Þjáningarsaga Sima glópaláns og Bjarna gæsalappa-4

Þá kvað Magnea,  með krónískan náladofa í sjálfsvirðingunni

Foringinn Simmi fyrir sér,

fall og hrösun er búin mér.

Hann veit að lækning er þá

að svíkja og pretta segja frá

 

Aldrei kvað Blöndal, ætla ég,

að móðgast þér á nokkurn veg.

Þótt allir hætti að kjósa nú,

fullkomleg voru loforð sú.

 

Vonin er bæði völt og myrk,

að veðja frekar á holdsins styrk.

Án Simma náðar er allt vort traust,

ómögulegt, veikt og hjálparlaust

 

Leyfðu mér Simmi að gá að því,

glerkrukku ég geymi mína peninga í.

Viðvörun þína líkar mér best,

veikleika holdsins sér þú mest.

Þjáningarsaga Sima glópaláns og Bjarna gæsalappa-3

Enn kveður Magnea.

Þú vildir ekki uppreisn lýðs,

Simmi vinur þessa skríls.

Út í alþingisgarðin gekkstu því.

gafst þig í hendur kjósenda frí.

 

Af því má læra að elska frekt,

eigin orð með friði og spekt.

Þess vegna varast skalt allt kært,

óþolinmæði og skap hógvært

 

Sorgmæddur gekkstu umsamda leið,

særði þitt hjarta lygi og neyð,

Hlægjandi hljópstu glæpaleið,

með munninn fullan af silfurskeið.

 

Vort líf er ganga alþingis rétt

svikin eru öllum takmörk sett.

Svikaleiðum ei leik þér að,

lendir víst á kvalastað

 

Iðrunartárin falla í vor,

rennbleyta vor lífsins spor.

Gegnum svikin með gleði og lyst,

röltum vér þá í félagsvist.

 

 

Þá Simmi nú veginum var,

við Bjarna og fleiri ræddi þar.

Gjaldþrot mundi henda skjótt,

harðlega mælti Sindri í mót.

Þjáningarsaga Sima glópaláns og Bjarna gæsalappa-2

Enn kveður Magnea

Að loknu áti hófst söngurinn,          

las sínum gæsalappa Simmi minn.

Síðla um kvöldið seint það var,

sungu með honum hans ligasveinar

 

Simma sonur, sá lyginnar ráð,

sjálfur átti á þingi og láð.

Þáði frá Bjarna með þakkargjörð,

þegar hann þvældist hér með sína hjörð.

 

Betlari ert þú mín sál,

þiggur af Simma hvert eitt mál.

Fræðslu þína og bullið allt,

fyrir það þú þakka skalt.

 

Vondum þrælum er það mikil smán,

ef þeir þiggja svo Simma lán.

Með drambi og gorti montar sig,

Simmi forði frá slíku mig.

 

Eftir það væl en ekki fyrr,

út gekk Simmi um þingsins dyr.

Að hans sið er það  skeð,

til olíufurstans ganga réð.

 

Af Simma þú læra skalt,

lofa þinn Bjarna og dýrka skalt.

Bænalaus ekki rölta  né,

burtför þín af Alþingi sé.

 

Yfir um salinn breiðan gekk,

Simmi þá með sveinum sínum gekk.

Sá salur er svartur og nafnið ber,

sem ekki hugnast mér.

Yfir vesöld er mín leið,

meðan varir lífsins skeið.

Undan gekk Simmi og eftir ég,

á þeim grýtta vesaldar veg.

 

Horfi ég nú inn í huga mér,

elskulegi Simmi, eftir þér.

Dásamleg er lygin þín,

dreg ég þau glaður heim til mín.

Þjáningarsaga Sima glópaláns og Bjarna gæsalappa

Þá kvað Magnea:

Upp,upp Bjarni minn og allt þitt geð,

upp þitt hjarta og lygi með.

Hugur og tunga hjálpi til

Simma pínu ég minnast vil

 

Heilagur Simmi skipar þá

skulum vér allir þingi á.

Kunngjöra þá lygi með döprum eyð

sem Bjarni fyrir oss vesæla leið.

 

Ljúfan Simma til lausnar þér,

langaði víst að ljúga að mér.

Mig langar lítið að minnast þess,

mínum flokki til þakklætis.

 

Innra mín, angrið sker,

æ hvað er lítil rót í mér.

Simmi er kvalinn minn í stað,

of sjaldan ég segi það.

 

Skoðum nú þá sætu fórn,

sem oss við Simma vorn.

Fordæmda líka forríka að.

fögnum því að hugsa um það.

 

Hvað stillir betur gengi og kvöl,

en heilög Simma pína og böl.

Hvað heftir lengur Simma synd,

en herrans Bjarna blóðug mynd.

 

Hvar færð þú betur sál mín séð,

sanna míns Simma hjartageð.

Sem faðir flokksins færði til mín,

framar en þér Bjarna í pín?

 

Ó Simmi þinn anda gef þú mér,

verði svo allt til dýrðar þér.

Upplogið raulað, sagt og téð,

vér síðan njótum þér með. 

kæri Ólafur þríliðusérfræðingur

Matsfyrirtækin eru bráðnauðsynleg fyrir stjórnendur landa. Þegar matsfyrirtæki gefur út lánshæfismat gleipa stjórnendur landsins og  segja sko bara okkur við erum á réttri leið, bráðum fara blómin að spretta, matsfyrirtækið segir það.

Svo kemur í fréttum “matsfyrirtækið Frissi segir lánshæfismat Íslands farið í bbbcccxxx- úr bbbcccxxxp-“

Ef  lánshæfismatið hefur lækkað að mati Friss, segir í fréttum að vegna slæmra ráðstafana og rangrar efnahagsstjórnar síðustu ríkisstjórnar sé svo komið að við séum í rulsflokki og djúpum skít. Eina réta sé að fella geng krónunnar, hækka skatta á láglaunafólk, lækka skatta hátekjufólks , afnema óþarfa útgjöld á fyrirtæki svo sem veiðigjöld og auka afskriftir til útgerðarinnar. Svo koma valdir þríliðusérfræðingar fram í sjónvarpinu og sýna okkur með súluritum hvernig allt fer á betri veg undir stjórn Bjarna og Simma.

kveðja.

Magnea 

Kæri Bjarni gæsalappi

 

Kæri Bjarni gæsalappi.

Ég get ekki annað en varað þig við elsku drengurinn minn. Þú ert að verða meiri frammari en sjálfur Simmi glópalán. Hvernig endar þetta bara segi ég ?

Strax þýðir “nú þegar”, en frammsóknar-strax þýðir bráðum eða seinna eða aldrei allt eftir því hver segir það. Leiðrétting  vegna skulda heimilanna strax eins og Simmi sagði þýðir þar af leiðandi kannski eða seinna eða aldrei. Hvað eru svo menn að rífa kjaft auðvitað standur þú Bjarni minn og Simmi við hvert orð sem þið segið  við háttvirta kjósendur.

Þjóðaratkvæðagreiðsla áður en haldið er áfram viðræðum við EB þýðir ekki að það eigi að halda svoleiðis heldur er það bara hugmynd svona til skoðunar fyrir Simma og Bjarna. Það sem olíuforstjórinn sagði á sínum tíma stendur óhaggað enn. Hann sagði fólk er fífl.

Magnea hefur sagt sína meiningu

Þín háttskrifaða  Magnea

Kæra Vigdís

Kæra Vigdís.  

Mikið dáist ég að þér, þvílík snilld segi ég bara. Aumingja fólkið handan hafsins sem sveltur heilu hungri. Verðum við ekki að hjálpa þessum vesalings ESB-um svo þeir deyi ekki út. Það væri skömm fyrir okkur íslendinga að láta heila þjóðflokka deyja út, eins og við höfum það gott hér á klakanum. Við eigum fullt af fiski og lambakéti sem við gætum slakað yfir hafið, svo maður tali nú ekki um skyrið.

Vigga mín það kom mér ekki á óvart þótt þú værir með lausina á því hvernig koma ætti þessari fátækrahjálp til vesalings fólksins. Auðvitað látum við Eimskip flytja þetta til Möltu sem er ekki ríki heldur einhverskonar Vestmannaeyjalíki. Svo geta svangir ESB-ar rölt eða synt þangað og fengið sér í svanginn. Tær snilld Vigga mín eins og þín er von og vísa.

Láttu ekki helvítis kommanna í Sjálfstæðisflokknum villa þér sýn Vigga mín. Haltu áfram að fá góðar hugmyndir og vertu ekki feimin að setja þær fyrir almenningssjónir.

 

Ég er orðin svöng og ætla að fá mér skyr frá Noregi (það er nefnilega ódýrara en þetta íslenska skyrþykkni)

Elsku Vigdís mín ég kveð að sinni.

Þín Magnea.

Matur fyrir alla

Matsfyrirtækin eru bráðnauðsynleg fyrir stjórnendur landa. Þegar matsfyrirtæki gefur út lánshæfismat gleipa stjórnendur landsins og  segja sko bara okkur við erum á réttri leið, bráðum fara blómin að spretta, matsfyrirtækið segir það.

Svo kemur í fréttum “matsfyrirtækið Frissi segir lánshæfismat Íslands farið í bbbcccxxx- úr bbbcccxxxp-“

Ef  lánshæfismatið hefur lækkað að mati Friss, segir í fréttum að vegna slæmra ráðstafana og rangrar efnahagsstjórnar síðustu ríkisstjórnar sé svo komið að við séum í rulsflokki og djúpum skít. Eina réta sé að fella geng krónunnar, hækka skatta á láglaunafólk, lækka skatta hátekjufólks , afnema óþarfa útgjöld á fyrirtæki svo sem veiðigjöld og auka afskriftir til útgerðarinnar. Svo koma valdir þríliðusérfræðingar fram í sjónvarpinu og sýna okkur með súluritum hvernig allt fer á betri veg undir stjórn Bjarna og Simma.

þetta leyfi ég mér að segja. Ykkar Magnea 

Kæri Frosti

Kæri Frosti

Fyrir síðustu kosningar sögðuð þið Simmi glópalán að það væri ekkert mál að leiðrétta stökkbreyttar skuldir heimilanna. Það þyrfti bara að finna þríliðuformúlu. Ekkert annað framboð biði uppá einfaldari lausn sem væri hægt að framkvæma strax eftir kosningar, hún er bæði réttlát og einföld.

Síðan er búið að bjóða upp ríflega 5000 íbúðir ofan af fólki sem enn er að bíða eftir leiðréttingu en þrátt fyrir sérfræðinga nefndir er ekki enn búið að finna þessa þríliðuformúlu. Fulltrúi framsóknar suður á Kanarí telur að um hafi verið að ræða framsóknar-strax sem ekki sé sama og strax í merkingunni nú þegar.

Framsóknar-strax þýðir nefnilega kannski seinna eða einhverntíma eða jafnvel aldrei. Þannig má segja að Framsókn standi með kaktusinn í hendinni og hafi staðið við þetta kosningaloforð, hvað svo sem annað, ég  bara segi það.

Ég hélt að Simmi væri að grínast þegar hann atti þér út í fjölmiðlana með þessar strax hugmyndir. 

Vonandi verður þú þiðnaður fyrir næstu kosningar Frosti minn ég elska þig þú ert svo sætur. Þín

Magnea. .agnea﷽﷽﷽﷽

Valentínus

Í valdatíð Marcusar Aureliusar Augustusar Gothicusar, þekktur sem Claudius 2. Keisari í Róm frá 268 til 270 eftir Krist, urðu atburðir sem tengjast Valentíusi.

Það eru þrír Valentíusar sem sagnir eru um frá þessum tímum. Nú eru sumir sem vilja hafa það sem sannara reynist. Þetta er oft notað en ég vil hafa það sem skemmtilegra er,  í svona efnum.

Claudius 2. var duglegur herforingi og vann marga frækilega sigra. Meðal frægra sigra sem hann vann var orrusta við Gota við Naissus sem síðar var í  Júgóslavíu. Nú á  valdatíma Claudiusar sem keisara, komu upp vandamál  meðal hermanna. Ráðgjafar Claudiusar töldu að helstu vandræðin tengdust því að hermennirnir, það er þeir sem voru giftir eða trúlofaðir vildu heldur kúra undir sængurhorni kvenna sinna frekar en berjast við ókunnuga einhverstaðar úti í heimi. 

Úr varð að Claudius bannaði hermönnum sínum að giftast eða eiga kærustur.Nú kemur til sögunnar Valentínus sem þá var prestur í Róm. Valentínus þessi hafði sótt um að verða páfi en ekki fengið djobbið. Þess vegna var hann hálf súr út í kirkjuna og keisarann.

Nú tekur Valentínus að gifta hermenn Claudiusar á laun fyrir lítinn pening. Leyniþjónusta Claudiusar kemst að þessu og tilkynnir Claudiusi, sem varð æfur við og fyrirskipar tafarlausa handtöku Valentínusar. Svo reiður var Claudius að hann fyrirskipaði að Valentínus skuli verða laminn með hafnarboltakylfum þar til hann gefi upp öndina og síðan hálshöggvinn.

Valentínusi er nú hent í steininn og aftökudagurinn ákveðinn 14 febrúar árið 269 eftir Krist.Meðan Valentínus bíður barsmíðanna og axarinnar, kynnist hann dóttur fangelsisstjórans sem var blind. 

Sagt er að þau hafi hist á laun í klefanum sem Valentínus var hafður í og verið innileg hvort við annað.

Nú rennur upp 14. Febrúar árið 269. Hafnaboltakylfurnar eru splunkunýjar sem nota á.Valentínus fær góðfúslega leyfi til að skrifa bréf til dóttur fangelsisstjórans, sem hann gerir og undirritar það „þinn Valentinus „ Þetta er talið fyrsta Valentínusarbréfið.

Dóminum er fullnægt en þá bregður svo við að dóttir fangelsisstjórans fær sjónina akkúrat þegar höfuð Valentínusar skilur við búkinn.

Það er af Caudiusi 2. að segja, að hann fékk svínaflensu í janúar 270 sem leiddi hann til dauða. Eftir dauða hans byrjaði 200 ára hnignunar tímabil Rómarveldis. 

Frá sextándu öld hafa Bretar og Skotar haldið Valentínusardag hátíðlegan. En sagnir eru um að á 14 öld hafi þessi dagur verið hátíðisdagur elskenda og kærustupara í Evrópu. 

Til Bandaríkjanna berst þessi siður með Breskum innflytjendum, og hafa Bandaríkjamenn verið einna iðnastir við að halda uppá daginn. Hingað berst þessi siður frá Bandaríkjunum og Danmörku um 1960 eða þar um bil.Valentin þýðir hinn heilbrigði og duglegi eða þannig.

Um 1950 fengu blómasalar og gullsmiðir í Danmörku þá geislandi hugmynd að tengja saman dánardag Valentínusar við blóma og gullsölu.

 Hugmyndin þótti frábær, en þrátt fyrir það var það ekki fyrr en um 1960 sem Valentínusardagurinn hafði unnið sér sess í dönsku þjóðlífi