Kæri Hreiðar.

 

   Allt er þetta lið eins. Nú er ráðist á þig elsku Hreiðar minn fyrir eitthvað sem ljótir kallar út í heimi gerðu. Þessir ljótu kallar slitu bara allar lánalínur, það er ekki hægt að kenna þér um það. Ég sé ekki að þessu pakki komi neitt við hvar þú býrð með þinni konu, hvort það er Hlyngerði eða Hveragerði, hverjum kemur það við ? ég bara segi ekki annað. Þótt þið hjónin eigið 5 eða 6 millu bíl, hvað með það ? Hverjum kemur við þótt þu hafir slegir Kaupþing um nokkra millarða til að kaupa í Kaupþingi ég bara spyr ? Og hvað á það að þýða að nöldra yfir því,  þótt elskuleg frúin lýsi því yfir í lokuðum saumaklúbbi, að það sé ekkert vit í því að ferðast til útlanda nema í einkaþotu, sérstaklega ef börn eru með.  Svo eru þessir menn sem hafa horn í síðu allra sem þorðu að stjórna bönkunum  okkur öllum til heilla að draga fram allskonar sögur. Þótt þú hafir fengið 450 millur fyrir að stýra bankanum á skerið, þá er alveg óþarfi að vera að finna að því.  Þú ert búinn að biðja skúringarkonuna afsökunar á því hvað þú skrúfaðir út ú bankanum í laun, mér finnst það alveg nóg,  og engin ástæða fyrir þig að biðja fleiri afsökunar, enda ert þú enginn glæpon.

Þú ert konungur skattakonunganna og er ég hreykin af þér fyrir það. En að svetta málninu á húsið þitt finnst mér alveg gaga, ég tala nú ekki um það, og það rauðri, betur að hún hefði verið blá og verið örlítið jafnari á veggnum. Þetta var algjört fúsk ein og sást á myndinni i Mogganum, sveiattan bara.

 

Elsku Hreiðar minn hafðu það sem allarabest í Lux.

Kær kveðja.

Þín Magnea.

Skrár tengdar þessari bloggfærslu:

• Kæri Hreiðar

Kæri Ólafur.

  Þá eru rógberarnir að segja allskyns sögur af þér. Það hlakkar í híenunum yfir leitinni sem stöðumælavörðurinn lét gera hjá þér. Fundu þeir svo nokkuð ég bara spyr ? Voru þeir bara að telja postulínið og kristalinn ? Þetta eru nú meiri fúskararnir. Þetta lið sem er sífellt að nöldra segir að þú hafir sett einhverja peninga í skjól. Auðvitað er það ekki nema sjálfsagt, ekki er neitt vit í að hafa þá ekki í húsi eins og veðrið er, ég segi ekki annað. Svo eru þessar eiturtungur að segja að þú hafir ekki borgað fyrir bankann sem þeir félagarnir Dabbi og Dóri gáfu ykkur Sigga og Finni. Svei þessum eiturpöddum. Og hvað heldurðu að þeir segi ? Að einhverjar mæðrakerlingar hafi unnið þig í máli um einhvern  jarðarpart eða eitthvað svoleiðis, þvíkíkur kjaftháttur ég segi bara. Svo eru þessar pöddur að segja að þú sért í einhverjum tengslum við einhvern sjeik. Ekki veit ég hvað þessar pöddur eu að segja ekki þekki ég neinn sjeik nema þá milksjeik með jarðaberjabragði. Svo ég segi aftur frá mæðrakerlingunum, þær voru víst eitthvað að kvarta undan hávaða frá þyrlunni þinni. Þvílíkt og annað  eins. Hvernig átt þú að getað komist á jörðina þína nema á þyrlu, mér er spurn ? Þær tala ekki um hávaðann frá traktornum sem þær flengjat um öll tún á með einhver  tól í afturdragi, það heyrist nú í þeim líka, áræðanlega ekki svefnfriður fyrir þeim.

 

259 félög segja rógberarnir að séu skráð í húsinu þínu við Suðurlandsbrautina. Svo eru sendir einhverjir útvarpsreikningar á þau öll. Þvílíkur dónaskapur, senda reikninga fyrir útvarp og sjónvarp á þessi fyrirtæki, sem eru bara skúffur í gömlu skrifborði. Hvað halda menn eiginlega ? Halda þeir að það komist sjónvarp í skúffurnar eða hvað ? Hvernig halda þessir menn að hægt sé að hlusta og horfa á 259 útvörp og sjónvörp öll ofan í skúffum ?  og það í lítilli skrifsofukompu.  Þetta lið er bara ekki í lagi. Nýjasta sem ég heyrði frá þessu hyski er að þú og elsku drengurinn hann Hreiðar Már hafi verið yfirheyrðir af útsendurm stöðumælavarðarins, og meira að segja að þið séuð ef til vill grunaðir um að hafa gert eitthvað ólöglegt, þvílík fyrra segi ég bara. Það vantar bara að slett sé rauðri málningu á húsið þitt, eða er það kannski búið ? Jæja elsku Ólafur minn þetta verður ekki lengra hjá mér í bili, bestu kveðjur frá mér og mínum. Ps. Gæsalappi biður líka að heilsa.

 

Þín Magnea.

ENERGI ævintýri fyrir framtíðarbörn

Nú eru nöfnin önnur en ferillinn sá sami !!!

Þeir sátu í koníaksstofunni á Hótel Holti Bármann í Íbank og Kalli í Fláráðsgrúpp. Heyrðu Kalli sagði Bármann, hvernig væri að við keypum einhver af þessum orkuveitum, það verður áræðanlega hægt að hagnast á því. Erum við nokkuð í þeim bissness segir Kalli, ættum við ekki heldur að kaupa Hvalfjarðargöngin eða Sundabrautina það er þá stax hægt að hækka gjöldin og raka saman gróða. Néi segir Bármann ég held að orkugeirinn sé vænlegri. Ok segir Kalli hvernig er það er eitthvað svoleiðis til sölu? Það má alltaf redda því segir Bármann bara að kippa í nokkra spotta, þá smá kemur það. Ég gæti til dæmis talað við kallinn í Svartakastala þú veist þann sem nagar blýantana þar, ef hann kveikir græna ljósið rúllar þetta af stað, það er ég viss um. Flott segir Kalli í Fláráðsgrúpp, en eigum við kannski að bjóða Bjögga að vera með ? Nei ekki strax segir Bármann kannski seinna þegar þetta er farið að rúlla, og ef okkur skyldi vanta klínk. Ok segir Kalli  er ekki best að stofna eitthvað félag til að hafa sem kaupanda, það lítur kannski ekki nógu vel út ef Ísbank og Fláráðsgrúpp séu að kaupa orkufyrirtæki. Jú þú segir nokkuð, eitthvað sem vísar til orku til dæmis “energí” eða eitthvað svoleiðis þá er það útlenskt og útlendingar skilja fyrir hvað fyrirtækið er. Svo væri hægt að vísa til hitans og hafa til dæmis Geysir í nafninu líka. Svaka ertu klár Bármann segir Kalli, Energi Geysir flott nafn meira að segja ég skil þetta. Þjónn meira koníak kallar Bármann.

 Svo líður tíminn. Blýantanagarinn í Svartakastala kveikir græna ljósið kippt er í nokkra spotta. Bármann kallar saman fund það er, hringir í Kalla og biður hann að líta við í bankanum við hentugleika. Kalli er í útlöndum en lofar að koma við í bankanum þegar hann kemur heim. Allar góðar utanlandsferðir enda einhverntíma, þannig var með þessa. Þegar Kalli er kominn til landssins skreppur hann í bankan til Bármanns. Kalli spyr er eitthvað að frétta af þessu orku eitthvað ?  Ég er nú hræddur um það segir Bármann, ég kippti í nokkra spotta og við það varð til áhugi hjá þremur sveitalubbum á að selja, Víkurgrind, Gerðissandur og Fossasel vilja óðir selja. Þeir segjast geta borgað allar skuldir og búið til ráðhús og alles ef þeir fá að selja. Hvað er þetta mikið segir Kalli? Það er þó nokkuð og alla vega fín byrjun segir Bármann, svo svælum við meira út úr hinum sem ekki eru tilbúnir alveg strax, og verðum komnir með ráðandi hlut eftir eitt til tvö ár.Hvað með Bjögga spyr Kalli ? Við bíðum með hann í bili getum alltaf boðið honum ef okkur langar til. Eigum við ekki að skreppa á Holtið það er svo helvíti gott koníakið þar. Laungu seinna er Bármann spurður um það af hverju Energi Geysir sem Ísbank og Fláráðsgrúpp eiga séu að vasast í heytu varni og rafmagni. Við erum að undirbúa innrás eða útrás á þessu sviði er svarið, annars ætlum við að reka þetta til hagsbóta fyrir viðskiptavini okkar. Þeir þurfa jú að velgja hjá sér húsin og svo verða þeir að getað lesið Moggann í skammdeginu, til þess þarf rafmagn. Við munum að sjálfsögðu gæta hagsmuna þeirra og selja þeim yl og birtu á nánast kostnaðarverði. Daginn erftir er þversíða Moggans og Blaðsins með stríðsletri. Energi Geysir sér viðskiptavinum sínum fyrir hverskyns orku á kostnaðarverði. Heyr fyrir einkavæðingunni hún svín virkar. Það er bullandi samkeppni í orkugeiranum heyr heyr amen.  Nú líður tíminn enginn man neitt erftir þeim tímum þegar sveitalubbarnir áttu orkufyrirtækin. Þeir Bármann og Kalli sitja á Holtinu eina ferðina enn með kaffi í bollum og koníak í glösum. Hvað eigum við mikið í þessu orkuapparati þarna á Nesareyki spyr Kalli ? Það er nú það segir Bármann ætli við eigum ekki svona 51 prósent . Þá erum við með þrjá í stjórninni segir Kalli, bara komir í meirihluta, svaka erum við klárir. Já segir Bármann en þetta liti miklu betur út ef við hefðum fleiri hluthafa, það er svolítið halló að það séu bara tveir hluthafar. Já hvað gerum við í því segir Kalli. Við gætum kannski selt eins og 5 prósent til almennings, þú veist fíflanna sem kjósa á fjögurra ára fresti. Þau atkvæði lægju dauð á aðalfundum og við héldum áfram að stjórna apparatinu. Þú segir nokkuð segir Bármann, skál. Þeir dreypa á koníakinu. Heyrðu segir Kalli hvað með Bjögga er eitthvað vit í að selja honum þessi 5 prósent í staðin fyrir fíflunum ? Nei mér líst ekkert á það segir Bármann hann gæti snúist á sveif með þessum sem eiga 49 prósentin og þá erum við ekki lengur með meirihlutann. Nei það er satt segir Kalli. Skál. Svo líða mánuðir. Bjöggi sem fékk ekki að vera með hefur verið að kaupa hluti svona smá saman og er nú kominn með 46 prósent af þeim 49 sem voru í eigu hinna sveitalubbana sem ekki vildu selja á sínum tíma. Nú skrifar Bjöggi fíflunum og bíður tvöfalt verð miðað við það sem þeir keyptu á af Energi Geysir. Fíflin selja öll sem eitt, enda eru þetta bara kjósendur. Nú er Bjöggi kominn með 51 prósent, og segir við Kalla og Bármann. Jæja piltar ég á orðið meira en þið og heimta þrjá í stjórn. Bármann og Kalli ráða ekki við Bjögga svo þeir hugga sig bara á Holtinu með koníaki. Hvað eigum við nú að gera segir Kalli ? Það er nú það segir Bármann, gæti verið að við ættum að bjóða Bjögga að gera yfirtökutilboð í Energi Geysir, miðað við það sem ég heyrð hjá einu fíflinu þá ættum við að græða einhver hundruð milla ef hann er tilbúinn að kaupa á verðinu sem fíflin seldu á. Hringjum í kauða og viðrum þetta við hann segir Kalli. En hvað með blýantanagarann í Svartakastala segir Bármann verðum við ekki að stinga einhverju að honum svo þetta klúðrist ekki. Jú ég redda því segir Kalli, nokkra miða á saga klass það dugir áræðanlega. Þá er að hringja í Bjögga. Bjöggi er kurteis og segist vera velviljaður fólkinu í landinu og myndi hugsa fyrst og fremst um hag þess ef hann keypti Energi Geysir af þeim Kalla og Bármann. Flott byrjun sagði Bármann þegar símtalinu lauk við Bjögga. Skál sagði Kalli, þjónn meira koníak. Bjöggi er ekkert að flýta sér hann veit sem er að Bármann og Kalli ætluðu að hækka heita vatnið og rafmagnið áður en þeir byðu Energi Geysir til sölu. Best að leyfa þeim að svitna svolítið hugsar Bjöggi. Um síðir boðar Bjöggi þá Bármann og Kalla á fund. Bjöggi heldur sína fundi í höfuðstöðvunum og þar er bara boðið uppá kristal eða kranavatn. Þeir mæta þar Bármann og Kalli. Jæja strákar hvernig eigum við að hafa þetta segir Bjöggi, er 10 á hlut ekki hæfilegt ? Bármann horfir á Bjögga með opin munninn, hvað ertu að segja Bjöggi minn 10 á hlut ertu eitthvað verri maður, við stórtöpum á því er það ekki Kalli. Jú stórtöpum segir Kalli, ekki minna en 20 á hlut, allt annað er tómt rugl. Jæja segir Bjöggi ég bíð ykkur 15 á hlut og þið stórgræðið. Ég veit að þú keyptir af fíflunum á 16.2 á hlut svo þetta er ekki sanngjarnt segir Bármann. Nú hvernig veistu það? Þetta var allt í trúnaði milli fíflanna og mín segir Bjöggi. Sum fífl eru meiri fífl en önnur segir Bármann. OK segir Bjöggi ég kaupi þá af ykkur á 16.2 eins og af fíflunum. Má bjóða meiri kristal eða vatn segir Bjöggi. Nei takk sama og þegið segir Kalli. Þannig eignaðist Bjöggi eitt stykki hitaveitu og eitt stykki rafveitu. Það var að vísu ekki Bjöggi í eigin persónu, heldur fyrirtæki hans sem keypti. Nú líður tíminn, Bármann og Kalli urðu moldríkir og snéru sér að öðrum bissness. Déskoti var þetta flott hjá okkur sagði Bármann þegar þeir Kalli hittust á Holtinu eftir að vera búnir að selja Bjögga. Hvað eigum við að gera við millurnar segir Bármann. Veit ekki segir Kalli, en ég er að hugsa um að kaupa eina Lyrjet nenni ekki að þvælast með áætlunarflugi lengur. Hinir farþegarnir eru alltaf að benda á mig og pískra eitthvað um lúxus, og þeir geta það þessir segja þeir og benda á mig. Ef þú kaupir aðra Lyrjet þá fáum við betri díl segir Kalli.Þú segir það segir Bármann, en gætum við kannski keypt þessa rellu saman ? það væri ef til vill ekki svo vitlaust fyrir okkur tvo að eiga relluna saman ? Hugsum málið segir Kalli. Skál, þjónn meira koníak. Tíminn líður allir á kafi í bissness og engin að hugsa um hag fíflanna í landinu sem láta húsin sín svelgja heyta vatnið og flóðlýsa hjá sér kofana minnst 100 kerti í hverju herbergi nema í stofunni þar er minnst kveikt á 200 kertum með dimmer.Dag einn í byrjun árs, það hefur verið óvenju kalt og mikið myrkur þá er smá frétt á jarðarfarasíðunni í Mogganum, ekki minnst á það í Blaðinu.ÓTNIT ÓÍR gerir yfirtökutilboð í fyrirtæki Bjögga. Svo er viðtal við Bjögga. Blaðamaður, af hverju ertu að selja Bjöggi. Bjöggi, ég er orðin gamall og nenni þessu ekki lengur. Blaðamaður, það er nefnilega það til hamingju með söluna. Bjöggi, takk.Það lendir Súper-Lyrjet á vellinum þrír menn stíga út úr henni. Þeir halda rakleiðis í Svartakastala. Það veit enginn við hvern þeir vilja ræða í Svartakastala, ekki heldur um hvað þeir vilja ræða við þann sem engin veit hver er. En þegar þeir koma út úr Svartakastala leikur um varir þeirra tvírætt bros, sumir sögðu glott aðrir sögðu að einn þeirra hafi skellihlegið. Nú bruna þessir herramenn upp á Moggaskrifstofu til að biðja Moggann að hafa við sig viðtal. Þeir vilja ekki eyða pening í auglýsingu, miklu betra að láta Moggan sjóða saman frétt. ÓTNIT ÓÍR sem nýlega keypti Energi Geysi hefur ákveðið að selja Alcan sem er í eigu ÓTNIT ÓÍR allt það rafmagn sem þeir geta framleitt í orkuverum Energi Geysi. Verðið er trúnaðarmál. Þeir notendur sem hafa verið í viðskiptum við fyrirtækið bíðst þó áfram að kaupa rafmagn til lýsinga á híbýlum sínum á örlítið hærra verði, með þeim skilyrðum að þeir noti 50 kerta perur í staðin fyrir 100 kerta perur. Einnig verða sömu notendur að skuldbinda sig til að kaupa heitt vatna á 30 prósent hærra verði. Ef þeir taka ekki þessu kostaboði, þá bara skrúfum við fyrir vatnið og slökkvum ljósið hjá þeim. Þeir mega frjósa okkar vegna í myrkri og norðannæðingi. Skál. Amen.is.is.is 

Tréið Ill-dragsíll Vinjetta-20 af 20 þar með er þessari vitleysu lokið

Greinar visna og falla af. Laufin fölna. Korn-og fræbankarnir fara allir sem einn á hausinn og Haardi segir fuglunum að nú séu framundan erfiðir tímar. Dabbi segir ég sagði ykkur þetta. Grænu fuglarnir segja við sögðum ykkur þetta. Rauðu fuglarnir segja við vöruðum ykkur við, þetta er það sem þið vilduð þegar þið einkavinavædduð korn-og fræ. Bleiku fuglarnir segja þetta kom okkur verulega á óvart, okkur var sagt að það væri allt í þessu fína hjá korn-og fræ bönkunum.  Útrásarfuglarnir flýja í önnur tré með sitt persónulega korn og fræ. Þeir hafa komið því undan til trjáa sem eru einhverstaðar sem enginn veit hvar. Haardi segir, við verðum að rannsaka þetta allt saman heilstætt. Við verðum að skipa valinkunna fugla til að rannsaka þessi mál öll. Við höfum þegar skipt um stjórnir í korn-og fræ-bönkunum. Við höfum hent út óráðsíufuglunum sem kollkeyrðu samfélagið okkar í tréinu. Við höfum skipað í stjórnir nýju bankanna fólk úr næst efsta lagi gömlu bankanna. Stálheiðarlegt fólk sem veit ekki hvort það á 190 milljónir eða ekki. Á þessu má sjá að við höfum tekið myndarlega á þessu máli öllu. Svo ætlum við að ræða við Gíganten um að fá nokkur korn og eitthvað af fræum svo við getum keypt svo sem einn eða tvo flatskjái. Hólmsteinn fer um allt tréið og segir fuglunum að Haardi sé að vinna í lausnum á korn-og fræ málum þeirra. Þeir verði að standa saman það sé nauðsynlegt að þeir blaki vængjunum á vinsamlegan hátt hver framan í annan og syngi sín fegurst lög. Nújá fórnar höndum og segir við Skuldaskil, ég held bara að þú takir við hér, er ekki eitthvað eftir af vatni lífsins? Skessurnar detta í það og Níðbítur tautar, ekki deigur dropi í rótinni. Gíganten gjóar augunum á tréið og tautar, á ég, á ég ekki, á ég, á ég ekki ?.

Tréið Ill-dragsíll Vinjetta-19 af 20

Andkoti og djöfull er það fyrsta sem Dabbi segir þegar Haardi hefur sagt honum frá maðknum sem sestur er í réið og er á góðri leið með að sjúga úr því allan lífskaraftinn. Ég var búinn að segja þetta segir Dabbi við Haarda, ég varaði ykkur við þessum maðki fyrir laungu, þið bara hlustuðuð ekki og nú er allt að fara í þennan ormskjaft eða hvað þetta nú er. Haardi reynir að rifja þessi varnaðarorð sem Dabbi segist hafa viðhaft. En það er sama hvað hann reynir honum er lífsins ómögulegt að muna eftir þeim. Hvað er til ráða spyr Dabbi ? Við verðum að biðja Giganten um hjálp segir Haardi. Djö, segir Dabbi veistu ekki að þessi Gigant gleypir allt sem hann kemur nærri. Það hafa mörg tré orðið fyrir þeirri ógæfu að biðja Giganten um hjálp, og nærri öll hafa verið gleypt af honum. En ef hann getur eytt orminum þá er það skömminni skárra en láta tréið visna og missa allar greinarnar. Þessi Gígant er svo frekur að engu lagi er líkt segir Dabbi, ég yrði ekki hissa þátt hann ræki mig af greininni minni, undir því yfirskini að hann þyrfti að komast að til að eyða orum af henni, og hvert á ég svo sem að fara ? Þú ferð bara í frí á meðan, gætir fengið að gista í Valhöll eða í einhverju  skálkaskjólinu, nóg er af þeim. Á ég sjálfur Dabbi að húka í einhverju skálkaskjóli eins og ótíndur förufugl meðan þessi Gígant leggur undir sig tréið ? Tja við eigum ekki marga möguleika, frændtré okkar í austri segjast eiga eitur gegn þessum ormi en þeir eiga bara ekki nóg. Þeir segjast geta bætt við ef Giganten setur kraft á sínar dælur og úðar tréið duglega. Hvað eigum við að segja hinum fuglunum í tréinu ? Látum Hólmstein íkorna þvæla einhverju í Árvak, sama hvað er bara einhvert bull, allt er nógu gott fyrir þessi fífl. 

Tréið Ill-dragsíll Vinjetta-18 af 20

Enn heldur veislan áfram. En það eru blikur á lofti, greinar visna og sumar detta af. Helst eru það greinar efst og neðst í téinu. Þær bláu eru fljótar að visna, það er kominn maðkur í tréið. Hvurslags er þetta segir Haardi, greinarnar bara hrinja undan fótum minna fugla og annarra. Ég verð að kalla til trjáfræðinga frá öðrum trjám. Haardi kallar á Dabba eftirlismann og spyr hann um þessa visnu greinar sem eru að falla af tréinu. Ha, hvaða greinar spyr Dabbi ? Nú sérð þú ekki allar greinanrar sem fallnar eru ? Nei er þetta ekki bara einhver áróður úr rauðfuglum ? Enn detta greinar af tréinu, við verðum að fá sérfræðinga úr öðrum trjám til að segja okkur hvað sé að segir Haardi við Dabba. Iss þetta er ekkert segir Dabbi, en við getum svo sem spurt einhveja ef þér líður betur með það. Þannig var að Haardi bláfugl var farinn að leggja eyrun við nöldri þeirra bleiku sem hann að vísu fyrirleit en varð að notast við fylgi þeirra til að halda stjórn trésins. Hann athugar nú hvort skólabróðir hanns úr flugskólanum sé við símann. Sá býr í austurtréi langt langt í burtu. Hallu segir Haardi er du hjemme ? Jaja, segir skólabróðirinn, er ikke alt i orden herr Haardi ? Nej det er noget galt med mitt tre, grenerne fallar af, har du nogen forkarning pa dette ? Nej men de har hent oss for mange år siden, Jaso hvad var det galt med treerne hos dig ? Det var noget med en orm som spiste allt mugligt. Man mener at de var en orm som man kaller blograedgi, det er meget farlig orm. Hvad kan jeg göre ? Du ma söge hjelp hos Giganten det er eneste muligheden. Hvis Giganten vil hjelpe kan vi ogso hjelpe lit. Takk, tusind takk kere ven. Haardi leggur á. Alltaf traustur vinur segir Haardi. Best að segja Dabba frá þessu.

Tréið Ill-dragsíll Vinjetta-17 af 20

Tíminn líður fuglarnir eru meira og minna á fylleríi, kaupandi flatskjái, jeppa, tappatogara og hrærivélar svo eitthvað sé nefnt og maður tali nú ekki um ferðalög í suðlæg tré, þar sem menn lifa í lúxus og vellystingum. Allt leikur við fuglana stóra og smáa. Bláfuglarnir Dabbi og Haardi horfa saman yfir greinar trésins. Heyrðu Dabbi segir Haardi eru þessar greinar að upplitast, Haardi bendir á greinar þar sem bláfuglarnir sitja á. Dabbi gjóar fráum fálkaaugunum í áttina sem Haardi benti og segir, ég sé það nú ekki, þú þarft að láta athuga sjónina í þér Haardi minn. Áfram líður tíminn, sama hegðun í bláfuglum og flestum öðrum í tréinu, stanslaus gleði , nóg af korni og fræum. Enn eru nokkrir fuglar neðarlega í tréinu að nöldra um að allt sé að fara fjandans til. Þeir halda því fram að greinarnar séu að visna unir fótum þeirra. Sumir hafa orð á því að best sé að forða sér í suðlægari tré eða til frændtrjáa okkar í austri. Þvílík ósvífni segja forystufuglar útrásafuglanna sem fá tonn af korni og fræum á hverjum mánuði, fyrir að standa vörð um viðskiptafrelsið, meðan vejnulegir smáfuglar fá 10 grömm fyrir mánaðar strit. Svona er þetta nú. Árvakur horfir áhyggjufullum augum á rótina. Viskubrunnurinn laungu þurr og rótin að visna  Á sama tíma situr Níðbítur við sína rót, ég hef áhyggjur af þessu tautar Níðbítur. Rótin bara að skrælna og enginn vökvar, hvað er eigilega að kerlingunum. Eru þær dottnar í það aftur og enn ? Skessurnar þjár þær Foræði, Nújá og Skuldaskil sitja við Viskubrunninn og dæla úr honum til að vökva með rætur trésins, en það kemur engin viska lengur úr brunninum, heldur eitthvað sem þær skilja ekki. Hvaða bull er þetta eiginlega segir Foræði ? Þetta er bara eitthvert bláleitt glundur segir Nújá, það drepur bara ræturnar að vökva með því. Skuldaskil horfir niður í brunninn og segir ég sé enga visku í brunninum. Hvað gerum við núna ? Ég sé ekki betur en ég fái þetta allt saman í hausinn segir Skuldaskil.   

Tréið Ill-dragsíll Vinjetta-16 af 20

Íkorninn Hólmsteinn brunar niður tréið til fundar við Árvak. Á leiðinni heyrir hann á mál nokkurra smáfugla. Rauður fugl er á tali við bleikan. Þetta gengur aldrei til lengdar segir sá rauði, hvað gengur ekki segir sá bleiki. Nú þessi útrás. Nú hvað með hana ? Já sjáðu til þeir eru farnir að geyma korn og fræ fyrir fugla í öðrum trjám, og jafnframt farnir að slá út á það eða bara kaupa allskyns drasl til dæmis  fuglafélög, Hummera, einkaþotur og allt mögulegt. Hvar eiga þeir svo að fá korn og fræ til að skila til eigendanna ef þeir vilja fá sitt til baka ? Ég bara spyr. Þú ert nú svo svartsýnn segir sá bleiki, auðvitað reddast þetta, það hefur alltaf gert það. Hólmsteinn heldur áfram ferð sinni til Árvakurs. Neðarlega í tréinu heyrir hann að það sé einhver furðufugl að tala um efnahagmál trésins. Þetta var ég búinn að marg segja ykkur sagði furðufuglinn, þetta gengur aldrei til lengdar sama hvað Dabbi og spekingarnir í eftirlitinu segja, það er engu líkara en þeir séu vangefnir, þeir fatta bara ekkert hvernig korn-og fræ viðskipti virka. Þetta tré á áræðanlega eftir að visna og deyja og það alveg á næstunni. Kornið er að mygla og fræin spíra ef ekkert verður að gert þá verður þetta ónýtt og einskis virði. Þá vill enginn sjá þetta, en hvar er svo kornið og fræin sem útrásarfuglarnir fóru með í önnur tré ? Fáum við eitthvað af því til baka þegar allt er orðið ónýtt hér í tréinu, ég bara spyr ? Hólmsteinn heldur áfram ferð sinni til Árvakurs til að koma fréttinni frá Dabba í eftirlitinu til skila. Ertu kominn Hómsteinn minn segir Árvakur, ég trúi að þú flytjir einhverjar fráttir ofan úr téinu er það ekki ? Jú segir Hólmsteinn, Dabbi biður fyrir kveðjur til þín og þinna skrifþræla. Dabbi biður um notaleg skrif um snilli sína við stjórnun á korn-og fræ. Þú átt sérstakega að taka það fram að allt sé í þessu fína varðandi gengi korns og fræ og allt sem sagt er annað sé bull og vitleysa, svo máttu bæta því við að þeir sem eru að nöldra séu bara að öfundast út í velgengni annarra. Ég heyrði einmitt í þessum nöldrurum á leiðinni hingað. Þetta voru bara einhverjir furðufuglar og ekkert mark takandi á þeim. Þú skalt ekkert vera að minnast á það vinur. Láttu bara eins og þú hafir ekkert heyrt um það.    

Tréið Ill-dragsíll Vinjetta-15 af 20

Fyrir þá sem ekki vita:

Tréið Ill-dragsíll.  Er ekkert skylt  tréinuYggdragsil

Ill er vondur í merkingunni illur dragsill er samsetning úr enska orðinu drag sem getur þýtt að drattast, og sill er dregið úr franska orðinu sillage sem getur merkt fótspor. Samanber “ Marcher dans le sillage”   Sem sagt, vont er að drattast úr sporunum.

 Hólmsteinn íkorni þeytist milli greina og nemur slúður til að flytja Dabba sem nú situr á eftirlitsgreininni hátt uppí tréinu. Hólmsteinn segir fuglarnir í tréinu eru orðnir órólegir, sérstaklega þessir hag-fuglar og sumir viðskipta-fuglarnir líka. Þeir eru eitthvað að segja að við séum komnir með of miklar birgðir  í önnur tré. Þeir segja að útrásarfuglarnir séu farnir að slá út á birgðirnar sem þeir hafa safnað í austurtrjánum. Dabbi snýr uppá sig þú segir það Hólmsteinn minn, það er bara ekkert að marka þessa hag-fugla það veit ég sko, þetta eru bjánafuglar sem þykjast vita eitthvað af því þeir lærðu prósentureikning í Súpergaggó eða í vestur trjánum eða eitthvað. En sumir eru bláir segir íkorninn. Eru þeir bláir í gegn eins og Haarde stofninn spyr Dabbi ? Það eru nú ekki margir svoleiðis segir Hólmsteinn þeir eru flestir í að græða ýmist hér í tréinu eða í austurtrjám þetta eru aðallega útrásarfuglar, en það eru nokkrir grænir innanum bætir svo íkorninn við. Hvað segja þeir bleiku og rauðu ? Þeir eru flestir snarvitlausir sérstaklega þeir rauðu, þeir bleiku virðast ýmist vera með eða á móti, snúast bara og vinglast fram og aftur. Akkúrat tautar Dabbi þá er víst óþarfi að hafa áhyggjur. Má bjóða þér í glas Hólmsteinn minn ? Já takk vatn,  þú veist þetta með bragðinu. Skál mikið er þetta hressandi eftir öll hlaupin um tréið. Nú þurfum við bara að matbúa einhverskonar frétt til að láta Árvak setja á pappír fyrir fugla trésins. Hólmsteinn minn þú finnur út úr því er það ekki ? Jú ætli það ekki segir íkorninn Hólmsteinn. En Hólmsteinn fréttin á að vera um efnahagsundur og vel heppnaða korn-og fræstjórnum mína, og að það sé engin hætta á ferðum. Bullið í hagfuglunum sé bara öfund út í stefnu mína í korn-og fræmálum, allt sem ég spáði hefur ræst fullkomlega. Við erum engum öðrum fuglum lík fyrir snilli í korn-og fræstjórnun, og þetta er allt mér að þakka, gleymdu ekki að láta Árvak geta þess í fréttinni.

 

Tréið Ill-dragsíll Vinjetta-14 af 20

Það þorir enginn að mótmæla Dabba hann er svo ákveðinn og klár. En teikn eru um válega tíma framundan. Þær skessurnar við Heimskubrunn eru farnar að hafa verulegar áhyggjur. Foræði segist óttast mest að missa forræði yfir atburðum þessarra útrásafugla og þeir séu komnir langt út fyrir þau mörk sem við höfum lifað innan og haga sér alveg eins og þeir séu einir í tránum, þeir eyða og spenna kaupa meira að segja heilu fuglafélögin í öðrum trjám hvað þá meira. Þeir eru líka sífellt að bjóða í veislur og lúxus einhverjum auðfuglum sem þeir halda að séu vinir þeirra. Meira að segja fá þeir söngfugla úr öðrum trjám til að hafa ofanaf fyrir gestum sínum, allt flítur í vatni lífsins og öðrum eðaldrykkjum. Nújá getur ekki orða bundist og tekur undir orð Foræðis, ég hef miklar áhyggjur út af þessu öllu, ég verð að segja það. Þessi ósköp verða skráð á minn reikning þar sem þau eru að gerast núna. Ég veit bara ekki hvað ég get gert í málinu. Fuglarnir fara bara í önnur té ef ég hasta á þá, ekki er það nú gæfulegt. Þeir hóta meira að segja að fara með allt kornið og fræin með sér ef ég hætti ekki þessu nöldri. Ekki verður þetta skárra hjá mér segir Skuldaskil. Ég sé minn tíma koma með mestu hörmungum sem yfir þetta tré hefur gengið alveg frá því sáð var til þess. Þá verða skuldaskil sem aldrei fyrr og ég veit bara ekki hvernig ég get afgreitt þetta allt saman. Verð sennilega að fá aðstoð frá einhverjum vönum svona ástandi.