Kæri klerkur

Hvað eru menn eiginlega að jagast út í þig fyrir að senda dauðþreyttan tengdason á hvíldarheimili
á Spán, ég bara spyr? Er öfund þessa fólks bara óendanleg? Mér finnst bara að
þessir öfundsjúku nöldrarar ættu að skoða í eigin barm. „yes I say so"

Hvernig var það eiginlega með ykkur, stálust þið ekki til að kaupa eina fimmaurakúlu þegar
amma ykkar sendu ykkur út í búð til að kaupa þverskorna ýsu, ég bara spyr? „I
simply ask"

Ef þið eruð svona helvíti heiðarleg, þá spyr ég bara hvort þið öfundarpúkarnir ykkar
hafið ekki gert ykkar til að setja landið á hausinn? Voru það ekki þið sem
keyptuð alla flatskjáina og hrærivélarnar svo maður nú ekki tali um allar
utanlandferðirnar?

Svo var tengdasonurinn og maður nú ekki minnist á dótturina búin að vinna ómælda vinnu
fyrir þig í sambandi við einhvern aur... e..eða eir ég tók ekki eftir hvort var.
Ég bara bið ykkur þarna úti að gera svo vel og hætta þessu nöldri út í
klerkinn, þetta er góður vinur minn og hans Dabba míns, svo bara hættið þessu
segi ég „yes stop it". Við ykkur sjálfstæðiskonur segi ég, myndið skjaldborg um
klerkinn og Dabba, og látið ekki skrílinn ná að kasta óþverra í þá.

Svo er  etta auðvitað allt helvítinu honum Steingrími að kenna, „yes fock him".

Elsku klerkurinn minn Gummi veri með þér.

Ps. vertu ekkert að þvælast niður í bæ á kvöldin.

Þín elskulega
Magnea.

Kæri Halldór evruverkfræðingur

 

Ég verð bara að segja það Dóri minn, um flokkana að:

B-listinn listi farmsóknar, einkavinavæðingarflokkur aðal hvati að aukinni verðbólgu. Afglapar í stjórn hafa kostað þjóðina hundruð milljarða með röngum ákvörðunum, engum ávörðunum og klúðri. Gáfu sér Búnaðarbankann        Hæfileg refsing, að vistast í Breiðavík.

D-listinn listi sjálfstæðismanna einkavinavæðinaflokkur. Bláeygir draumóramenn Meðhöfundar af verðbólgu vitleysunni. Hefur hagsmuni af því að vera í stjórn. Greiddi framsókn uppsett verð fyrir að fá að stjórna. Reyndi ekki einu sinni að prútta. Samanstendur af reiðum íhaldsbullum sem misstu og klúðruðu  tækifærunumm til að græða. Þeir ættu að vera líklegastir til að bjarga skútunni, ef þeir hefðu anda stofnenda flokksins að leiðarljósi, en eru blindir, heyrnalausir og það sem verra er dómgreindarlausir. Þar virðast hafa valist til forystu ýmist pólitísk núll eða afglapar. Eru að missa kvótanum fyrir klaufaskap og eru því reiðir.         Hæfileg refsing, að Hannes Hólmsteinn lesi fræðin sín fyrir þá á kvöldin.

S-listinn listi prjónakvenna og uppgjafa krata. Stundar kröfugerð að sið korngjafapólíkusa. Hafa enga hugmynd um hvert þjóðarskútan stefnir. Vilja vera grænir í frama og ganga yfir hálendið. Stunda kosningasvik alla daga, klúðra öllu sem þeir taka að sér. Lofuðu einhverri skjaldborg fyrir fólkið í landinu sem missti allt sitt þegar Solla leiddi flokkinn inn í flokk Davíðs. Sló skjaldborg yfir bankaidjóta og vogunarsjóði.           Hæfileg refsing, Þjóna D-listanum til borðs og sængur.

V-listinn, listi korngjafapólíkusa, vilja ekkert,  segja nei við öllu. Kunna eða nenna ekki að reikna, blabla og handbremsu flokkur. Eru grænir í framan. Keppast við að svíkja kosningaloforð sín eins og listi prjónakvennanna. Hafa valið sér til forystu pólitíska þursa og þversumma, Eru hver á móti öðrum, koma sér ekki saman um nokkurn skapaðan hlut.     Hæfileg refsing, sitja yfir B-listanum í Breiðavík.

Þetta segi ég þér Dóri minn. Hvernig á fólkið svo að greiða atkvæði næst þegar það mætir á kjörstað? Ég veit bara ekki hverja aumingja fólkið á að kjósa. Nema, ef til kemur nýr flokkur sjóræningja-dögunar með bjarta framtíð.Hann er bara ekki kominn út úr skúmaskoti stjórnmálanna. Ég bíð spennt.

Þín Magnea

Kæri Jón Valur

Mikið þykir mér vænt um skrifin þín. Þú segir sko aldeilis rétt þegar þú bendir á að við missum sjálfstæði okkar við það bara að horfa í áttina að Evrópu. Fullveldið fer til helvítis alveg eins og hjá Dönum og Svíum, svo ég minnist ekki  á aumingja Finnana, þetta lið hefur allt glatað sjálfstæði sínu og ákvarðanatöku yfir málefnum Portúgala.

Auðvitað er ekkert vit á því að breyta einu eða neinu hér í þessu volaða samfélagi Jón minn Valur. Hvaða vit er til dæmis í því að þjóðin fái arð af auðlyndum sínum ég bara spyr? Hvaða vit er í því að taka kvótann af blessuðum englunum sem af stakri fórnfýsi  veiða fyrir okkur fiskinn án þess að þurfa að borga fyrir veiðileyfin?  Hvernig eiga þeir svo sem að geta borgað?  Til dæmis skuldar Samherji  sem svarar 501 hjartaþræðingavél, það er ekki sanngjarnt að þeir þurfi að borga þetta lítilræði (75 milljarðar).

Nei Jón minn Valur, þar sem  mikill minnihluti kjósenda  sagði já,  en þeir sem sögðu nei  tilheyra miklum meirihluta kjósenda, vandinn var bara sá að þeir sem ekki greiddu atkvæði rötuðu ekki á kjörstað til að segja nei.

Helvítinu honum Steingrími að kenna að setja ekki upp almennileg skilti svo fólk jafnvel með smá í öðrum eða báðum fótunum rataði til að kjósa.

Ég segi bara það Jón minn, það er ekki hægt að hafa almennilegar þjóðaratkvæðagreiðslur hér fyrir villitrúarfólki sem hugsar bara um brennivín og heldur að kosningar snúist um öl og partí.

Skrifa þér seinna elsku Jón minn

Þín Magnea

Kæra Anna B.

Leiðbeiningarnar sem þú gafst í fyrradag hafa greinilega virkað. Þegar ég gjóaði augunum á tölvuskjáinn sá ég að 66% höfðu sagt já, bara eins og 66° norður.

En ég spái því að Bjarni gæsalappavafningur „goose foot twister" og hans lið segi eins og Ingibjörg Solla sagði í Háskólabíói, þetta er ekki  Íslenska þjóðin, þetta eru bara nokkrir lúserar sem þola ekki réttlæti okkar Sigmundar glópaláns.

Elsku Anna mín, ég vona að þér líki útkoman. Það er alveg rétt hjá þér að benda Bjarna gæsalappa á það, að þeir sem heima sátu og sötruðu bjór og kaffi meðan þú og við sem  dröttuðumst á  kjörstað og greiddum atkvæði  , treystu bara ekki á sjálfa sig. Eins og þetta var nú einfalt þegar maður las leiðbeiningarnar frá þér, elsku Anna mín „so simple"

Ég skil bara ekkert í þessu fólki það hlýtur að vera Íslenska þjóðin sem sat heima og sötraði bjór og kaffi, nema þeir sem sögðu nei, það er örugglega líka hluti Íslensku þjóðarinnar.

Já lúserarnir tilheyra einhverri annarri þjóð Anna mín, þetta lið ætti bara að setjast að á Tenerífe eða einhversstaðar þar sem sólin skín.

Elsku Anna mín nú bíð ég eftir úrslitunum og viðbrögðum fræðimanna eins og til dæmis Hannesi þjófi og Jóni Steinari fyrrverandi.

Elsku Anna mín ég læt þetta duga í bili.

Bestu kveðjur, til ykkar hjónanna, og góða ferð.

Magnea

Kæra Anna B.

Mikið þótti mér vænt um þegar þú bauðst til að leiðbeina okkur aulunum hvernig við eigum að greiða atkvæði á morgun.

Þessi stjórnarskrár snepill er ekkert annað en arfavitlaust plagg sem þið skuluð ekki eyða tíma í að lesa. Svo er þetta ekkert annað en útúrsnúningar og þvæla um að okkar fólk megi ekki ráðstafa þessu sem enginn veit hvað er en en er kallað auðlindir. Hverskonar rugl er þetta eiginlega? ég bara spyr „yes simply ask".

Og svo er eitthvað í þessum snepli sem þessir menn kalla þjóðin. Þjóðin hvað er nú það eiginlega, geta þessir menn skýrt það ég bara spyr? Solla sagði í Háskólabíói að þúsund manns væri ekki þjóðin, svo þið sjáið bara hverskonar rugl þetta er eiginlega. „ yes bullshit"

Anna mín þetta er allt rétt hjá þér og leiðbeiningarnar eru kristalklárar. „kristal clear yes"

Voru þær ekki svona annars?

Ef Bjarni gæsalappi, Sigmundur glópalán, Dabbi Hádegismóri, Nonni hæstaréttar, Geir Hardi og Hannes þjófur segja nei,  þá skalt þú segja já, svona einfalt er þetta nú.

Þetta er nú bara svo skírt að það er algjör óþarfi að lesa þetta plagg sem þú sagðir okkur frá.

Skrifa þér eftir helgi ef úrslitin verða hagstæð.

Kveðja, Magnea

Kæri Björn Valur.

Hvað á þetta eiginlega að þýða, þetta nöldur út í renda (ríkisendurskoðanda)?

Hvað átt þú með að hrekkja eymingja manninn út af einhverjum pappírum sem hvort sem er ekkert að marka?  

Hvaða umboð hefur þú eiginlega til að láta svona út í renda? „I simply ask“.

Er rendi ekki ykkar maður ég bara spyr?“  „yes“. Svo ertu með aðdróttanir út í Fjársýslu eitthvað um að þeir hafi keypt einhvern gagnagrunn þegar hann hélt að verið væri að kaupa kerfi sem átti að kunna bæði samlagningu og frádrátt. Svo segir Bjössi líka að þrír bræður hafi setið allt í kringum borðið og spilað mattador.

Einn keypti Skyr og breytti því í Andvana eða eitthvað svoleiðis, ég segi eins og mætur maður í Landsbankanum sagði um árið, þetta er tær snilld.

Auðvitað man einn bróðirinn ekki að þetta var bara gagnagrunnur, enda er ekki hægt að skrifa lofgrein um úreltan gagnagrunn eins og hann sé bókfærslukerfi. Þetta vissi skriffinnskustjóri Alþingis mæta vel og henti þessum grunni út í hafsauga. Haarda hefði verið betra að Sappa sig í genum þetta mannaulskerfi með naglanum inn og naglanum út.Ég segi bara Bjössi minn, hættu að stríða renda og fjársýsla, þetta eru vaskir menn og örugglega grandvarir og vandaðir embættismenn, svo eru þeir líka svo barngóðir.Ég á eftir að skrifa þér harðort bréf ef þú hættir ekki að hrekkja vini Haarda og Dabba. Þín Magnea

 

Kæri Guðbjartur

 

Kæri Guðbjartur

Þetta eru nú meiri lætin út af þessum smáaurum sem þú ætlaðir að slaka á forstjórann fyrir frábæran niðurskurð á spítalanum. Mér finnst þú hefðir átta að hafa upphæðina minnstakosti helmingi hærri segi ég bara, eina millu segi ég og skrifa. Þú ættir að tala við Svíana um að taka þátt í greiðslum til forstjórans sem þakklæti  fyrir að forða sænska heilbrigðis kerfinu frá niðurskurðarhnífnum hans. „yes"

Hvað eru svo þessar hjúkkur að væla,  fá þær ekki hafragraut úr mötuneytinu eins og magasjúklingarnir ? Ekki veit ég betur. Þetta  er alltaf eins þetta væl í ykkur, ekkert má án þess að þið hefjið nöldurkórinn, og alltaf sama lagið, „same tune" Öfund og jag eru mín vopn, halelúja, amen.

Guðbjartur minn láttu ekki hvarfla að þér að biðjast afsökunar á þessu, þetta er sanngirnis mál, það kostar sitt að hafa nýbrýnda kuta þegar þarf að skera niður og hver á svosem að borga fyrir skerpingu kutans ég bara segi það? Þetta með að fæstir deyi hér á spítölum eftir uppskurði sem stóð í einhverri nýútkominni skýrslu, er það ekki bara vegna þess að nýskornir eru sendir heim þar sem þeir svo geispa golunni ? Þar með er spítalinn stykk frí, snjallt maður. Þetta hefur forstjórinn áræðanlega fundið upp, stór snjallt maður." Yes klever man" Guð minn haltu áfram ótrauður og hlustaðu ekki á öfundar og nöldurkórana. Þið finnið einhver ráð til að lauma þessari hálfu millu í vasann hjá forstjóranum svo lítið beri á. Ég brýni þig Guðbjartur minn, láttu ekki dreiöan síga eða deigan síga meina ég, „keep on running yes"

Ég kveð í bili

Þín Magnea

Kæri Leifur Eiríksson

Ég kom til landsins um daginn. Mikið skelfing er leiðinlegt að berjast gegn slagveðursrigningu að þessum rútum sem boðið er að ferðast með til Reykjavíkur. Hvernig er það með þig kæri Leifur hvaða sérfræðinga réðir þú til að gera þetta arfa vitlausa skipulag á samgöngum  til og frá stöðinni þinni á Keflavíkurflugvelli? Ég bara spyr, „ I simply ask"

Hvaða hálfvitar fundu út að láta rúturnar bíða hálfa vegu til Hveragerðis? Þetta er nú ljóta skipulagið, ekki einu sinni vangefnum myndi detta þetta í hug hvað þá meir, „no nono".

Það er ég viss um að þessir skipulagsaular eru búnir að læra einhver ósköp í súpergaggó á Melunum um skipulag samgangna  það er ég viss um.

Þeir fara aldrei í rútu suður á Keflavíkurflugvöll og þaðan af síður af vellinum til Reykjavíkur, svei þeim bara. Ég bara bíð eftir að Stebba frænka komi heim frá Kanarí í janúar á sandölunum í sjö vindstigum 10° frosti og snjókomu. Sennilega best að fá sjúkrabíl á staðin svo hún komist á elliheimilið óbrotin greyið.  Leifur minn þú manst í Ameríku forðum daga var þetta ekkert vandamál, engir flugvellir bara bryggjustubbar. Elsku drengurinn minn gætir þú ekki snúið þér svo sem eins og fjóra hringi í dysinni og gengið svo aftur og tekið í lurginn á þessum háskólavanvitum sem skipulögðu þessi rútustæði hjá þér.?

Ég bara segi ekki annað, „tell no more, fock them all"

Leibbi minn ég bið gömlu konuna vinkonu hennar Stebbu frænku um að ná í mig á völlinn næst þegar ég kem á skerið, ef það verður þá eitthvað næst.

Leibbi minn þetta er nú gott í bili.

Þín Magnea.

Kæri Ögmundur.

Þú ert frábær, lætur ekki neinar jafnréttiskerlingar smekk fullar af öfund stjórna þér. Auðvitað ræður þú hverja þú hefur í vinnu hjá þér, ekki nema hvað? „so what"  Ég segi bara það haltu áfram að stjórna og gefðu frat í þetta nöldur sem er út í þig. Það kostaði Jóku ekki nema 500 þúsund að gera eins og þú gerðir, svo það ætti ekki að kosta þig meira en hana Jóku, og hvað er ein milla í sláturtíðinni ? „I simpy ask"

Þetta jafnréttiskjaftæði sem þið Jóka lofuðuð er bara til heimabrúks um helgar fyrir lúsera sem fá hvort sem er ekki vinnu neins staðar, „yes lusers". Öfundarpúkarnir sem eru að jagast út í þig og Jóku eru bara öfundsjúkir út í ykkur, af því þið eruð í stjórn. Þeir myndu gera nákvæmlega sama ef þeir réðu, það hafa þeir sýnt. Ögmundur minn, haltu áfram að stjórna og láttu ekki grátkerlingar afvega leiða þig með þessu jafnréttis röfli. „yes"  En mundu bara eftir henni Soffíu frænku hún verður að fá vinnu hvað sem það kostar, hún er svo blönk greyið. Upplagt að nota þetta jafnrétti til að koma kellunni í vinnu. Auðvitað ferðu að lögum þegar þú reddar henni Soffíu.

Getur þú ekki endurnýjað þessa jafnréttisnefnd og losað þig við þessar nöldurkerlingar sem halda bara að þær eigi  að ráða ?

Láttu þér bara ekki detta í hug að segja af þér út af þessu nöldri. „nag nag nag"

Öggi minn þú veist að ég stend með þér.

Kveðja þín

Magnea

Kæri kjósandi XV

 

Mér þykir græni liturinn hjá ykkur svo fínn, hann er svo róandi og mildur. Þegar maður æsir sig upp út af því að maður er blankur, þá þarf maður ekki annað en horfa á flokksmerkið græna, þá róast maður og gleymir blankheitunum. Ég hef tekið eftir því að Bjarni gæsalappi Ben og Sigmundur glópalán geispa þegar þeim er litið á græna litinn í merkinu ykkar, hann er svo róandi að jafnvel heitustu andstæðingar ykkar sofna bara við að sjá hann.

En elsku Grímur minn, mér finnst þú eigir að láta lita á þér skeggið, það er hörmung að sjá það, bara ekkert grænt í því.

Þið Jóka eruð góð saman, allt í leyndó og afskriftir hægri vinstri, allir happó nema þeir sem kusu ykkur í þeirri trú að einhver breyting yrði á fjármálaruglinu. „yes mony mess". Hvernig var það nú annars ætluðuð þið vinstri grænir ekki að gera eitthvað við verðtrygginguna? Var ekki meiningin að fletta ofanaf öllu svindlinu og sukkinu? Átti ekki að skamma ljótu strákana í bönkunum sem tóku sér margföld laun við að koma landinu á hausinn? Ætluðuð þið ekki að skamma fjárhættuspilaranna í lífeyrissjóðunum fyrir  að tapa lífeyri gamalmennanna sem borguðu í þá ?

Kæri Grímur minn illa finnst mér þú hafa farið að ráði þínu að taka það í mál að starfa með XS án þess að gera þá kröfu til þeirra að þeir losuðu sig að minnsta kosti við hrunstjórnarráðherrana og jafnvel fleiri. „yes throw them all out".

Ég fæ ekki betur séð að flestir sem voru í stjórnum fyrirtækja og settu þau á hausinn séu það enn eftir milljarða afskriftir. Er þetta í anda í velferðarstjórnar ykkar Jóku? Ég bara spyr. „I simply ask".

Er það ykkar vilji að þeir sem tóku ólögleg lán, séu rukkaðir eins og allt sé í stakasta lagi? Er það svokallað velferðarréttlæti? Ætlið þið vinstri grænir að standa að því að tæma lífeyrissjóðina í steypumót á Landsspítalalóðinni ? Er einhver velferð fólgin í því að eiga steinkassa en ekkert til að setja í hann? „Yes emty concret box".

Elsku kjósandi XV ég segi bara bið þig. Nú verð ég að horfa á græna litinn svo ég springi ekki af reiði. Baráttu kveðja XV XV

Ykkar Magnea