Risinn ævintýri fyrir fortíðarbörn (2 af 11 )

Þegar risinn frétti af því varð hann bæði sár og reiður og svo fór hann að gráta.

Það var alveg sama hvaða fræ dvergurinn notaði, risinn klagaði stöðugt í Pfar, OG má ekki gera svona OG má ekki gera þetta. Pfar sagði við risann, láttu ekki svona, þú ert búinn að hafa besta básinn á markaðnum í áratugi, þú verður að vera góður við OG og leyfa honum að hafa smá horn fyrir sín fjarskipti, við búum í landi sem er með frjálsa samkeppni, þar sem allir mega gera það sem Dabba finnst skynsamlegt og gott.

Risinn fór heim til sín súr og leiður, ég skil þetta ekki ég sem hef alltaf verið vinur Dabba, svo gerir hann mér þetta. Risinn safnaði saman hirðinni og hélt fund. Hann sagði við hirðina þið verðið að finna uppá einhverju til að rækta og selja sem dvergurinn OG hefur ekki fattað uppá, við verðum að setja það á markaðinn þar sem mest ber á því, og setja milljón auglýsingar í blöðin og sjónvarpið. Hirðin fór heim til að hugsa uppá einhverju svaka sniðugu. Svo komu yfir- hirðingjarnir með hugmyndir að ýmsum nýjum afbrigðum af  fjarskiptum. Einn vildi setja á markað fyrirfram greidd símtöl, hann hafði heyrt um að það væri gert í útlöndum. Annar vildi setja allt draslið á netið. Sá þriðji vildi hækka gjöldin fyrir símtölin í þrjá mánuði og lækka þau svo aftur. Sá fjórði sagðist ekki vita almennilega hvað best væri að gera, sennilegast best að gera ekki neitt og sjá til. Sá fimmti vildi setja upp eitthvað til dæmis sjónvarpssöð, eða bara kaupa svoleiðis. 

Gamlingjarir

Gamla hyskið er ekki of gott til að borga.

Eitt af afrekum R-listans var að hnoðast með byggingarétt og leyfi fyrir íbúðabyggingu fyrir eldri borgara. Framsóknarráðherran sem fór með þessi mál sagði ekki ég.

 R-lista-prjónakonurnar sögðu ekki ég. Þegar svo byggingarrétturinn var kominn í hendur útvalinna var byrjað. Fyrsta hugsun að sjálfsögðu hvernig get ég grætt á þessu gamla pakki, sem hér á að hafa forgang um kaup á íbúðum? Jú einfalt mál selja nógu helvíti dýrt og telja þeim svo trú um að þessu fylgi þjónusta.Fermetra verð 500.000 las ég í Fréttablaðinu, Moggin veit ekkert um þetta. Ég skoðaði á vefnum verð á húsnæði á Spáni í Búlgaríu og svo á Íslandi. Það sem skoðað var eru 2-3. herbergja íbúðir í nýbyggðum fjölbýlishúsum fimm íbúðir í hverju landi. Útkoman er þessi (meðaltal 5 íbúða) :Búlgaría  101.200 hver fermetriSpánn      141.555 hver fermetriÍsland      291,964 hver fermetriSvo þetta fáránlega verð 500.000 íbúðir fyrir aldraða með ímyndaðri þjónustu.Er ekki meira vit fyrir gamlingjanna að kaupa í Búlgaríu. Ættingjarnir yrðu dauðfegnir að þurfa ekki að heinsækja þessi gamalmenni sem röfla sífellt um hvað það var gaman og gott að vera til í gamla daga, laungu búin að gleyma því að þau lifðu á hungurmörkum.Þar geta þeir röflað hver við annan um lífið í denn, og spilað golf fyrir lítinn pening í leiðinni.

Dabbi bestur

Ævintýri fyrir unglingaHonum tókst það. Dabbi sem Villi Egils var að skamma fyrir háa vexti og getuleysi í slagnum við verðbólguna, er búinn að rúlla Óla Ragga upp í launum, kominn yfir sjálfan Ólaf forseta.Auðvitað fyrir tilstuðlan góðra bankaráðsmanna, ég nefni engin nöfn, en Hansi Hólms. er einn af þeim. Vondi kallinn Raggi Arn. Fékk ekki rönd við reist, hann var baulaður niður þegar hann maldaði í móinn. Ekki getur tvöhundruð þúsund kallinn sem Dabbi fékk til viðbótar í launaumslagið verið vegna árangurs í peningastjórnun. Ekki vill Villi Egils og félagar í atvinnufélaginu meina það. Þvert öfugt ætti að draga af kaupinu hans Dabba fyrir slælega stjórnum peningamála að mati þeirra í atvinnufélaginu.

Andstaðan fundin

 

Ævintýri fyrir unglinga. 

Þá er ballið byrjað. Stjórnarandstaðan komin í leitirnar. Vala -svala framsóknar-búbba sté í stól við Austurvöll og hóf upp raust sína. Hún benti út í annað ráðherrahornið með vísifingri hægri handar og sagði með þungri áherslu. Þú þarna Stjáni Mö þú ert þegar búinn að svíkja kostningaloforðið sem þú gafst þjóðinni fyrir norðan. Þú lofaðir gati í Vaðlaheiðina en það er ókomið. Þú hefur svikið fyrsta loforðið. Síðan snéri hún sér að linsu sjónvarpsvélarinnar benti með vísifingri hægri handar beint í linsuna og sagði með sömu þundu áherslunni. Þarna sjáið þið Stjórnin er stax byrjuð að svíkja loforðin sem hún gaf fyrir kostningar. Ég sagði ykkur það þeir myndu svíkja. Þið hefðuð átt að kjósa fleiri framsóknar-búbba í þing. Þetta er gott á ykkur.

Stjáni Mö kom næstur í stólinn. Hann sagði kæra mín ágæta Vala -svala, ég er nú bara búin að vera í ráðastólnum í 4 daga, rétt  að ná áttum. Auðvitað stend ég við gefin loforð um gat í gegnum heiðina þarna fyrir norðan. Það á að vera til hellings peningur sem bíður eftir að einhver noti hann til að naga þetta gat í heiðina.

En Einsi segir ríka-kassan fullan af gulum miðum en heldur fátækan af krónum.

Vala -svala kom þá aftur í stólinn og benti á Stjána-Mö. Þú ert bara að skrökva svíkur loforðin á fyrstu dögum, hvaða gulu miða kjaftæði er þetta eiginlega?

Jú á einum stendur 27 millur fyrir Siv-framsóknar-búbbu til greiðslu skaðabóta vegna þess að hún bannaði eitthvað sem hún mátti ekki banna þegar hún var svínamálaráðherra.

Nokkur hundruð millur vegna frostskemda á Keflavíkurflugvelli Vala -svala framsóknar-búbba nennti ekki að láta skrúa fyrir vartnið og allt klabbið fraus. Svo var þarna miði sem stílaður var á einhvern Árna sem einhverntíma rak einhverja félagsmálabullu og var dæmdur fyrir það. Allt þetta kostar peninga og af nógu að taka. Og vertu svo ekki að brúka þig.

Ný stjórn

Nú erum við búin að fá nýja ríkisstjórn, húrra fyrir því. Sigurvegarinn Árni Johnsen fékk ekki að vera með, enda hrasaði hann í tröppunum á leið til Geira H. Afturámóti fékk maðurinn með silfrið að vera með, það er hann þurfti ekki að standa upp úr stólnum alveg strax. Hann getur því lokið því sem hann byrjaði á rétt fyrir kosningar, það er að skipa Jón H í embætti ríkissaksóknara. Húrra fyrir BB.

Framsóknarlúserunum fjölgaði heilmikið og er því aðallúserinn Jónína í góðum félagsskap. Jón yfir frammari sagði af sér, maðurinn rétt byrjaður sem formaður og strax búinn að fá leið á Guðna og öllum hinum.

Ojbarasta þið eigið ekki að vera vond við Jón hann er svo góður gæi inn við beinið. Steingrímur handbremsa þetta er meint til þín. Nú eigum við eftir að sjá hvernig korngjafapólitíksarnir plumma sig í faðmi einkavinavæðingarinnar. Í raun er engin stjórnarandstaða til í landinu nema þá helst Ómar og félagar. Hinir voru allir  með það sama á stefnuskránni og  Gsólrún.Gsólrún samanber Gmjólk þarf ekki að geyma í kæli, síðasti söludagur eftir fjögur ár.

Æskan við völd

Nú hafa útrýmingarbúðir fyrirtækjanna starfað í nokkurn tíma, heita má að útrýmt hafi verið svo til öllum gamalmennum. Í staðin eru svífandi um á línuskautunum sínum lokkaprúðir unglingar, brúnir á kroppinn með rósrauðar kinnar.Ferksleikinn allstaðar, frumkvæðið í fyrirrúmi og ekki tími né nenna fyrir leiðinlegar athugasemdir. Þjónustan í fyrirrúmi framþróun fram yfir rukkun, enginn tími fyrir svoleiðis leiðindi, betra að gefa en rukka. Ef það vantar aur þá bara að spara, allir nema ekki ég.Gamlingjar með lánstennur ekki lengur til, enginn til að segja ha þegar stuttbuxnagæjunum/pæjunum dettur eitthvað findið í hug sem helst á að framkvæma í gær. Þau svífa um á línuskautunum með eigin tennur nagandi pizzur, milli þess sem þau finna uppá einhverju nýju til að gera.Þeir fáu gamlingjar sem enn hafa sloppið við kutann, hafa hægt um sig, þeir skilja ósköp vel hvað átt er við með því að láta þá dragast aftur úr, þeir eru hvort sem er útbrunnir ellismellir í augum hinnar glöðu æsku sem prílar uppí stólana sína, svona uppúr 9, fullir eftirvæntingar til að pata út og suður, sem á barnamáli heitir að stjórna.Það var einhver sem ætlaði að útrýma gyðingum en mistókst, hann notaði víst ekki rétt formerki. Þau mistök eru aldeilis ekki gerð í útrýmingu gamlingja. Formerkið er hagræðing og ber að virða það bukka og beigja sig þegar formerkinu er veifað. Ef hagræðing  dugar ekki, er hægt að notast við breyttar forsendur.

En hvernig skyldi útkoman svo vera þegar ýtt hefur verið útaf borðinu reynslu gömlu refanna sem stóðu  í báða fæturna, jafnvel þegar illa gekk, og voru trúir sínum apparötum. Það er eitthvað rausað um skjálfraddaða skarfa sem sitja útí horni með fangið fullt af ónothæfri reynslu.

Fram fram fylking, Æskan hefur ákveðið að eldast aldrei, þeim kemur aldur ekkert við, nema hjá þeim sem eru orðnir alltof gamlir. Hve glöð er vor æska.

Sigurvegarar

Sigurvegari kosninganna er tvímælalaust Árni Johnsen með 20% útstrikana, og fær hann því fyrstu verðlaun næstur honum er Björn Bjarnason með rétt rúmlega 18% hlítur silfrið, Jónína Bjartmarz er svo hinn eiginlegi “lúser “ ekki nema 50 útstrikanir hí á hana skammarverðlaunin eru hennar. Kolla með 182 útstrikanir hlítur bronsið, Solla, Ásta og Mörður eru miðju fólk sem engin verðlaun fá. Svona er lífið

Leiðbeiningar fyrir kjósendur

Leiðbeiningar fyrir kjósendur,  fólk er fífl að mati frambjóðenda

  B-listinn listi farmsóknar, aðal hvati að aukinni verðbólgu. Afglapar í stjórn hafa kostað þjóðina hundruð milljóna með röngum ákvörðunum, engum ávörðunum og klúðri. Hæfileg refsing, að vistast í Breiðavík.

  D-listinn listi sjálfstæðismanna einkavinavæðinaflokkur. Bláeygir draumóramenn Meðhöfundar af verðbólgu vitleysunni. Hefur hagsmuni af því að vera í stjórn. Greiðir framsókn uppsett verð fyrir að fá að stjórna. Reynir ekki einu sinni að prútta. Samanstendur af reiðum íhaldsbullum sem misstu og klúðruðu  tækifærunumm til að græða. Þeir ættu að vera líklegastir til að bjarga skútunni, ef þeir hefðu anda stofnenda flokksins að leiðarljósi, en eru blindir, heyrnalausir og það sem verra er dómgreindarlausir.Þar virðast hafa valist til forystu ýmist pólitísk núll eða afglapar. Hæfileg refsing, að Hannes Hólmsteinn lesi fræðin sín fyrir þá á kvöldin.

  F-listinn, listi óánægðra útgerðamanna að vestan. Mistu af kvótanum fyrir klaufaskap og eru því reiðir. Fullir réttlætis í garð útlendinga, sem eiga heima í útlöndum.
Hæfileg refsing, kveða rímur á þorrablótum.

  S-listinn flokkur prjónakvenna og uppgjafa krata. Stundar kröfugerð að sið korngjafapólíkusa. Hafa enga hugmynd um hvert þjóðarskútan stefnir. Vilja vera grænir í frama og ganga yfir hálendið.
Hæfileg refsing, Þjóna D-listanum til borðs og sængur.

  V-lisrinn listi korngjafapólíkusa, vila ekkert,  segja nei við öllu. Kunna eða nenna ekki að reikna, blabla og handbremsu flokkur. Eru grænir í framan.
Hæfileg refsing, sitja yfir B-listanum í Breiðavík.

  ?- listinn, listi haltra og elliærra, muna ekki til hvers þeir bjóða fram, hafa ekkert nýtt fram að færa. Hafa ekki gert neina vitleysu einfaldlega vegna þess að þeir hafa engu ráðið. Refsing engin.

  I-listinn, listi utangarðs pólitíkusa úr öllum flokkum, sem fyllst hafa hneigslan yfir getuleysi hinna flokkana. Hafa ekkert nýtt fram að færa, hafa ekkert gert af sér enn sem komið er.
Hæfileg refsing, að kjósa þá á þing.

Framsóknarbúbbarnir

Bráðlega fara fram kosningar til Alþingis. Þá er rétt að skoða gerðir þeirra sem fengu umboð kjósenda til að stjórna þetta kjörtímabil. Sjálfstæðisflokkurinn sem fékk flest atkvæðin en því miður ekki nógu mörg til að vera einn um stjórnina, valdi illu heilli að kaupa fylgi framsóknar og greiddi það fylgi allt of hátt verð, bæði fyrir sig og landslýð.

 

Meðal afreka framsóknar-Búbbanna !

 “Íslenska ríkið dæmt til að greiða 27 milljónir, vegna stjórnsýsluákvörðunar umhverfisráðherra”.Umhverfisráðherra framsóknar-búbbinn Siv

Málið snérist um bygginga- og starfsleyfi fyrir  svína bú í Melasveit. Meðan málið var þæft í ráðuneytinu, og öllum leyfum synjað, voru samþykkt lög sem gerðu skylt að setja í umhverfimat bú sem hefðu 3000 skepnur eða meira.

 

 “Björn Ingi, það var allt annar framsóknarflokkur sem var í R-listanum. Ég er í framsóknarflokki sem kemur ekkert við það sem framsóknrflokkurinn gerði í R-listasamstarfinu”. Ég er alls ekki í sama framsóknarflokki og fyrrverandi formaður stjórnar OR sem fór ekki nema fjórum milljörðum fram úr áætlun við byggingu OR-hússins.

 

Þegar Árni Magnússon setti verðbólguna á fulla ferð með hækkun lána í 90% , og eftir tvo dóma um brot gegn jafnréttislögum, hrökklaðist hann frá völdum.

Halldór Ásgrímsson hrökklaðist líka frá völdum eftir tap framsóknar í sveitastjórna kostningunum og uppgjöf á að ná tökum á efnahagsmálum. Þar með var nýtt Íslandsmet sett. Tveir ráðherrar úr sama flokki, hrökklast frá völdum á einu og sama kjörtímabilinu.

 

Þegar vatn hafði flætt um íbúðir á Keflavíkurflugvelli  vegna frostskemmda á vatnsleiðslum. Sagði utanríkisráðherran afsakið, þarna fóru nokkur hundruð milljónir vegna þess að ég nennti ekki að láta skoða þetta með frostið. En það er bara ríkissjóður sem borgar, allt í þessu fína. Hver er svo ráðherran nema framsóknar-búbbinn Valgerður.

Hver er þessi ríkissjóður sem borgar fyrir mistök og bull framsóknar-búbbanna ?

 

Ég legg til að byggðin á Keflavíkrflugvelli verði skírð Valgerði samanber Sandgerði.

 

Síðan kemur upp að Birgið sem hefur fengið milljónir úr ríkissjóði undir stjórn félagsmálaráðherra, framsóknar-búbbanna. Hvað segir formaður framsóknarbúbbanna svo ? Afakið, en þið kjósendafíflin eigið að borga.

 

Við okkur kjósendur er sagt að ráðherrar verði að hafa laun í samræmi við þá miklu ábyrgð sem sé sett á herðar þeim.

 

Þá vaknar spurningin hvað þýðir orðið ábyrgð ? Er það að segja einfaldlega afsakið, eða þýðir það bæti fyrir gerðir sýnar á einhvern hátt.. Pia danska þurfti að segja af sér ráðherradómi vegna rauðvínsflösku. Sú sænska vegna dömubinda. Íslenskir ráðherrar þurfa einungis að segja afsakið, þó afglöp þeirra kosti kjósendur hundruðir milljóna. Mér er farið að gruna að það séu tvö orð sem eru borin eins fram, þ.e ábyrgð með “y” og svo ábirgð með einföldu “i.”. Þá þýðir ábirgð ekki sama og ábyrgð, þetta gæti skýrt hegðun framsókar-búbbana. Þeir bera ábirgð sem þýðir ekki sama og ábyrgð, því nægir að segja afsakið.

Fólk er fífl, amen.

Fyrsta bloggfærsla

Þessi færsla er búin til af kerfinu þegar notandi er stofnaður. Henni má eyða eða breyta að vild.