Kæri Bjarni gæsalappa-vafningur

 

Ég var að hlusta á þig áðan í sjónvarpinu. Hvert orð sem þú sagðir var tær snilld.

En vertu viss, þegar úrtölu-kommarnir lesa þetta fjára-frumverp umturnast þeir og snúa út úr hverri setningu. Hvaða vit er til dæmis í því  að skattleggja yfirhagnað þegar þarf að afskrifa hjá snilldarvel reknum fyrirtækjum eins og eignarhaldsfélaginu Svartháfi, það voru ekki nema 38 milljarðar afskrifaðir hjá þeim, bara smáaurar er það eitthvað merkilegt ?

Fyrir 38 milljarða er ekki hægt að kaupa nema 253 hjartaþræðingarvélar, eða 10 geislalækningatæki. Hvað eru menn svo að rífa kjaft ég bara segi ekki meir „say no more“.

Nei Bjarni minn ekki láta þessa komma stoppa þig í að spara fyrir okkur útgjöldin. Þú ert með að mér skilst 88 sérfræðinga sem eru að minnsta kosti búnir að læra í sjö ár hver í súpergaggó á melunum. Þeir hafa áræðanlega komist að þeirri niðurstöðu alveg eins og Hannes að því að minni skattar sem koma í ríkiskassann þeim meira verður í honum.

Hvað er fólkið að væla yfir því að þurfa að borga lítilræði fyrir gistingu á Lansanum?  Þetta er miklu ódýrara en á tjaldstæðinu í Laugardal. Mig grunar raunar að þingmenn verði undanþegnir þessu beddagjaldi en hef samt ekki fengið það staðfest.

Ég skrifa þér bráðum aftur elsku drengurinn.

Þín Magnea

Kæri Sigmundur minn glópalán

Kæri Sigmundur glópalán D. Gunnlaugsson.

Mikið er ég sammála þér að taka ekki mark á þessum skammstöfum utan úr heimi. Hvað svo sem þessar skammstafanir hafi vit á okkur íslendingum ? ég bara segi það. Meðan evrópufésið hefur ekki sannað sig fyrir Íslandi þá skulu þessar skammstafanirm bara tala fyrir sig.

AGS, LSD, SA, DV, MBL, OECD, LÍN, FÍB, DB, ESB, EB, EIR, DAS, HHÍ, FÍ, BLÍ, BSRB, BB, LB, ISB, LB, og svo má lengi telja. Eina skammstöfunin sem ég veit að sé til einhvers gagns er LÍÚ. Auðvitað ber að fara eftir alvöru skammstöfunum þegar þiggja skal heil ráð, hvað annað segi ég bara ? Elsku drengurinn minn ef einhver er að bulla og nefnir til sögunna aðrar skammstafanir en LÍÚ þá bara segir þú sem rétt er, það er ekkert að marka þetta þvaður í ykkur og hana nú.

Simmi minn elsku drengurinn hlustaðu ekki á nöldrið um kosningarloforð, það kemur frá nautheimskum almúganum sem hefur ekkert vit hvorki á pólitík né fjármálum. Það er bara gott á þetta hyski hvernig komið er fyrir því, það hefur kosið þetta yfir sig og á ekki betra skilið. Þið þarna úti, hættið að skammast út í Simma og Bjarna, þeir mega alveg gera það sem þeim dettur í hug, þeir eiga þetta og mega þetta.

Þín ástkæra

Magnea.

Kæri Staksteinn.

  Það er sko alveg rétt hjá þér Dabbi minn, þetta með útvarpsráðið, hvað hafa svo sem einhverjir gaurar út í bæ vit á fréttavali í útvarpi og sjónvarpi? Nei og aftur nei, auðvitað á meirihluti á alþingi að ráða hvað er sagt í útvarpinu en þó enn frekar hvað ekki er sagt, það sjá nú bara allir. Þessir gaurar sem þykjast vera að vinna þarna í Efstaleytinu eiga bara ekkert með að rífa kjaft út af þessu útvarpsráði. Það sjá bara allir að þeir sem eru á Austurvellinum eru næst því sem er að gerast í landinu og geta því einir ákveðið hvað er hollt fyrir svokallaðan almenning að heyra og sjá, og hvað ekki. Ég treysti sko Illhuga menntráðherra fullkomlega til að velja sína og Bjarna gæsalappa-menn í þetta ráð til að koma í veg fyrir að þessir þarna í útvarpinu og sjónvarpinu sendi einhverja vitleysu út á öldur ljósvakans. Já Dabbi minn ég segi bara það. Ég ætla bara ekki að kveikja á þessum kössum fyrr en ég er viss um að þínir menn séu sestir undir stýrið, þangað til ætla ég bara að hlusta á Útvarp Sögu, þar er engu logið. 

Elsu Staksteinn minn, ekkert stress, bless.

 

Þín Magnea.

Kæra Vigdís

Kæra Vigdís. Við munum það nú svo
vel þegar félagið okkar setti þá reglu að kynjaskipting ætti að vera 40%
kallpeningur ekki minna, og 40% kvenpeningur ekki minna, þegar skipað er í
áhrifastöður og embætti.  Að vísu var svo sagt að útaf þessari reglu mætti víkja en það yrði að vera augljósar og gensæjar ástæður fyrir því.

Elsku dúllan mín, sérðu ekki hvers vegna Simmi vill ekki fá þig í ráðherrastól?  Ég bara spyr.

Það er svo sem ekki von að þú fattir það, en dúllan mín, það er bæði augljóst og gensætt. Þú ert svo hundleiðinleg og frek að hann treystir sér ekki til að leggja það á ráðherra-klúbbinn sinn  að
hafa þig með.

Hugsaðu þér bara í ráðherraveislum ef þú færir að bölva einhverju til dæmis rauðvíninu eða
eitthvað, það myndi bara setja alla úr stuði. Þú verður bara elsku Vigga mín að
gleypa þennan bita, ég mæli með íslenskum bjór til að skola þessum bita niður með.

Ég hef samband við tækifæri.

Bestu Kveðjur
Magnea

Kæri Bjarni

    Hvað eru þessir menn að meina þegar þeir segja að þú hafir
lofað að framkvæma en ekki setja nefndir til að tefja  fyrir? Ég bara segi það Bjarni minn gæsalappa-vafningur,
það þýðir ekkert að flana að þessum 
forsendubrestum. Heldur fólk bara að það þurfi ekkert að skoða þetta ?
Það var ekki svo glæsilegt þegar Grímur skildi við kassann galtóman  með skuldaviðurkenningar í allar áttir „I own you"

Nei vinurinn minn, Grímur og Jóka æstu hungrið
upp í hrægömmunum rétt áður en þau hættu að leika sér með fjöreggið. Nú slefa hrægammarnir
og heimta meiri aur.

Já Bjarni minn, þið Simmi glópalán hafið sko í margt að líta
næstu mánuði. Er það ekki bara helvítis kommaáróður að þið XD og XB hafið sett
í fangið á Grími og Jóku árið 2009, 216 milljarða skuld og 18,6 % verðbólgu.

Er það ekki líka bara samskonar kommúnistaáróður að í fangið
á ykkur hafi Grímur og Jóka kastað 3,6 milljarða skuld og 4,8 % verðbólgu? Ég
bara spyr. Það sjá náttúrulega allir að það er ekkert smá til að glíma við fyrir ykkur.

Auðvitað þarf að lækka skatta og afnema veiðigjöldin til að
redda þessu, hvað annað má ég bara spyrja?

Nei Bjarni minn, láttu sem þú heyrir ekki þetta nöldur í gullfiskunum,

þeir gleyma þessu hvort sem er.

Bless í bili elsku drengurinn minn.

Þín Magnea

love you

Kæri Staksteinn.

 Það er mál að linni. Þetta nær bara ekki nokkurri átt að þurfa að
borga fyrir að draga lífsbjörgina í bú. Ég bara veit ekki hvað þau Grímur og
Jóka voru eiginlega að hugsa. Að pína útgerðina til að borga þjóðinni rentu af
auðlindinni nær bara ekki nokkurri átt, þvílík ósvífni segi ég bara. Ég treysti
þér vinurinn minn til að tala við þá Bjarna gæsalappa-vafning og Simma
glópalán, og láta þá hætta þessari vitleysu undir eins."right away,yes".

Að hugsa sér að rukka blessaða útgerða englana  um heilar átta krónur fyrir kílóið er
svívirða. Það er allt annað að borga blessuðum frændum okkar hundraðkall á
kílóið það sjá allir."Every body yes"

Staksteinn elsku vinurinn haltu áfarm að hamra á þeim Simma og Bjarna og
láttu þá endurgreiða blessuðum englunum það sem þeir hafa borgað, ef þeir hafa
þá borgað eitthvað og ekki gleyma vöxtunum. Sanngjarnt er að rentan af þessu
verði samsvarandi vanskilavöxtum, enda er þetta veiðigjald ekkert annað en
mínus-gjald.

Elsku Staksteinn minn ég elska þig

Þín Magnea

Kæri Sigmundur glópalán

Það er ekki ein lygabáran stök. Það hlaut að liggja að,
þessi skötuhjú Grímur og Jóka, fölsuðu ríkisbókhaldið rétt fyrir kosningar.
Hvernig áttir þú að vita það? En þú lætur nú samt eftir Bjarna gæsalappa að
létta sköttunum af hátekjufólkinu.

Sigmundur minn haltu fast við þitt og losaðu vini þína
undan veiðileyfisokrinu, ég er viss um að  Bjarni gæsalappi verður himinlifandi. Það nær bara ekki
nokkurri átt þetta kjaftæði um að þú ætlir að svíkja vitleysinganna sem kusu
þig. Auðvitað færir þú niður skuldir vina og vandamanna þó það nú væri, ég segi
það bara. Þessi ómerkilegi Seðlabanki er að ljúga því að okkur að staðan sé með
ólíkindum sæmileg miðað við hrunið sem þið frammarar og íhaldsenglarnir skipulögðuð.
Nei Simmi minn við látum þessi illfygli ekki komast upp með svona kjaftæði.
Farðu í máð við þetta hyski bara eins og skot.

Simmi minn elsku drengurinn verðum í sambandi.

Bestu kveðjur, Magnea

Kæra Harðabirna.

Ég fékk í hnén þegar ég heyrði þig segja, „auðvitað kemur Bjarna
gæsalappa það einum við hvernig hann dílar við Simma glópalán" elsku Harðabirna
mín svona eiga varaformenn að vera, ekki sífellt að anda ofan í hálsmálið á
foringjanum. Þessir blaðasnápar eru bara að hugsa um að koma illindum af stað
með þessum bjánalegu spurningum. „Yes stupid question".

Láta sér  detta í hug að spyrja þig gullið mitt, að því hvort þér finnist eðlilegt að fá ekki að fylgjast með
dílnum, við Simma glópalán. Eins og þessum blaðasnápum komi eitthvað við hvað varaformanni
finnst, halda þessi  illfygli að varaformanni
komi eitthvað við. Nær væri fyrir þá að spyrja Davíð fyrrverandi hvað honum
finnst, ég segi bara það. „Yes ask David".

Elsku dúkkan mín þú ert nú alltaf svo sæt, best fyrir þig að vita
ekkert, þú gætir fengið áhyggjuhrukkur á sæta ennið þitt ef þú bara vissir
hvaða díla Bjarni gæsalappa-vafningur er að gera við Simma glópó.

Bless í bila elsku Harðabirna mín „I love you"

Þín ævinlega einlæga.

Magnea

Kæri Bjarni gæsalappi.

 Þegar ég heyrði að þú
ætlaðir að standa fastur fyrir með skattalækkanirnar, fór ég í skápinn sem
konan geymir silfrið í.

Eftir nokkurt grams í
silfrinu fann ég skeið sem mér fannst vera hæfilega stór fyrir skyrát.

Hvað er að sjá þetta
segi ég við konuna, skeiðin er kolsvört, á þetta ekki að vera silfurskeið ?

„yes silver spoon"  Hún gjóar á mig augunum og segir ósköp rólega,
en þó með þungri áherslu. Jú þetta er silfurskeiðin sem hún amma mín gaf mér í
skírnargjöf fyrir fyrir 71 ári ef ég man það rétt. Hvað ætlar þú svo sem að
gera við hana? Ha ég bara éta skyrið mitt með henni, en hún er bara svo svört.
Pússaðu þá skeiðina maður það er silvo-brúsi í þvottahúsinu. Hvað er þetta því
viltu endilega fara að nota silfurskeið  í skyrið?

Nú þegar þú Bjarni minn gæsalappa-vafningur ert búinn að lækka skattana hef ég sko alveg efni á
því að hafa rjóma út á skyrið, og ekki nota ég þá einhverja ómerkilega blikk
skeið, nei ónei silfurskeið er við hæfi. Er ekki annars öruggt Bjarni minn að
það verði gert í einum grænum hvelli þegar 
þið Sigmundur glópalán eruð búnir með vöfflurnar og pönsurnar.

Guð blessi ykkur drengina sem eru svo góðir að lækka skattana.

Þín Magnea