Kæri Simmi glópalán

Það er aldrei að illfyglin sveifli vængjunum, ég segi bara. Hvenig átt þú svo sem að fylgjast með aurunum sem spúsa þín er að sísla með.
Er þetta bara ekki mjólkurpeningurinn hennar, getur ekki verið svo merkilegur.
Ekki vissi Gerða leikaradóttir hvað hennar maður var að paufast á sínum tíma,
7 hægri eða vinstri. En hún var með það á hreinu að hennar maður hafði leikið 245 landsleiki og gert 1123 mörk flest glæsileg að sögn kunnáttumanna.
En tveir milljarðar var algerlega hulið henni, enda ekkert að vasast í aurum eiginmannsins
Svoleiðis mál eru ekki rædd undir sængurhorni ónei. Svo eru þessir aurar þinnar elsku í skjóli og sjást því ekki. Hvað er svo fólk að segja um hrægamma og Tortúlur. Það er kristalklárt að þú hafðir ekki hugmynd um þessa aura og ég er sannfærður um að þú lokaðir augunum ef eihverjir Tortúlapappírar voru á eldhúsborðinu þegar þú leist inn eftir erfiði dagsins.
Simmi minn glópalán vertu ekkert að ansa þessu hyski, þetta eru bara vonsviknir kommúnistar sem dauðöfunda ykkur, sem eru að nöldra út af þessu. Svo greiddi frúin líka erfðaskatt af þessu lítilræði. Hvað er þá að ég bara spyr?
Simmi minn gleðilega páska og veri almáttugur með þér og páskaeggjunum.
þín Magnea.

Valentínus

Í valdatíð Marcusar Aureliusar Augustusar Gothicusar, þekktur sem Claudius 2. Keisari í Róm frá 268 til 270 eftir Krist, urðu atburðir sem tengjast Valentíusi.
Það eru þrír Valentíusar sem sagnir eru um frá þessum tímum. Nú eru sumir sem vilja hafa það sem sannara reynist. Þetta er oft notað en ég vil hafa það sem skemmtilegra er, í svona efnum.
Claudius 2. var duglegur herforingi og vann marga frækilega sigra. Meðal frægra sigra sem hann vann var orrusta við Gota við Naissus sem síðar var í Júgóslavíu. Nú á valdatíma Claudiusar sem keisara, komu upp vandamál meðal hermanna. Ráðgjafar Claudiusar töldu að helstu vandræðin tengdust því að hermennirnir, það er þeir sem voru giftir eða trúlofaðir vildu heldur kúra undir sængurhorni kvenna sinna frekar en berjast við ókunnuga einhverstaðar úti í heimi.
Úr varð að Claudius bannaði hermönnum sínum að giftast eða eiga kærustur.Nú kemur til sögunnar Valentínus sem þá var prestur í Róm. Valentínus þessi hafði sótt um að verða páfi en ekki fengið djobbið. Þess vegna var hann hálf súr út í kirkjuna og keisarann.
Nú tekur Valentínus að gifta hermenn Claudiusar á laun fyrir lítinn pening. Leyniþjónusta Claudiusar kemst að þessu og tilkynnir Claudiusi, sem varð æfur við og fyrirskipar tafarlausa handtöku Valentínusar. Svo reiður var Claudius að hann fyrirskipaði að Valentínus skuli verða laminn með hafnarboltakylfum þar til hann gefi upp öndina og síðan hálshöggvinn.
Valentínusi er nú hent í steininn og aftökudagurinn ákveðinn 14 febrúar árið 269 eftir Krist.Meðan Valentínus bíður barsmíðanna og axarinnar, kynnist hann dóttur fangelsisstjórans sem var blind.
Sagt er að þau hafi hist á laun í klefanum sem Valentínus var hafður í og verið innileg hvort við annað.
Nú rennur upp 14. Febrúar árið 269. Hafnaboltakylfurnar eru splunkunýjar sem nota á.Valentínus fær góðfúslega leyfi til að skrifa bréf til dóttur fangelsisstjórans, sem hann gerir og undirritar það „þinn Valentinus „ Þetta er talið fyrsta Valentínusarbréfið.
Dóminum er fullnægt en þá bregður svo við að dóttir fangelsisstjórans fær sjónina akkúrat þegar höfuð Valentínusar skilur við búkinn.
Það er af Caudiusi 2. að segja, að hann fékk svínaflensu í janúar 270 sem leiddi hann til dauða. Eftir dauða hans byrjaði 200 ára hnignunar tímabil Rómarveldis.
Frá sextándu öld hafa Bretar og Skotar haldið Valentínusardag hátíðlegan. En sagnir eru um að á 14 öld hafi þessi dagur verið hátíðisdagur elskenda og kærustupara í Evrópu.
Til Bandaríkjanna berst þessi siður með Breskum innflytjendum, og hafa Bandaríkjamenn verið einna iðnastir við að halda uppá daginn. Hingað berst þessi siður frá Bandaríkjunum og Danmörku um 1960 eða þar um bil.Valentin þýðir hinn heilbrigði og duglegi eða þannig.

Um 1950 fengu blómasalar og gullsmiðir í Danmörku þá geislandi hugmynd að tengja saman dánardag Valentínusar við blóma og gullsölu.
Hugmyndin þótti frábær, en þrátt fyrir það var það ekki fyrr en um 1960 sem Valentínusardagurinn hafði unnið sér sess í dönsku þjóðlífi.

Kæri Simmi

Kæri Simmi glópalán.

Ég ætlaði bara ekki að trúa mínum eigin eyrum þegar ég heyrði í útvarpinu skammirnar út í ykkur Bjarna gæsalappa.

En þetta gamla hyski sem kaus ykkur og gengur nú nöldrandi út af því að fá ekki eitthverja leiðréttingu sem það heldur að það eigi að fá, og kalla það sanngirnismál.

Simmi minn mér fannst þú svara þessu nöldri af skynsemi. Auðvitað er ekkert vit í því að greiða þessu pakki aftur í tímann, enda sagðir þú að þetta lið sé búið að fá miklu meiri hækkanir en þið þarna á alþinginu. Þetta ölmusulið getur sko gott beðið eftir áramótunum enda stórgræðir það á að bíða, því þá er hægt að reikna launabreytingar til áramóta inn í þessa launaleiðréttingu af miklu meiri sanngirni, enda hækka launin þegar þau lækka eins og allir vita sem nenna að hugsa.

Og af hverju er þetta ástand eiginlega ?? Nú auðvitað af því helv. hann Steingrímur skerti þessar aumu bætur sem þú er búinn að hugsa um að hækka kannsi um eða eftir áramót.

Skerðingin var víst að hans sögn vegna þess að ykkar menn voru búnir að setja landið á hausinn.

Það var svo tær snilld hjá ykkur að láta Samfó V-græna græja gjaldþrotið með allskyns skerðingum. Hahaha hí á þá. Þeim var nær.
Simmi minn láttu þér ekki detta í hug að bruðla með fé almennings, Ef þetta pakk fær einhvern aur frá þér elsku Simmi minn eyða þessir nöldrarar bara aurunum í brennivín eða einhvern óþarfa eins og mandaríur eða epli.

Elsku drengurinn minn skilaðu kveðju til Bjarna míns þið eruð bestir "Yes"

Þín Magnea

Kæri Vinkill

Hvað á það eiginlega að þýða hjá þér að banna alsaklausum gestum þínum á Kvíó að kaupa sér menntun ? þú átt ekki að borga, þeir ætla að borga sjálfir.

Eymingja mennirnir sem voru dæmdir alsaklausir fyrir það sem vondir kallar í útlöndum gerðu. "yes"

Ekki voru það þeir Óli, Hansi, Bjöggi, Welding, Harði og þeir sem stjórnuðu öllu hér sem settu allt á hausinn.

Nei, ónei það voru fíflin sem keyptu flatskjáina, eins og Villi sagði, sem settu allt á annan endann. Svo sitja þessi valmenni á bryggjunni með fullt af mony en þú bannar þeim að kaupa sér ríðingarnámskeið, svona lagað finnst mér óréttlátt "unfair" ég segi bara.

Meiga þeir bara ekki neitt? ekki einu sinni kaupa sér kók og prins fyrir sína eigin mony-péninga ?

Vinkill minn mér finnst nú réttlátt að alsaklausir fái að kaupa undir sig merar og læra að stjórna þeim og sér. Vonandi fá þessir englar að eyða sínum moný þegar þú hefur lesið þessar línur frá mér.

Þín einlæga, Magnea

Kæri Bjarni gæsalappi

Hvernig dettur fólki í hug að krefjast þjóðaratkvæðagreiðslu um eitthvað ESB. Þjóðin hefur ekki hugmynd um hvað ESB er. Svo eru óvildarpúkarnir að segja að þú og Simmi glópalán hafið lofað þessari atkvæðagreiðslu. Áttar fólk sig ekki á því að loforð gefin fyrir kosningar gilda ekki eftir kosningar. Svo eru vinstri púkarnir að halda því fram að svona mál eigi að fara inn á Alþingi. Þvílíkt og annað eins hef ég bara ekki heyrt áður. Þingið hefur nóg á sinni könnu. Það þarf að semja um göngugjöld fyrir erlenda ferðamenn sem vilja ganga niður Laugaveginn og upp Hverfisgötuna, eða öfugt, svo eitthvað sé nefnt. Svona smámál eins og þetta ESB er langt því frá að sé þingtægt.

Elsku Bjarni minn haltu áfram að verja gerðir utanvelturáðherrans sem ekki veit hvort Malta er í Ítalíu eða ekki.

Svo er Simmi áræðanlega sammála ykkur tveimur. Þingið á bara að halda kj.þú veist.

Bjarni minn passaðu þig þegar þú hellir glasinu í vatnið.

Þín

Magnea

Kæri Villi

Mikið hlakka ég til eftir áramótin, þegar þú selur mér flatskjáinn sem þú fékkst þér hér um árið. Þú veist þennan sem setti Ísland á hausinn. Varst það ekki þú Villi minn sem sagðir að kaup á flatskjám hefðu valdið hruninu ásamt helv. honum Steingrími.

Nú þegar vörugjöld verða lækkuð eða afnumin af allskyns óþarfa dóti eins straujárnum og flatskjám, fáum við sem settum allt á annan endann tækifæri til að kaupa af ykkur alsaklausum gamla dótið ykkar á spott-prís.

Svo er fólk að fjandskapast út í þig Villi minn fyrir að benda á þetta, eins og við vitum báðir fattar svokallaður almenningur ekki þessa hagfræði.

Það þarf minnst fjórar háskólagráður til að skilja þetta Villi minn, enda botna ég bara ekkert í þessu.

Nú er bara að finna auðtrúa sjálfgræðis- og frammara sem eiga skilið að fá keypt ódýrt af ykkur höfðingjunum, svo ef eitthvað verður eftir af ódýrum tækjum þá er bara að skella því til Afríku þar er örugglega not fyrir straujárn og svoleiðis, þó það vanti rafmagn, það má velgja straujárnin yfir eldi við hliðina á súpupottinum.

Villi minn ef þið segið þetta nógu oft þá trúir þessi lýður sem kusu ykkur á þing bullinu í ykkur og tekur ekki eftir því þegar þið gefið Landsvirkjun og Landsbankann.

Það má alltaf svona eftir á segja að þetta sé helv. honum Steingrími að kenna.

Villi minn þessi tæra snilld verður þér ævinlega þökkuð. Fylgi fransókar-og sjálfgræðis eykst um mörð þúsund prósent við þessa tæru snilld.

Elsku Villi minn haltu áfram að finna upp svona snilld, þér verður þakkað á hinsta degi, og gerð brjóstmynd af þér, sem sett verður á stall í Alþingiskofanum við Austurvöll, það er ég viss um.

Ég skrifa þér aftur Villi minn, þegar ég hef fengið mynd á skjáinn sem ég ætla að losa þig við.

Þín Magnea.

Kæra Sigrún framsóknarformaður.

Það var mál til að einhver með ómengað hugarfar léti þjóðina vita af þessum stórhættulega sníkli sem fluttur hefur verið inn frá Spáni og fleiri löndum í formi lostætis, sem háttvirtir kjósendur hafa gúffað í sig.

Þessi sníkill heitir víst á útlensku "toxoplasma gondii."

Hann getur haft þau áhrif fyrir þá sem hans neyta, að þeir taka upp á allskyns sérkennilegri hegðun. Dæmi eru til þass að mikil neysla þessarar innfluttu sælkeravöru valdi hegðunarröskun sem kemur fram í því að þeir sem verst eru settir velji sjálfa sig til forystu í stjórmálaflokkunm. Á vejulegt fólk sem hefur ekki mikil auraráð veldur þessi sníkill þau áhrif að þeir kjósa framsókn og íhaldið hvað svo sem þeir kalla sig.

Vinstri grænir, Samfylking,  Sjálfstæðisflokkur, Framsókn.

Þingmenn þessara flokka sem öllu ráða á þinginu hafa allir borðað í mörg ár í sama mötuneytinu við Austurvöll svo það er ekkert skrítið þótt svipuð einkenni þessa síkils hafi komið fram í öllu þessu fólki.

Elsku Sigrún mín ef það er ekki of seint, mæli ég með að þú látir detoxaplasma alla starfsmenn og þingmenn, og bannir þeim að éta spænskt gúllas og hamborgara úr nautakéti.

Sigrún mín ég fylgist áfram með hegðun Simma glópaláns og Bjarna gæsalappa, og læt þig vita ef einkennin hjá þeim breytast..

Þín Magnea

 

Kæri Gunni minn utanvelturáðherra

 Nú eru menn að æsa sig upp og hneygslast á því að þú skulir fyrirgefa Geira harða og verðlauna hann með sendilsstöðu einhversstaðar.

Ég segi bara allt er klárt sem vel er blátt.

Svo þessi  vinstri græni eggjabóndi, honum er ekki of gott að fá að sendast fyrir íslenska bændur í útlöndum.

Ég segi bara ekki annað en, allt er vænt sem er vinstri grænt og hana nú.

Hvað eru svo þessir öfundarpúkar að segja um að sendissveinninn sé í máli við bæði Bjarna gæsalappa og Sigmund glópalán. Mér er bara slétt sama hver er í máli við þessa herramenn, öðru máli gengdi ef lalli jóns færi í mál við þá.

Þá mundi ég sko fara austur á hraun og standa í mómælastöðu gegn Lalla jóns.

Hann á ekkert gott skilið eftir að hann hnupplaði kindalærinu. Það á sko ekki að lýða smáhnupl. Ef menn geta ekki rænt og stolið almennilega eins og útrásarvíkingar, svo eftir sé tekið á að stinga þeim umsvifalaust í steininn og láta þá dúsa þar í félagsskap Lalla og annarra smá hnupplara.

Auðvitað verður sá vinstri græni sendssveinn Islands á Gasa er það ekki öruggt.?

Þá er von til að þú gætir skipað Hörðubirnu sendissveinku í Úkraínu eða einhversstaðar þar í grend.

Þú stendur þig með stakri prýði Gunnsi minn, ég er stolt af þér.

Þín elskulega Magnea.

Kæra Harðabirna

Nú er mér að verða allri lokið. Skilur þetta DV ekki að þegar þú segir ekki ég, og löggustjórinn segir skil ekki, og þessi svokallaði ríkis eitthvað sem Dabbi segir að sé hjá mála og í vinnu hjá kommonum segir ekki núna ég segi bara eitthvað seinna, kannske í endurminningum eftir 30 ár eða svo.

Ef þetta DV hættir ekki þessum skrifum þá hætti ég bara að lesa það.

En Mogginn hann segir örugglega rétt frá.

Auðvitað ertu alsaklaus af öllum lekum enda komin svo góð efni til að stoppa leka, silicon og tappar allskonar.

Harðabirna mín segðu bara að allt þetta tuð í DV sé meira eða minna tóm lygi og ekkert annað.

Skrítð hvað þeir félagarnir Simmi glópalán og Bjarni gæsalappi eru rólegir yfir þessu DV tuði.

Ég óttast mest að þeir ætli að skipta þér út fyrir framsóknarmadömu, þessari sem er á móti rósavíni.

Ég kveð þig í bili Harðabirna mín.

Þín Magnea.

 

Kæra framsóknarmadama.

Auðvitað er ekkert vit í því að selja bjór og vín í Bónus og Hagkaupum. Það segir sig sjálft og allir sem eru edrú skilja þetta. Þið hin sem eruð á fyllerii sjáið  hvort sem er ekki neitt, skiljið heldur ekki neitt, svo það þýðir ekkert að spyrja ykkur.

Mér finnst að það ætti líka að hætta sölu blýanta, kúlupenna og hverskyns ritfanga í Bónus og Hagkaupum. Fólk sem kaupir svona vöru kann ekkert að fara með hana frekar en vínið. Það bara skrifar einhverja djöfuls vitleysu um framsókn og sjallanna, tóm lygi auðvitað.

Mér finnst að skriffæri ætti að selja undir eftirliti opinberra embættismanna, og taka loforð af þeim sem fá skriffæri, um að þeir skrifi ekki illa um frammara og sjallara. Svo væri ekki úr vegi að þeir séu látnir taka písa próf í skrift áður en þeir fái afgreiðslu í ritfangaverslun ríkisins.

Til ykkar lesendur góðir ef einhverjir eru segi ég bara þetta. Dettið í það og skrifið lofgjörð til framsókar maddömunar, og hans Bjarna míns gæsalappa.

Bestu kveðjur.

Magnea