Martöð-3

 

Nú var Sturla frammari mættur og tekinn við fundarsjórn  frammara á Kanarí. Hann færði okkur þær fréttir að Framsóknarflokkurinn hafi skipt um forystu og væri því í rauninni nýr flokkur og þessi nýja forusta hefði bara ekkert að gera með það ástand sem uppi væri í þjóðfélaginu um þessar mundir. Það er allt endurnýjað nema bara Sif sem varð eftir kannski fyrir misskilning.

Nú tökum við upp samvinnustefnuna,  jafnaðarstefnuna og allt það besta sem okkur kemur til með að detta í hug til að gera ykkur lífið bærilegt. Að vísu höfum við engar lausnir á gjaldþroti  Íslands nema bara að borga. En gjaldþrotið var ekki okkar nýja Framsóknarflokki að kenna það var gömlu forystunni að kenna auðvitað hvað annað.  En þið hér á Kanarí þurfið ekki að hafa teljandi áhyggjur af því, vegna þess að þið verðið laungu dauð og krakkarnir ykkar bara borga þetta lítilræði og kannski þeirra krakkar líka. Þið ættuð bara ekkert að vera að fara til Íslands, það er hægt að drepast hér eins og þar. Þar með var orðið laust.

Martröð-2

 

Guðjón Arnar hinn frjálslyndi hélt uppi  framsóknarfundum á Kanarí eftir að Jón Magnússon fór til Íslands til að undirbúa flóttann frá Frjálslyndum. Guðjón hélt áfram að skamma íhaldið en hafði engar lausnir á efnahagsástandinu, nema þá að veiða fleiri þorska og stofna sjóði.  Hvaðan eiga peningarnir að koma í þessa sjóði ? Bara sagði Guðjón, þar með var það útrætt mál og ellibelgirnir klöppuðu.

Ástæðan fyrir því að Frjálslyndir tóku að sér þessa pólitísku fundi  var sú að Sturla frammari þurfti að skreppa til Íslands til að skipta um forystu í Framsókn.

Martröð-1

 

Frjálslyndu félagarnir Jón Magnússon og Guðjón Arnar Kristjánsson voru í forsvari fyrir Framsókn á svokölluðum framsóknarfundum á Klörubar, á ensku ströndinni á Kanarí. Á þeim var að heyra að efnahagshrunið hafi verið Sáfstæðisflokknum að kenna svona að mestu leiti. Jón skammaði Sjálfstæðisflokkinn út í eitt, þeir eiga ekkert gott skilið , enginn sannur Íslendingur á að kjósa þessa kauða, besti og raunar eini kosturinn fyrir kjósendur í næstu kosningum er Frjálslyndiflokkurinn. En það má ekki bíða með að kjósa ekki eitt augnablik sögðu þeir félagarnir.

Nú er Jón genginn í Sjálfstæðisflokkinn sem hann taldi ekki á vetur setjandi um miðjan janúar. Um lausnir á vandanum höfðu þeir félagarnir engar. Hvað skyldi Jón hafa fram að færa í dag ? Ef til vill átti Jón erfitt með að hafa opinbera skoðun á ýmsum stofnunum sem að hruninu komu og var beinlínis kennt um hrunið til dæmis Fjármálaeftirlitið. Þá er bara best að ganga í til liðs við glæpahyskið og reyna að skara eld að sinni köku.

Kastljós 24.feb.2009

 

Það var vegna mikils framboðs af ódýru fjármagni sagði Davið. Hvaðan kom þetta ódýra fjármagn og hvers vegna var það ódýrt ? Það var ekki spurt um það. En þetta ódýra fjármagn setti iðnað á Íslandi nánast á hausinn,  útflutningsvörur seldar úr landi á hálfvirði, útgerðin tapaði og safnaði skuldum. Innfluttar vörur voru á mjög hagstæðu verði og fólk keypti allt mögulegt vegna þess hvað það var hagstætt. En það var bara ekkert hagstætt þegar búið verður að borga skuldirnar sem útrásarvíkingarnir undir stjórn Sjálfstæðismanna  og Framsóknar stofnuðu til. Þjófurinn Hansi hældi þessu frjálsa kerfi sem stal auðæfum Íslands og skilur okkur eftir stórskuldug. Hvar skyldu auðæfin vera niðurkominn?

Þjófurinn lét hafa eftir sér í september 2007. „ Ég kemst að þeirri niðurstöðu að íslenska efnahagsundrið eigi sér alveg eðlilegar skýringar. Þessar skýringar eru fólgnar í því að það sem við gerðum að við virkjuðum fjármagn sem áður lá dautt. Í fyrsta lagi voru fiskistofnarnir verðlausir áður fyrr. Þeir voru óframseljanlegir, óveðhæfir og óseljanlegir............." Síðan hvenær varð fiskurinn verðlaus ? Kvótakerfið var eingöngu sett á fót fyrir útvalda, síðan hefur útgerðin safnað skuldum sem eru víst orðnar 500 milljarðar ef ekki meira. Þessar skuldir lenda hjá almenningi til greiðslu. Hver var þá ávinningurinn fyrir ríkið (almenning) ? Og þjófurinn hélt áfram „Hugsið ykkur, bankakerfið bankakefrið hefur margfaldast á þessum fjórum til fimm árum. Og hugsið ykkur hvað væri nú gaman ef við bara héldum áfram og gæfum í „  Svo er það nú ekki gæfulegt þetta bankakerfi í dag sem hann hældi í september 2007 og var það ekki Davíð sjálfur sem hélt ekki varni og skálaði fyrir vitleysunni um þetta leyti ??

Hvað með öll heilbrigðisvottorðin sem Seðlabankinn og Fjármálaeftirlitið gáfu efnahag landsins og bönkunum ? Stóð ekki í skýrslu frá Seðlabankanum sem var birt í apríl 2008 eitthvað á þessa leið: „ fyrir ári var niðurstaða greiningar Seðlabanka Íslands sú að fjármálakerfið væri í meginatriðum traust. Sú niðurstaða er óbreytt. Ársreikninar íslenskra fjármálafyrirtækja fyrir árið 2007, sérstaklega þriggja stærstu bankanna, sýna enn sem fyrr að þeir eru þróttmiklir." Var Davíð ekki að segja okkur í Kastljósinu að hann hafi verið að vara við ?

Svo  einnig þetta „Á heildina litið er niðurstaða Seðlabankans enn sú að fjármálakerfið sé í meginatriðum traust. Íslenska bankakerfið uppfyllir kröfur sem gerðar eru til þess og stenst álagspróf sem Fjármálaeftirlitið og Seðlabankinn hafa gert „  Svo mörg voru þau orðin. Var ekki Davíð að vara við ??

Er einhver að skrökva

Ljúgir þú miklu, stendur þú lágt. í steininn ferðu. Ljúgir þú miklu, stendur þú hátt, í stjórnarráðið ferðu.

Smá breyting á gamalli vísu.

Svona er nú þetta

 

Bjart nú ómar betl um heim,

blikar jólastjarnan,

stjarnan mín og stjarnan þín,

stjarnan allra barna.

Var hún áður víkingum,

vegaljósið skæra.

Banki á jörðu borinn var,

banki landsins kæra.

 

Víða hafa víkingar,

vélað margar þjóðir.

Eftir standa allstaðar,

auraljósir sjóðir.

Birtu þeirra baðast í,

börn og afkomendur.

Sínu landi sökktu í,

sjálfshyggjunnar hendur.

 

Banka greifum gáfu þeir,

borga skal nú landinn.

Útrás verður aldrei meir,

útför krónu er vandinn.

Seðlabanka svart er grín,

sindrar skuldastjarna.

Skuldin mín og skuldin þín,

skuldin okkar barna.

 

Ég held að höfundurinn sé Guðmundur Páll Guðmundsson

Þetta var sungið í hófi listakvenna í Kaupmannahöfn ekki fyrir löngu.

Kveðjur til Íslands frá Danmörku

Nýir tímar

 

17.júní, 1.des þetta eru gamlar lummur. Tími til kominn að endurnýja frídagaflóruna. Tillaga mín er að kasta þessum ónýtu gömlu lummum og taka upp almennan frídag, þjóðarfrídaginn 3. október. Þennan dag 2008 hrundi allt sem hrunið gat á Íslandi. Á þessum degi ár hvert  verður harðbannað að vinna sama hvað er, þingmenn og ráðherrar sitji heima, læknar og hjúkrunarfólk sitji heima, strætóbílstjórar sitji heima, sem sag allir sitji heima og minnist þessara merku tímamóta sem urðu hjá íslensku þjóðinni þennan dag 3.október 2008. Bannað verður að deyja, ekkert útvarp ekkert sjónvarp. Svo legg ég til að styttan á Austurvelli af honum Nonna Sig, verði flutt á Heytorgið í Kaupmannahöfn, og stytta af Hannesi Hólmsteini verði komið fyrir á stólpanum sem Nonni stendur á í dag.

Núllstilling

 

En þetta er náttúrulega allt of flókið fyrir þá pólitísku moðhausa sem fara með stjórn landssins núna. Því er nauðsynlegt að senda þá í langt langt frí til Kanarí meðan verið er að græa þetta.

Núllstilling

 

Þar sem íslenskur efnahagur er rústir einar, það er manni sagt. Hvernig væri þá að slétta almennilega úr draslinu og byrja upp á nýtt ? Það er ef til vill möguleiki á að rétta við ýmiskonar skekkjur í þjóðfélaginu sem hafa farið vaxandi undanfarna áratugi lesist

( Davíðstugir ) .

 

Það mætti segja sem svo að húsnæðisverð þar með brunabótamat og fasteignamat yrði fært til meðalverðs fasteigna í Frakklandi, Þýskalandi og Austurríki í evrum, eða dollurum Bæði íbúðarhúsnæði og iðnaðarhúsnæði. Mismunandi ástand yrði metið út frá samsvarandi eignum í viðmiðunarlöndunum.

Séu skuldir umfram mat eigna, yrðu þær einfaldlega strikaðar út.

 

Vélar og verkfæri yrðu bókfærð í evrum eða dollurum á sama hátt þ.e. meðalverð á þeim í viðmiðunarlöndunum. Sama meðhöndlun varðandi skuldir véla og verkfæra eins og á húsnæði.

 

Laun á sama hátt færð til meðallauna í hverri stétt í viðmiðunarlöndunum.

Skattar af launum yfir 1.000.000 í krónum, yrðu hækkaðir verulega t.d. í 80-90 %

 

Peningaskipti yrðu með þeim hætti að fyrir- :

-kr 120 til 1.000.000 yrði gengi evrunnar eða dollars 120 kr.

-kr 1.000.001 til 10.000.000 yrði gengi evrunnar eða dollars 200 kr.

-kr yfir 10.000.000 yrði gengi evrunnar eða dollars 500 kr.

Með þessu mætti ná einhverjum fjármunum frá þeim sem hafa fengið stærri skammt af góðærinu, margir á heldur vavasaman hátt, en minna hreyft við efnahag þeirra sem góðærið lét í friði.

 

Kvótinn væri færður til ríkisins og leigður út af ríkinu, skuldir útgerðanna vegna kvótans yrðu afskrifaðar. Kvótakóngar sem selt hafa kvóta verða krafðir um endurgreiðslu söluverðs kvótans.

 

Hvort evra eða dollari yrði fyrir valinu væri þessi  aðferð notuð

 

Þegar þetta hefur verið framkvæmt er raunar búið að núllstilla efnahaginn, þar með er engin verðbólga á þeim tímapunkti.

 

Þetta mætti svo kalla í hagfræðinni POLPOTTS aðferðina við að rétta af efnahag í rúst.

Hryðjuverk-1

 

Osama Bin Oddson og Osama Bin Ásgrímsson eru yfir skipulagningarmenn hryðjuverkana sem framin vor á íslensku þjóðinni og fleirum. Þeir skipulögðu hryðjuverkin með köldu blóði og með staðfestum brotavilja. Til verkanna fengu þeir fólk sem numið hafði peningafræði í Súpergaggó á Melunum, sem er einn 100 verstu Gaggóa í veröldinni.

Þegar litið er til skipulags stjórna bankanna sést að um píramíta skipulag er að ræða. Efst í píramítanum eru bankastjórar, stjórnarformenn bankanna og til skrauts bankaráð. Í næsta lagi eru forstöðumenn og æðri millistjórnendur, sá flokkur er sennilegast 2,5 til 3 sinnum fjöldi æðstu sttjórnenda. Þar fyrir neðan eru millistjórnendur, sem hafa það fyrir starfi að bera ligina frá æðstu stjórnendum til fólksins á gólfinu og sjá til þess að almennir starfsmenn hafi einungis góðar fréttir að færa viðskiptavinum. Ofurlaun eru greidd fyrir þjónustu þriggja efstu flokkanna þó mishá. Hæst að sjálfsögðu til þeirra sem eru hæst í píramítanum.

Eftir hryðjuverkin í byrjun september tóku þeir Osama Bil Haarde og Osama Bin Sigurðsson á sig rögg og hömsuðu bankana til sín. Þeir sögðu toppunum að hinkra aðeins það gæti verið að það þyrfti að spyrja þá um eitthvað. Svo settu þeir sína menn í forstjórastólana en höfðu áfram framkvæmdastjórana sem eru og voru í tveimur næst efstu flokkum píramítans. Það er þetta fólk sem framkvæmdi hryðuverkin fyrir toppana. Það er athyglisvert að þessir nýju toppar halda ofurlaunum fyrirrennara sinna hér um bil óbreytturm. Það er einnig athyglisvert að einn þessara nýju forstjóra veit ekki hvort hann á 190 millur á reikningi sínum eða ekki. Nú er spurningin hvernig er hægt að treysta þessu fólki fyrir stjórn peningamála þjóðarinnar ?

Það er nú það!!!!!!!!!!!!!!!