inn og naglinn út einfalt og gott, „wery simple yes" Ef meira er á naglanum út er tap, en ef meira er á naglanum inn þá er gróði, elsku LÍN mín taktu upp þetta kerfi og þá verður Grímur ánægður. Það má alltaf gera áætlanir eftir á það er sára simpilt að láta þær standast, „yes"

Ég kveð að sinni.

Þín Magnea

Kæra Kolbrún Bergþ

Kæra Kolbrún Bergþórs.

Mikið er það satt hjá þér sem þú páraðir í blaðið ykkar Dabba. Auðvitað er það tómur dónaskapur og ekkert annað en öfund þegar verið er að klína því á Bjarna gæsalappavafning og Sigmund glópalán að þeir séu þar sem þeir eru vegna þess að pabbar þeirra eru svo ríkir, „yes welthy".

Þeir geta ekkert gert að því þótt þeir eigi ríka pabba.

Það er ekki að spyrja að þessu öfundarhyski í Samfylkingunni sem ekkert vit hefur á peningum, þeir sjá drauga í hverri peningahirslu. „yes ghosthillu" eins og reykhús sagði svo snilldarlega á sínum tíma.

Fattar þetta pakk ekki að velgengni íslenskar stjórnmálamanna fer ekki eftir því hvort pabbarnir eigi einhverja aura eða ekki, heldur fer frami þeirra eftir því hvað pabbarnir hafa fengið mikið afskrifað af skuldum og hve marga vafninga þeir hafa tekið, „yes turning papers".

Þetta fólk veit bara ekkert hvað það er að nöldra og ætti bara að skammast sín, „blame them all"

Eins og hægt sé að afskrifa hjá hverjum sem er, nei svoleiðis er ekki gert. Það verður að velja rétt fólk til að afskrifa hjá og ekki stjórnar Bjarni gæsalappi því, „no control" en spurðu hann Steingrím hann stjórnar afskriftum. „yes"

Kola mín haltu áfram að skammast út í öfundarpakkið þú ert best í því, láttu bara ekki skáldagyðjuna stjórna því hvar þú párar, þú gætir gætið fengið nobelinn og ekki er það nú gott.

Ég hef samband við tækifæri Kolla mín

Þín Magnea

Kæra Harpa

Ég sá það í blaðinu hans Dabba að allt sé í mínus hjá þér Harpa mín. Engar áætlanir hafa staðist, þrátt fyrir að margir reiknarar hafi reiknað og reikað í marga daga.

Hvernig var það nú aftur, voru reiknararnir ekki með reikningspróf úr Súper-gaggó á Melonum ? Voru enginn í þessum átta stjórnum sem sjá um þig Harpa mín þess umkomnir að reikna fyrir þig kostnaðinn sem þér fylgir? Vita þessir aular ekki að nylonsokkar kosta sitt nú eftir hrun ?

Hvernig datt þessum reiknurum í hug að það þú slippir með fasteingnagjaöld eins og af fjósinu hans Nuplólétt á Grímsstöðum? „I simply ask me dear"

Eins og stelpan í ráðuneytinu segir, þú hefur ekki selt þig nógu dýrt. Þú verður að hækka gjaldið og sleppa því að bjóða þessu fólki sem segist hafa vit á menningu. Það er ekkert of gott til að borga þér almennilega fyrir þjónustuna. „yes pay resonable price".

Ég segi bara við þetta pakk sem er að nudda í þér. Hættið eins og skot og látið hana Hörpu mína í friði, það voruð þið sem sköpuðuð hana og ykkar að borga meðlagið og hananú, „yes pay the medlag"

Harpa mín það er ekki þér að kenna þótt þú sért ekki rétt verðmetin. Þú verður aldrei seld á einhverju bónusverði nei nei. „no bónus price"

Harpa mín ég fylgist með hverjir fara á þig á næstunni, en láttu þessar átta stjórnir skammta þér fyrir nærum og sokkum einhverja hungurlús. „jes hungerjús"

Harpa mín hafðu það sem allra best.

Þín einlæga  Magnea.

Kæra Margrét T

Elsku dúllan mín hvað fannst þér að? Kjólföt og glingur. Máttu kjólfötin ekki vera í
hvaða lit sem er? Ég bara spyr,"yes simply ask". Þú hefðir nú tekið þig vel út
í hvítum kjólfötum eða maður tali nú ekki um í bleikum, maður lifandi, „yes".
En mér fannst nú helvíti klárt hjá stjóranum að mælast til þess að þið kæmuð
með nýburstaðar tennur og samlitum skóm, með skafið undan nöglunum.

Hugmyndin um sterkan leiðtoga sem þú settir fram er fjári góð. Ég tel það enga spurningu
Magga mín að þú átt við hann, æ hvað heitir hann nú aftur?   Þór eitthvað,
„yes Thor Sar". Ekki er þinginu treystandi fyrir svo miklu sem að skrifa herra
Ólafi þakkarbréf fyrir að leiða okkur inn í næsta kjörtímabil. Hugsaðu þér bara
ef Thora hefði verið kosin, þá hefði Steingrímur ef til vill þurft að klæðast
mussu, „yes muss"

Hvernig líst þér á þá hugmynd að bjóða sauðsvörtum almúganum til þessarar innsetningar
forsetans og þið sem vinnið hvort sem er í húsinu fengjuð bara frí á meðan. Það
mætti notast við slump-úrtak frá einhverjum Gallúpum eða Capasentum við val á
boðsgestum, konur í kjól og menn í buxum, allir með nýburstaðar tennur, einfalt
og verður örugglega vinsælt meðal ykkar þingmannanna.

Magga mín bestu kveðjur í þingið.

Þín
Magnea

Kæri Eiður.

Ég er nú
aldeilis hissa á þessu nöldri í þér Eiður minn út í þennan tekjusnepil."nag nag". 

Auðvitað
og augljóslega eru mótmæli íhaldsins út í snepilinn vegna minnimáttarkendar
fyrrverandi borgarfulltrúa, sem skammast sín fyrir að hafa ekki nema 400þúsund
spírur á mánuði, meðan Georg Bjarnfreðarson sem nú um stundir gegnir nafninu
Jón Gnarr er með tæpar 1200spírur, „yes".

Svo á hinum enda Eiður minn eru kallar eins og þú og Davíð sem finnst að þið eigið
skilið að fá þessa aura frá okkur,og finnst að ekki neinum komi við hvað þið fáið í
ellinni og hvaðan þeir koma, „leyndó leyndó Já" 

En bara til að hressa uppá minnið Eiður minn þá færðu þessa aura frá okkur, þessum
háttvirtu kjósendum, fyrir þær sakir að þú varst einu sinni gerfikrati sem blekktir okkur kjósendur. 

Þú varst svo sem ekki einn um það því ekkert hefur breyst frá því þú varst upp  á þitt besta í pólitíkinni. 

En elsku Eiður minn þú átt samúð mína alla út af þessum tekjusnepli. Ég var nærri búinn
að gleyma þeim félögunum Dabba og Júlla borgó, en þeir eiga samúð mína líka. 

Bless Eiður 

Magnea  

 

Kæri Hannes.

Það er ekki að spyrja að DV-kommunum. Nú eru þeir búnir
að sniffa einhvern leyniklúbb, sem þeir halda fram að þú sért  forsprakki að, „yes the forsprakk".

Þessir öfundarpúkar eru bara svekktir yfir því að þeim
datt þetta ekki sjálfum í hug á undan ykkur, „yes to late for them".

Svo halda þeir því fram að þið AB félagarnir hafið ekkert
vit á frjálshyggjunni, svei þeim bara „yes svei them all".

Hverjir ættu svo sem að hafa vit á henni ? ekki voru það
þeir sem settu allt á hinn endann, og ekki var það ykkar túlkun á
Fridmennskunni ó nei nei.

Það er öllum ljóst sem eru með gleraugu að það var
helvítinu honum Steingrími að kenna hvernig Fridmennskan setti allt á hinn
endann. „who else I simply ask"?

Gott hjá ykkur að setja upp þennan rannsóknarklúbb, tími
til kominn að rannsaka fjárfrelsið, þótt fyrr hafi verið."yes erlier" segi ég
bara.

Hvað með það þó góðviljaðir útgerðarmenn víki að ykkur
einhverjum aurum? Hverjum kemur það svo sem við? Það kostar sitt að kaupa
blýanta og blöð nú til dags ég segi ekki meir. Þessi öfund leiðindapúkanna út í
ykkur og útgerðina er bara óþolandi nag. „yes nagnagnag".

Flott hjá ykkur Hannes minn að nota AB gamla sem greni
fyrir þessar rannsóknir. „yes I like it"

Engar smá kanónur sem stjórna rannsóknunum Gísli, Jónas
og Jónmundur allir valinnkunnir menn vanir hverskyns rannsóknum bæði í bönkum
og bæjarstjórnum.Hannes minn ég er ekki neinu stuði eftir að ég frétti af
þessum rannsóknarklúbbi, en ef ég næ vopnum mínum aftur eins og einhversagði þá
sendi ég þér línu."yes send you a line".

Bestu kveðjur
Magnea

Kæra Ólina

Ég sá í DV að
þú ert farin að leika með litaspjöldin aftur. „the color card"  

Þú gafst eimingja Óla gult spjald ég veit ekki fyrir hvað eiginlega, en hann verður áræðanlega ánægður
með það þótt hann hefði frekar viljað blátt spjald. 

Þetta er lauk rétt hjá þér ólína mín nema hvað þú áttir að reikna með kjósendum í EB sem eru
einhverjar milljónir þá hefðir þú fengið sanna mynd á fylgi Óla. Einhverja núll
komma núll eitthvað svo þetta er augljóslega rautt spjald en ekki gult. Svo var
hann áræðanlega rangstæður í þokkabót og ætti að dæma á hann víti að auki. 

Þá gæti Þóran þín staðið uppi sem ótvíræður sigurvegari og flutt á Bessó strax eftir helgi. Þar
er nú aldeilis hægt að brjóta blöð við stóra borðstofuborðið. Stjórnmálasagan
verður þá margbrotinn af henni Þóru þinni. „yes multi broken".  

Ef þú finnur fleiri spjöld sama með hvaða lit, sendu mér þá línu lambið mitt.

Þín Magnea